فستق بۆ ئافرەتی شیردەر

فستق Pistachio پێكهاتووە لە ئاو، پرۆتین، نیشاستە، زەیت، ریشاڵی سیلیلۆزی، هەروەها فستق زۆر دەوڵەمەندە بە كانزاكانی سۆدیۆم، پۆتاسیۆم، فۆسفۆر و ڤیتامینەكانی A و B. فستق چەوری ناتێری تێدایە كە خۆراكێكی زۆر گرنگە بۆۆشانەكانی مێشك، هەروەها كانزی فۆسفۆریش گرنگی زۆری هەیە بۆ چالاككردنەوەی سووڕی خوێن لە مێشكدا و باشتركردنی فرمانەكانی مێشك وەكو سەرنج و تەركیز و ئەزبەركردن و كردارە ماتماتیكییەكان. خواردنی فستق یارمەتی لەش دەدات بۆ وەدەستهێنانی وزە لە خۆراكدا، هەروەها سووڕی خوێن لە گورچیلەكان باشتر دەكات و نایەڵێ كە قوم لە كۆئەندامی میزەڕۆدا بنیشێت. جگە لەمانە، كازو ددان و پوك لە گەلێك نەخۆشی دەپارێزێت.
لە هەمان كاتیشدا ماسوڵكەكانی زمانەی دەمی گەدە (زمانەی نێوان كۆتایی سورێنچك و گەدە) بەهێز دەكات، بەمەشەوە نایەڵێت كە ترشەلۆكی گەدە بگەڕێتەوە بۆ بەشی خوارەوەی سورێنچك و هەوكردن و ئازار پەیدا بكات، كە هەندێك جار ترشەڵۆكی گەدە هەڵدەكشێ بۆ سەرەوە و نەخۆشی لە قوڕگدا پەیدا دەكات. لە ئافرەتدا، خواردنی فستق یارمەتی دروستبوونی شیر دەدات و چەوری و كانزاكانی زیاتر دەكات، واتە لە رووی كوالیتییەوە شیر باشتر دەبێت. گەلێك لە نەخۆشییەكانی پەیوەست بە كۆئەندامی زاوزێ بە خواردنی فستق بە بەردەوامی سووكتر دەبن، هەروەها نەخۆشییەكانی سینگ و كۆكەش سووكتر دەبن. نەخۆشچانی شەكرەش سوود لە خواردنی فستق وەردەگرن بەوەی كە ئاستی شەكری خوێنیان دادەبەزێت و دەكەوێتە ژێر كۆنترۆلەوە.