ئـــه‌نـــفلـــۆنـــزای‌ ئـــاســـایـــی لـــه‌ئـــه‌نـــفلـــۆنـــزای‌ بـــه‌راز مـــه‌تـــرسیـــدار تــــــره‌

ئـــاژانـــسه کـــان:وه‌زیری‌ ته‌ندروستیی ئه‌ڵمانیا  فیلـیب ڕولـز :له‌ لێدوانێكیدا بۆ ڕۆژنامه‌ی‌ ( بیلد ئام زونتاج ) ئامۆژگاریی هاووڵاتیانی‌ ئه‌ڵمانی كرد كه‌ به‌رده‌وام له‌ژێر چاوه‌دێری‌ و ڕێنمایی پزیشكه‌كانیاندابن و له‌خۆوه‌ هیچ ده‌رمانێك به‌كار نه‌هێنن و هه‌وڵیش بده‌ن كه‌ به‌زوویی كوتانی‌ دژی‌ ئه‌و ڤایرۆسه‌ وه‌ربگرن . هه‌روه‌ها فیلیب ڕاشیگه‌یاند كه‌ بۆ خۆی‌ ده‌رمانی‌ دژی‌ ئه‌نفلۆنزای‌ به‌راز و ئه‌نفلۆنزای‌ ئاساییشی وه‌رگرتووه‌ و له‌هه‌مان كاتیشدا داوای له‌ توێژه‌كانی‌ كۆمه‌ڵ و به‌تایبه‌تیش پیاوانی‌ پۆلیس و تیمه‌كانی‌ پزیشكی كرد كه‌ له‌زووترین كاتدا ئه‌و ده‌رمانی‌ به‌رگریانه‌ به‌كاربهێنن .
ئه‌مه‌و ڕۆژی‌ هه‌ینیی ڕابردوو ئافره‌تێكی‌ ئه‌ڵمانی‌ له‌نه‌خۆشخانه‌ی‌ گشتی شاری‌ ” بـــون ” به‌هۆی‌ ئه‌نفلۆنزای‌ به‌رازه‌وه‌ گیانی‌ له‌ده‌ستدا و به‌وه‌ش ژماره‌ی‌ قوربانیانی‌ ئه‌ڵمانی‌ به‌و په‌تایه‌ بۆ (6 ) شه‌ش كه‌س به‌رزبووه‌وه‌ و ژماره‌ی‌ تووش بووه‌كانیش به‌و په‌تایه‌ تا ئێستا گه‌یشتووه‌ته‌ ( 30,000 ) كه‌س .