دوو که‌س ده‌کوژرێن و که‌سێک بریندار ده‌بێ

کوشتنی کوڕی گه‌وره‌ی ئیمام جومعه‌ی مه‌ریوان و براکه ی

مه‌ریوان: کاتژمێر 9:00 ئه‌مشه‌و 5 جولای 2009، چه‌ند که‌سێکی نه‌ناسراو له‌ بڵواری مه‌لا بێسارانی شاری مه‌ریوان ته‌قه‌یان له‌ سێ که‌س کرد. ئه‌و سێ که‌سه‌ی که‌ ته‌قه‌یان لێکراوه‌ بریتین‌ له‌ سه‌عدی شێرزاد کوڕی گه‌وره‌ی مه‌لا هادی شێرزاد (هادی جۆشکار) ئیمام جومعه‌ی مه‌ریوان و برایه‌کی ئیمام جومعه‌ به‌ناوی عابید و تا ئێستا ناونیشانی که‌سی سێهه‌م دیار نییه‌.

به‌پێی وته‌ی شایه‌دحاڵه‌کان سه‌عدی و عابید له‌ جێدا کوژراون و که‌سی سێهه‌م به‌توندی بریندار بووه‌ و بۆ نه‌خۆشخانه‌ی شاری سنه‌ راگوێزراوه‌.

شایانی باسه‌ که‌ هیچ زانیارییه‌ک له‌سه‌ر ئه‌و که‌سانه‌ی که‌ ته‌قه‌یان له‌و سێ که‌سه‌ کردووه‌، له‌به‌رده‌سدا نییه‌.

serchaw pak