ئاخر نامه‌ى ماجد مسته‌فا سوڵتانی

«بێدادگه‌هی ته‌برێز»
ئاخر نامه‌ و دوایین په‌یامه‌کانی
شه‌هید ماجد مسته‌فا سوڵتانی
چه‌کند بر قلب چون آتش من بلشویک وا بباید مردن
هه‌ڤاڵان و یارانی هێژا !
به‌ گه‌رمه‌ سڵاوێکی ئاگرینه‌وه‌، له‌ دووره‌وه‌ ده‌سته‌کانتان خۆشه‌ویستانه‌ ده‌گوشم. گه‌لێک به‌هیوام ته‌ڤگه‌ری نیوه‌کاره‌ی شۆڕشی گه‌لانی وڵاته‌که‌م به‌ ڕێبه‌ریی پڕۆلیتاریا و، به‌ نه‌سره‌وتن و کۆڵنه‌دانی ئێوه‌ی تێکۆشه‌ر، له‌ ده‌قی بزوتنه‌وه‌ی کمونیستی دا درێژه‌ی پێ بدرێت و ئاواتی هه‌ره‌ به‌رزی گه‌لانمان بهێنێته‌ دی. له‌درێژه‌ی تێکۆشانی ماندوو نه‌ناسانه‌تاندا، ئه‌و کاته‌ شنه‌ی خۆش خه‌به‌ری سه‌رکه‌وتن په‌یامی سه‌رفرازیمان بۆ ده‌هێنیت، که‌‌ چه‌کی ڕه‌خنه‌گریی بێ به‌زه‌ییانه‌تان‌ دژ به‌ هه‌ر چه‌شنه‌ ڕاڕایی و لادانێکی ده‌روون ڕێکخراوه‌یی، هه‌میشه‌ ئاماده‌ و له‌سه‌رپێ بێت. ‌به‌ر و به‌رهه‌می خه‌باتی سه‌خت و بێ وچانتان له‌ یه‌که‌مین گزنگدانی دا، سۆسیالیزم و له‌ ئاخرسه‌ردا سه‌قامگیریی ده‌سه‌ڵاتی چینی کرێکار و زه‌حمه‌تکێش ده‌سته‌به‌ر ده‌کات . ده‌سا شادی و ده‌مکاتێکی پڕ له‌ به‌خته‌وریتان له‌ سه‌ر ڕێ دابێ.

هه‌واڵان !
چه‌ند مانگ دوای ده‌ست به‌سه‌ریم له به‌ندیخانه‌ی ڕژێمی دژی گه‌لی، ئه‌و ڕژێمه‌‌ی که‌ هه‌ر له‌ سه‌ره‌تای خۆ داسه‌پاندنی دا نواندی و نیشانی دا که‌ چ‌ وه‌ستاکارێکی وه‌فاداری تاکانه‌یه‌ بۆ نه‌وژه‌ن کردنه‌وه‌ی سیستمی گه‌نده‌ڵی سه‌رمایه‌داریی گرێدراو به‌ ئه‌مپریالیزم و، چه‌نده‌ خێرا و به‌توانایه‌ له‌‌ سه‌رکوتکردنی کرێکار و زه‌حمه‌تکێشان و، چیها تینووه‌ بۆ خۆین خۆری و خوێن ڕژتنی خه‌ڵکان و، چقاس مێشک په‌رپوت و کین له‌ دڵه‌ له‌ ڕماندن و خاپوور کردنی ماڵی هه‌ژاران و چه‌نده‌ بێ جه‌رگ و ترسنۆکه‌ له‌ ئاست بزوتنه‌وه‌ و سه‌رهه‌ڵدانی خه‌ڵکان دا. ئه‌و ڕژێمه‌ی که‌ کرێکارانی ڕه‌نجه‌ڕۆی شاری ئیسفه‌هان ، ته‌برێز، دورود و چه‌ندین شوێنی تری ڕه‌نج به‌خه‌سار تر کرد، ئه‌و حاکمییه‌ته‌ی که‌ شۆڕای ڕاسته‌قینه‌ی کرێکارانی داخست و، کوردستان و تورکمه‌ن سه‌حرای غه‌رقی خوێن کرد، ئه‌وا منیشی به‌سووچی ئه‌مه‌ که‌ برای کاک فوئادم و هه‌واخوای چینی کرێكارم و ئامانجه‌کانی ئه‌وانم به‌ لاوه‌ پیرۆزه ‌، له‌ بێدادخانه‌که‌یان دا‌ دوای سه‌رخوێندنه‌وه‌یه‌کی نمایشی، سزای مه‌رگیان بۆ بڕیمه‌‌وه‌. من به ‌بیستنی حوکمی زۆردارانه‌یان و دڵنیا بوونم له‌ کارنامه‌ی به‌دکارانه‌یان ‌، سویندی مه‌زنم به‌ داهاتووی ڕوونی هێزی کرێکار، سوێندی گه‌و‌ره‌م به‌ گه‌له‌که‌م ، هه‌ر به‌ چه‌شنی گڕکانی ئاگر ده‌مام و، ده‌می چه‌نه‌ چه‌وتی «نووری» و «مورته‌زا»م به‌ نرکه‌ی بوێرانه‌م ده‌مکوت کرد. منێک که‌ له‌ فێرگه‌ی کاک فوئاده‌کان، کاک حسێنه‌کان و کاک ئه‌مین ـ ه‌ کان( ئه‌و سێ هاوڕێ و سێ برای شه‌هیدی قاره‌مان)م و له‌به‌ر شه‌به‌نگ و تیشکی ڕێبازی حه‌مه‌حسین ـ ه‌کان ، پیرخزرییه‌کان، گه‌نجییه‌کان ، فه‌رشچییه‌کان ، موعینییه‌کان ، زه‌که‌ریاییه‌کان ، قوبادییه‌کان و هه‌زارانی تری له‌ چه‌شنی ئه‌واندا وانه‌ی داکۆکی له‌ مافی کرێکارم وه‌رگرتووه‌، خۆڕاگرانه‌ ڕاوه‌ستام .
کاک فوئاد له‌ ناخی مێشک و مژیم دا ڕواندبووی که‌ :
نیست بر لوح دلم جز الف قامت یار
چکنم حرف دگر یاد نداد استادم !
گه‌لێک دره‌نگ نییه‌ ئه‌مڕۆ سبه‌یه‌ک، ماچی ده‌سڕێژی گولله‌بارانی دوژمنی دڵڕه‌ش، به‌ دوور له‌ چاوگه‌لی ئازیزه‌کانم ، له‌ش و لاری گه‌رمم له‌ خاک و خوێن ده‌گه‌وزێنێت. ئه‌وا له‌ ئاخر پێچی کۆچی ماڵاواییم دا ئاخر ده‌نگی دڵه‌که‌م هه‌ڵده‌بڕم و دوایین قسه‌ و په‌یامم بۆ هه‌ڤاڵان ده‌نێرم ، که‌ نه‌سره‌وتن و درێژه‌دانی ته‌ڤگه‌ری به‌دوور له‌ نوچدانی ئێوه‌یه‌ ڕیزه‌کانی پۆڵایین و پته‌وی چینی کرێکار بۆ داڕوخانی قه‌ڵای سته‌می سه‌رمایه ‌و بۆ سه‌قامگیر کردنی سۆسیالیزم ده‌سته‌به‌ر ده‌کات؛ ئا له‌م بوار و ڕێبازه‌ش دا، بڕبڕه‌ی پشتی خه‌باتی ئێوه‌ ‌له‌ ڕێکخراوه‌که‌تاندا، ڕه‌خنه‌گرتنی زانایانه‌تانه‌‌ له‌ هه‌ر چه‌شنه‌ ڕاڕایی و پاشگه‌ز بوونه‌وه‌ و ‌لادان له‌ بنه‌ما سه‌ره‌کییه‌کانی زانستی شۆڕشی کرێکارییه‌ له‌ ده‌روونی ڕێخراوه‌که‌تان دا.

ڕووی وته‌یه‌ک له‌ بابه‌ و دایه‌م :
دوای چه‌ندین مانگ هه‌ڵوه‌دایی و بێ هه‌واڵی لێتان، ‌ به‌ سڵاوێکی گه‌رم و ئاگرینه‌وه‌، له‌ دوره‌وه‌ ده‌سته‌ میهره‌بانه‌کانتان ڕاده‌مووسم. ئه‌وا«ئاخر»
نامه‌ و دوایین«په‌یام»ی خۆمتان پێشکه‌ش ده‌که‌م.
دایه‌ و بابه‌ خۆشه‌ویسته‌که‌م ، ئێوه‌ خۆتان له‌ ژیانه‌ پڕله‌ ئه‌زمونه‌که‌ی خۆتاندا شاره‌زان، یان بڵێین هیچ نه‌بێ دوای ساڵی 56 ، هاوکات ده‌گه‌ڵ به‌رز تێهه‌ڵچوونه‌وه‌ی تێکۆشانی گه‌لانی ئێران، بۆ هه‌موو لایه‌ک ڕوون و ‌ئاشکرا ده‌رکه‌وتووه‌ که‌«هیچ شۆڕشێک به‌بێ قوربانی تێپه‌ڕ نابێت». ئه‌وه‌ی ئاشکرایه‌، چینی کرێکار و سه‌رجه‌م چه‌وساوه‌کانی سه‌ر زه‌وی بۆ ڕزگاری له‌ ژێر سته‌می و وه‌رگرتنه‌وه‌ی که‌سایه‌تی و ده‌سه‌ڵاتی سیاسی، له‌ ته‌نگه‌تیله‌ی ژیانی نابه‌سامانیان دا هیچ ده‌روویه‌کی به‌خێر نابێنن که‌ پێی بچارێن، جگه‌ له‌ ڕاپه‌ڕین و ده‌سته‌ویه‌خه‌بوونه‌وه‌ ده‌گه‌ڵ دژان و دژبه‌رانی خۆیاندا؛ له‌م بواره‌ چاره‌نووس سازه‌ پڕ خه‌ته‌ره‌شدا ئه‌وا هه‌ر پرۆلیته‌ره‌ پێشه‌نگ و ڕێبه‌ره‌ و، ئێمه‌یش ڕێبوارانی باوه‌ڕمه‌ندی ئه‌م ڕێبازه‌ین و گرێدراوین به‌ تێکۆشان له‌م ڕێگه‌یه‌دا. سه‌ر و ماڵمان له‌ پێناو ئارمانجمان دایه‌ و، هه‌ر چه‌شنه‌ ڕاڕایی و کزۆڵیش له‌ خه‌بات دا، به‌ خه‌یانه‌تی مه‌زن ده‌زانین. باشترین به‌ڵگه‌ی له‌ بۆ سه‌لماندنی پڕ له‌ شانازیی قسه‌کانم ، خه‌بات و خۆ به‌خشینی سێ ڕۆڵه‌ی قاره‌مانتانه‌، که‌ هه‌ر سێیانیان که‌م ژیان، به‌ڵام هه‌تا سه‌ر ژیان. ئه‌وا سه‌ری منیش له‌ پێناو ئه‌و سه‌ودا گرانباره‌ دا ده‌گه‌ڕێت و هه‌ر ئه‌و ڕێگایه‌ ده‌پێوێت، که‌ سێ ئه‌ستێره‌ی سووری ئێوه‌ی پێیدا ڕۆیشتن. منیش وه‌ک ئه‌وان و ژمارێکی له‌ هه‌ژمار نه‌هاتووی تر، هه‌رچی وه‌زه‌ و هێز و خوین و گیانی که‌ له‌ جه‌سته‌م دایه‌، ده‌ی توێنمه‌وه‌ و داری ئازادی پێ به‌خته‌وه‌ر ده‌که‌م. ئاخۆ چ شتێک له‌مه‌ باڵاتر و دڵگوشاتر ده‌بێ ‌، که‌ که‌سێک به‌قازانجی چه‌وساوه‌ و ڕه‌نجده‌رانی ڕووی زه‌وی ، بتوانێت ڕه‌وڕه‌وه‌ی مێژوو به‌ره‌و پێش به‌رێت؟ من باش ده‌زانم که‌ وته‌کانی من له‌م ده‌مه‌ هه‌ستیار و خه‌مناکه‌دا بۆ ئێوه‌ ، له‌وانه‌یه‌ دایه‌ و بابه‌یه‌ک‌ که‌ سه‌رچاوه‌ی دلۆڤانی و به‌زه‌یی له‌ ڕاده‌ به‌ده‌رن‌ بۆ ڕۆڵه‌‌یان ، که‌مڕه‌نگ و غه‌ور لێنیشتوو بێته‌ به‌رچاو، به‌ڵام ڕێبوار هه‌ر ده‌بێ له‌ ڕێدا بی و ده‌گه‌ڵ ڕۆیشتنم هه‌ر به ئاواته‌وه‌م کاتێک دابێت و وته‌کانی من و یارانی من ، ته‌م ڕه‌وێن و مژ لاده‌ر بن و ڕه‌نگی ڕاسته‌قینه ‌ی باوه‌ڕێ ئێمه‌ له‌به‌ر چاوی دایه‌و بابه‌کاندا ده‌ربخه‌ن.

تا شه‌هید خوێنی نه‌ڕێژێت تاکو گه‌ل تاڵی نه‌چێژێت
داری ئازادی شین نابێ باخی ژینمان پڕ ژین نابێ

که‌وایه‌، دایه‌ و بابه‌ ئازیزه‌که‌م، به‌پێی ئه‌م ڕوونکردنه‌وه‌یه‌ و به‌ تێڕوانینێک له‌ ئه‌زمو‌نه‌کانی خۆتان و به‌تایبه‌ت‌ ڕووداوه‌کانی ئه‌م چه‌ند ساڵه‌ی دوایی ، به‌هیوام ڕاستییه‌کانیان ده‌رخستبێت و خه‌م و مه‌راقی له‌ دڵ دا نه‌هێشتبن و له‌ بری په‌ژاره و خه‌م و فرمێسک‌، هێز و وزه‌یه‌کی له‌ ڕاده‌به‌ده‌ری له‌ دل و ده‌روونی ئێوه‌ و هه‌موو خوشک و براکانماندا جێگیر کردبێت. ئه‌گه‌ر خوشک و براکانی تریشمان وه‌ک ڕێبوارانی ئه‌م ڕێبازه قۆڵی تێکۆشانێان هه‌ڵماڵی بێت ، ‌بێشک دڵ و ده‌روونی هه‌راوی بوێرانه‌ و دنه‌دانی سه‌خاوه‌تمه‌ندانه‌ی ئێوه‌ ، بۆیان ده‌بێته‌ گڕ و گه‌رمایه‌کی ترس و تاسه‌ شکێن له‌ ڕێی خه‌باتیاندا. په‌یام و سڵاوه‌کانم به‌ خوشک و براکانم بگه‌یه‌نن، به‌تایبه‌ت به‌ کاکه‌ ڕه‌شاد، کاکه‌ عه‌به‌ و خوشکه‌ ڕێزداره‌ ئازیزتر له‌ گیانه‌که‌م مه‌له‌که‌ خانمه‌ خۆشه‌ویسته‌که‌م‌ و برا هێژاکانم ئه‌مجه‌د و ڕزا و حیشمه‌ت، هه‌روه‌ها براژنی به‌ڕێزم شوکریه‌ و کیژۆڵه‌ خۆشه‌ویسته‌که‌یان«فرمێسک» .
ده‌ستی منتان به‌ داوێن ، نه‌که‌ن له‌ ئاستی فرمێسک دا که‌مته‌رخه‌می بکه‌ن و نه‌خش و ده‌وری پێشڕه‌وانه‌‌ و قاره‌مانانه‌ی باوکی و سێ مام ـ ی تیکوشه‌ری لێ حه‌شار بده‌ن! داوام له‌ برایان و خوشکان و شوکریه ‌ـ ی هێژا ئه‌مه‌یه‌ و چاوه‌ڕوانیم لێتانه‌ که‌ له‌«فرمێسک»ه‌ نه‌رم و نیانه‌که‌تان گڕکان و کوانوویه‌کی پڕ له‌ سکڵی ئاگر ساز بکه‌ن؛ لێبگه‌ڕێن ده‌سا با چه‌خماخه‌ی ئاورینگی هه‌ستانه‌وه‌ له‌ گۆڕی پڕ گڕی فرمێسکه‌کان هه‌ستێ و دڵی ڕه‌شی شه‌وه‌ زه‌نگ بڕووشێنێت.

مه‌له‌که‌ ئازیزه‌که‌م ! هه‌رچه‌نده‌ که‌ لێت دڵنیام و ده‌زانم گیانی تێکۆشان و مورالی شۆڕشگێرانه‌ی تۆ چه‌نده‌ به‌رزه‌ و، له‌ خاوێنی و له‌ ئیمان و له‌ بڕوا دا چه‌ند به‌ڕێزی، به‌ڵام بۆ ئه‌وه‌ی که‌ ڕێبازه‌ پیرۆزه‌که‌ت له‌ هه‌موو کارامه‌ییه‌کانت به‌هره بستێنێت و هیچی به‌فیڕۆ نه‌چێت، پێشنیار ده‌که‌م له‌مه‌و دوا بچیت و له‌ ته‌برێز یان تاران نیشته‌جێ بی. له‌ یه‌کێک له‌م دوو شارانه‌دا هاوشان ده‌گه‌ڵ هاوسه‌نگه‌رانت کار بگریته‌ ئه‌ستۆ و به‌ره‌و پێش بچیت. ئاخر په‌یام و ڕاسپارده‌ی من بۆ هه‌موو برایان و سه‌رجه‌می هاوڕێیان ، درێژه‌دانی خه‌بات و خۆ ته‌یارکردنیانه‌ به‌ ئه‌زمون و زانسته‌کانی ئایدیولۆژیی چینی کرێکار‌ و، چی تر… به‌ڵام دایکه‌مه‌م !

وه‌ به‌ڵام ئه‌ی دایکه‌که‌م !
«من نه‌ ڕۆڵه‌ی تۆم ، حاشام لێت ده‌بێ‌ ، گه‌ر وه‌ک شینگێڕێ بۆ مه‌رگی سوورم به‌ شین و ڕۆ ڕۆ بی و، مه‌رگی مه‌یدانیم به‌ مردن بگری‌! من نه‌ ڕۆڵه‌ی تۆمه‌ ‌، ئه‌‌گه‌ر له خوێن دا شه‌ڵاڵم ببینی و به‌ چاو بۆم بگری، نه‌که‌ی له‌‌و ده‌رده‌ی دوژمنی به‌دکار هێنای به‌ سه‌رما، سنگم بۆ بکوتی و ڕووم له‌ بۆ بڕنی! حاشام لێت ده‌بێ دایه‌،‌ گه‌ر له‌ کۆڕی یارانمدا که‌یل و خه‌مناک و ڕه‌شپۆش بێیته‌ به‌ر چاویان.
دایه‌! بارانی گولله‌، ده‌سڕێژی دوژمن، له ‌ڕێی ئامانجی به‌رزی کرێکار، بۆ من جه‌ژنه‌یه‌ و بۆم زه‌ماوه‌نده‌، کراسی نه‌خشاو به‌ خوێنی ئاڵی گه‌رمی گڕ گرتووم ، چلچرای ژووری زاوابه‌ندیمه‌ … ئه‌گه‌ر دایکی تۆ و، دایکه‌که‌ی منی ، ڕابه‌ سه‌ر پێیان ، ئاڵا و واڵایان له‌ خۆت هاڵێنه‌ ، سنگ و به‌رۆکی خوشکه‌ نازه‌که‌م به‌ گوڵی شللێر، به‌ سمڵ و میخه‌ک بڕازێنه ـ ڕه‌خت و تفه‌نگی خه‌باتی سوورم له‌ ملی خوشکم که‌، ئه‌و که‌ ساڵیانه‌ هاو ڕازی بیرمه‌ و له‌ یه‌ک ئایینین… ڕابه‌ سه‌ر پێیان ، ئاڵا و واڵایان له‌ خۆت هاڵێنه‌ و نێوبانگی سوورم هه‌ر سوور ڕابگره‌، لێبگه‌ڕێ دوژمن له‌ بیستنی ناوی قاره‌مانانه‌م وه‌ک بی بله‌رزێ‌».

کڵپه‌ی شۆڕش له‌ کوردستان له‌ گشت ئێران
هێزی به‌رزی ‌گشت سه‌ربه‌ستان
وڵات ده‌کات به‌ گۆڕستان
بۆ خاینان و بۆ په‌ستان
ئه‌وسا میلله‌ت خۆی ده‌زانێ
داری خنکان بۆ کێ دانێ

سڵاو له‌ یاران، سه‌رکه‌وتن به‌شتان.

مه‌رگ و نه‌مان بۆ ئه‌مپریالیزم و کۆنه‌په‌رستانی ناوخۆیی
بژی سۆسیالیزم .
بێدادگه‌هی ته‌برێز ــ ماجید

به‌ سپاس و پێزانینی زۆر بۆ کاک کریم دانشیار که‌ ئه‌م نووسراوه‌ی کاک ماجدی له‌ فارسیه‌وه‌ کردوه‌ به‌ کوردی

بێان

چه ن سائت پێش دوكتور خه‌لیل به‌هرامیان له وتووێژێك له‌گه‌ڵ تلویزیۆنی فارسی بی‌بی‌سی، هه‌واڵی هه‌ڵوه‌شانه‌وه‌ی حوكمی له‌ سێداره‌دانی شێركۆ معارفی له به‌ندیخانه‌ی ناوه‌ندیی سه‌قز راگه‌یاند.به‌هرامیان گوتی: پاش ئه‌م بڕیاره دڵنیاتان ئه‌كه‌مه‌وه كه تا جارێكی دیكه پێداچوونه‌وه‌ به دانپێدانه‌كانی شێركۆدا نه‌كرێت، به پێی یاساكانی هه‌نووكه‌یی وڵات هیچ مه‌ترسیه‌ك بۆ سه‌ر گیانی ناوبراو له ئارادا نییه.

لێیان ده‌ن ، بیانکوژن ، بیانبڕن ، به‌ به‌رد سه‌ریان پان بکه‌نه‌وه‌ 

جه‌لال چوارتایی:له‌ مێژووی مرۆڤایه‌تیێدا گه‌لێک زاڵم و سته‌مکار دێنه‌ پێش چاوان ، تا ئه‌و کاته‌ی هێزی په‌نجه‌کانیان مابێت درێغی له‌ کوشتنی مرۆڤه‌کان ناکه‌ن ، ته‌نها بۆ چرکه‌ ساتێکیش تێر ناخۆنه‌وه‌ له‌ نۆشینی خوێنی مرۆڤه‌کان . ئه‌م مرۆڤه‌ سته‌مکار و زاڵمانه‌ به‌ر له‌وه‌ی په‌نجه‌کانیان بکه‌وێته‌ له‌رزین ده‌که‌ونه‌ خۆشکردنی زه‌مینه‌یه‌ک بۆ هێنانه‌ پێشه‌وه‌ی که‌سانێکی دیکه‌ که‌ زۆر کاراتر بن بۆ وورد و خاشکردنی گه‌ل . ئه‌و مرۆڤه‌ کارایانه‌ش که‌ جێگا په‌سه‌ندی دیکتاتۆر و سته‌مکاره‌کان بن زیاتر له‌ نێو خودی بنه‌ماڵه‌وه‌ سه‌رچاوه‌ ده‌گرێت ، ئیتر که‌سی نێو بنه‌ماڵه‌ چ کوڕ بێت یان برا ، چ ئامۆزا بێت یاخود بنه‌چه‌زا هیچ له‌ ویسته‌که‌یان ناگۆڕێت . ئه‌گه‌ر ئه‌م که‌سه‌ کارایه‌ له‌ نێو بنه‌ماڵه‌شدا نه‌بوو ئه‌وا هانا بۆ هێنانه‌ پێشه‌وه‌ی که‌سانێکی دیکه‌ ده‌برێت که‌ نه‌ک هه‌ر پوشووی پشت چاوی دیکتاتۆره‌کان نه‌بن به‌ڵکو 100% درێژه‌ پێده‌ری کرده‌وه‌ چه‌په‌ڵه‌کانی که‌سه‌ زاڵمه‌کان بن .
خۆ هه‌ر کاتێک ئه‌م که‌سه‌ زاڵمانه‌ دووچاری تێکشکاندنیش هاتن ئه‌وا نه‌ک هیچ جێگایه‌ک به‌خۆیان ناگرن به‌ڵکو بۆ ده‌ربازکردنی گیانی خۆیان ئاماده‌ن هه‌موو میلله‌تیش بکه‌نه‌ سووته‌مه‌نی و به‌رده‌بازی ده‌ربازبوونی خۆیان .
دیکتاتۆر و زاڵمێکی وه‌کو سه‌ددام حسێن به‌ هیچ کوردێک نامۆ نییه‌ ، تاوه‌کو ئه‌و کاته‌ی هێزی په‌نجه‌کانی مابوون له‌ هیچ کرده‌وه‌یه‌کی دڕندانه‌ نه‌ده‌سڵه‌میه‌وه‌ ، نه‌ک هه‌ر به‌ خاپوورکردنی ته‌واوی گونده‌کانی باشووری کوردستان و ئه‌نفالکردن و له‌نێوبردنی سه‌دانهه‌زار کورد تینوێتی نه‌ده‌شکا به‌ڵکو مرخی له‌ کۆتاییهێنانی یه‌کجا‌ره‌کی کوردانیش خۆشکردبوو ، بۆ درێژه‌دانی ئه‌م کرده‌وه‌ وه‌حشیگه‌رییه‌ش که‌وتبوویه‌ زه‌مینه‌ خۆشکردن بۆ هێنانه‌ پێشه‌وه‌ی ته‌واوی ئه‌ندامانی بنه‌ماڵه‌که‌ی له‌ کوڕ و برا و ئامۆزا و ته‌نانه‌ت زاوا و هاوخێڵیه‌ نه‌فامه‌کانیشی . به‌ڵام کاتێک دووچاری تێکشکاندنیش هات ئه‌وا نه‌ک هه‌ر توانای یه‌ک چرکه‌ خۆڕاگری نه‌بوو به‌ڵکو بۆ ده‌ربازکردنی خودی خۆی له‌ ته‌واوی خاکی عێراقیشدا توانای خۆده‌رخستنی نه‌بوو و هانای بۆ کونێک برد که‌ جگه‌ له‌ هه‌وای هه‌ناسه‌دان ته‌نانه‌ت تیشکی خۆریشی له‌ خۆی حه‌رام کردبوو ، ئه‌مه‌ش پیشه‌ی هه‌موو زاڵم و سته‌مکارێکه‌ که‌ بریتییه‌ له‌ ترسنۆکی .
ئه‌گه‌ر بێینه‌ سه‌ر ڕه‌وشی باشووری کوردستان و به‌راوردکردنی به‌ سه‌رده‌می ده‌سه‌ڵاتدارێتی به‌عسی گۆڕکراو ئه‌وا هه‌مان لێکچوون به‌دی ده‌کرێت له‌ سه‌رکردایه‌تی یه‌کێتی نیشتمانی کوردستان‌دا و ته‌نانه‌ت ده‌بێت هه‌زار ڕه‌حمه‌تیش بنێرین بۆ کفندز.
هه‌رچی سه‌رده‌می یه‌کێتی‌یه‌ ئه‌وا وێنه‌ی نه‌بووه‌ له‌ جیهان‌دا که‌ ئاگادار بکرێیته‌وه‌ له‌ مه‌رگه‌ساتێک و بشچیت به‌ره‌و پیری مه‌رگه‌ساته‌که‌وه‌ ، له‌ سه‌رده‌می تاڵه‌بانی‌دا نه‌ک هه‌ر ئاژاوه‌ و شه‌ڕ هه‌موو ماڵێکی کورده‌واری ده‌گرێته‌وه‌ به‌ڵکو هۆکاری ئاشناکردنی ته‌واوی داگیرکه‌ران و دوژمنانی کوردیش ده‌بن به‌ هه‌موو بستێکی خاکی کوردستان و زه‌مینه‌ خۆشکردن بۆ ڕه‌شه‌کوژی کوردان و سوتاندنی ته‌ڕ و وشک به‌تێکڕا . ده‌بێت چ تاوانێک هێنده‌ مه‌زن بێت که‌ دوژمنه‌که‌ت ئاگادارت بکاته‌وه‌ و بڵێت : ئه‌گه‌ر پاسدار بهێننه‌ هه‌ر جێگایه‌ک ئه‌وا خه‌ڵکی ئه‌و جێگایه‌ کیمیاباران ده‌که‌ین ، که‌چی هه‌م پاسداریش بهێنیته‌ هه‌ڵه‌بجه‌وه‌ و هه‌م ڕێگه‌ی هه‌ڵه‌بجه‌ییه‌کانیش نه‌ده‌یت که‌ خۆیان ده‌رباز بکه‌ن ؟ ده‌بێت چ زاڵمێک هه‌بێت له‌ جیهاندا که‌ بتوانێت وه‌ها بڕیارێک بدات ؟ ده‌بێت چ که‌سێک هه‌بێت که‌ بتوانێت زاتی ئه‌وه‌ بکات و بڵێت : ڕه‌حم به‌ هاوخوێنه‌کانی خۆتان مه‌که‌ن و هه‌موویان له‌نێو ببه‌ن به‌هۆی بیروبۆچوونی جیاوازه‌وه‌ ؟
تاڵه‌بانی بۆ به‌ ئه‌نجام گه‌یاندنی ئه‌م کرده‌وانه‌ی هه‌میشه‌ له‌ زه‌مینه‌ خۆشکردندا بووه‌ بۆ هێنانه‌ پێشه‌وه‌ی که‌سانێک که‌ به‌زیاده‌وه‌ بتوانێت ئه‌م داخوازیانه‌ جێبه‌جێ بکات و بیکاته‌ مقاشی ده‌ستی خودی خۆی تاوه‌کو له‌ کاتی ته‌نگانه‌دا ئه‌م مقاشه‌ به‌کار بهێنێت و خۆی پێ ده‌رباز بکات ، باشترین نموونه‌ی په‌سه‌ندکراوی تاڵه‌بانیش بۆ به‌ ئه‌نجام گه‌یاندنی داخوازییه‌کانی نه‌وشیروان مسته‌فا بووه‌ .
کاتێک سه‌ره‌تای ژیانی نه‌وشیروان مسته‌فا به‌ نارنجۆک خستنه‌ نێو خوێندنگاکان و کوشتوبڕی کچانی چوارده‌ ساڵی ده‌ستی پێکردبێت ، ئیتر چۆن جێگا په‌سه‌ندی که‌سێکی وه‌کو تاڵه‌بانی نابێت که‌ هه‌میشه‌ خولیای خوێن چۆڕاندنی کوردان و ئاژاوه‌ی نێوخۆیی بووبێت ؟
ئه‌گه‌رچی سه‌ددام حسێن له‌ بۆ ده‌ربازکردنی ژیانی خۆی هانای بۆ کونێک برد به‌ڵام له‌و کونه‌وه‌ ئاماده‌ نه‌بوو نامه‌ی پیاهه‌ڵگوتن بۆ جۆرج بوشی ڕاونه‌ری بنێرێت ، لێ به‌ڵێ نه‌وشیروان مسته‌فاکه‌ی له‌مه‌ڕ خۆمان بۆ ده‌ربازکردنی گیانی خۆی نه‌ک هه‌ر میلله‌تی کرده‌ به‌رده‌باز به‌ڵکو (ته‌ڵه‌بانی گوته‌نی) له‌ کاتی هه‌ڵهاتنیشدا نامه‌ی پیاهه‌ڵگوتنی بۆ سه‌ددام حسێن ده‌نارد ، تاوه‌کو ئه‌گه‌ر له‌ کونه‌ ئه‌شکه‌وته‌کانی زه‌ڵێش‌دا جێگای پێلێژ بوو ئه‌وا ڕێگه‌ی هه‌ڵهاتن بۆ به‌غدادی عروبه‌ی بۆ ئاوه‌ڵاببێت .

لێیان ده‌ن ، بیانکوژن ، بیانبڕن ، به‌ به‌رد سه‌ریان پان بکه‌نه‌وه‌ :-
ئه‌م چه‌ند گوته‌یه‌ بریتی‌یه‌ له‌ هات و هاواره‌که‌ی فه‌رهاد سه‌نگاویی ده‌روێشی تاڵه‌بانی و نه‌وشیروان ، که‌ بۆ خۆشکردنی شه‌ڕی کوردکوژی هاواری ده‌کرد و ده‌یگوت ڕه‌حم به‌ به‌دیلگیراوه‌کانی به‌ره‌ی جود{پاسۆک و سۆسیالیست و شیوعی و پارتی} مه‌که‌ن و به‌ به‌رد سه‌ریان پان بکه‌نه‌وه‌ ، ئه‌نجامی ئه‌م هات و هاواره‌ش باشترین زه‌مینه‌ بۆ نه‌وشیروان مسته‌فا ده‌ڕه‌خسێنێت که‌ توانای په‌نجه‌کانی به‌ سازدانی قه‌ڕناقا و پشتئاشان دیاری بکات .
کاره‌ساتی قه‌ڕناقا و پشتئاشان هه‌موو خاوه‌ن ویژدانێک ڕاده‌چڵه‌کێنێت ، ئه‌و کاره‌ساته‌ی که‌ به‌ سه‌دان پێشمه‌رگه‌ی لایه‌نه‌کانی جودی تێدا کۆکوژ کرا و به‌ ده‌یان دیلکراویش له‌ لوتکه‌ی چیای قه‌ندیله‌وه‌ هه‌ڵدرانه‌ خواره‌وه‌ به‌ فه‌رمانی نه‌وشیروان مسته‌فا .
ئه‌گه‌رچی نه‌وشیروان مسته‌فا بکه‌ری ڕاسته‌وخۆی کۆکوژیه‌کانی قه‌ڕناقا و پشتئاشانه‌ به‌ڵام فه‌رمانده‌ر و بڕیارده‌ری یه‌که‌م له‌م کۆکوژیه‌دا خودی تاڵه‌بانی بووه‌ ، چونکه‌ به‌ر له‌ ڕوودانی کۆکوژیه‌که‌ له‌ گوندی شێنێی ناوچه‌ی پشده‌ر تاڵه‌بانی فه‌رمانی سوتاندنی ته‌ڕ و وشک به‌ یه‌که‌وه‌ ده‌دات و داوا له‌ فه‌رمانده‌ گوێڕایه‌ڵ و کوردکوژه‌کانی ده‌کات که‌ به‌ هیچ جۆرێک ڕه‌حم به‌ پێشمه‌رگه‌ی لایه‌نه‌کانی دیکه‌ نه‌که‌ن و هه‌موویان کۆکوژ بکه‌ن . بۆ بیستنی گوته‌کانی ته‌ڵه‌بانی له‌ گوندی شێنێ کرته‌ له‌سه‌ر ئه‌م لینکه‌ی خواره‌وه‌ بکه‌ :-
http://www.youtube.com/watch?v=WF7XX2ICNMs&feature=player_embedded

کێ به‌رپرسیاره‌ له‌ مه‌رگه‌ساتی جه‌رگبڕی هه‌ڵه‌بجه‌ و ئه‌نفال ؟
کاره‌ساتی هه‌ڵه‌بجه‌ ئه‌و کاره‌ساته‌ بوو که‌ زیاتر له‌ 5000 شه‌هید و دوو هێنده‌ش برینداری لێکه‌وته‌وه‌ ، به‌ گوته‌ی تاڵه‌بانی سه‌دام حسێنی گۆڕکراو ئاگاداری سه‌رانی یه‌کێتی کردۆته‌وه‌ که‌ هه‌ر په‌لکێشکردنێکی سوپای پاسداران کیمیاباران و مه‌رگه‌ساتی لێده‌که‌وێته‌وه‌ بۆ جه‌ماوه‌ر ، به‌ڵام سه‌رانی یه‌کێتی هیچ باکێکیان نییه‌ له‌وه‌ی که‌ چ مه‌رگه‌ساتێک به‌سه‌ر هه‌ڵه‌بجه‌دا دێت به‌ڵکو گرنگ ئه‌وه‌یه‌ که‌ تاڵانکردنی شاره‌که‌ بۆ سه‌رانی یه‌کێتی و پاره‌ی به‌نکه‌که‌ش بۆ خودی تاڵه‌بانی ده‌مێنێته‌وه‌ .
واته‌ تاڵه‌بانی زۆر به‌ زانا بوون هێزه‌کانی یه‌کێتی کرده‌ چاوساخی سوپای پاسداران بۆ داگیرکردنی هه‌ڵه‌بجه‌ و ڕوودانی مه‌رگه‌سات له‌و شاره‌دا ، که‌ ئه‌م کرده‌وه‌یه‌ش به‌ هه‌موو پێوانه‌یه‌ک ده‌چێته‌ خانه‌ی بڕیاردانی خاپوورکردنی هه‌ڵه‌بجه‌ و له‌نێوبردنی دانیشتوانه‌که‌ی له‌لایه‌ن خودی تاڵه‌بانییه‌وه‌ !!!!
ئه‌گه‌ر ویستی تاڵه‌بانی نه‌بووبێت بۆ ڕوودانی مه‌رگه‌سات له‌ هه‌ڵه‌بجه‌دا ، ئه‌ی بۆچی پیاوه‌کانی تاڵه‌بانی که‌وتنه‌ ڕێگریکردن له‌ خۆ ده‌ربازکردنی خه‌ڵکه‌که‌ له‌ کاتی داگیرکردنی شاره‌که‌یان له‌لایه‌ن سوپای پاسداران و هێزه‌ تاڵانکه‌ره‌که‌ی تاڵه‌بانی‌یه‌وه‌ ، له‌ کاتێکدا که‌ ئاگاداریش کرابێتنه‌وه‌ له‌وه‌ی که‌ کیمیابارانی هه‌ڵه‌بجه‌ ده‌کرێت ؟
په‌لکێشکردنی سوپای پاسداران بۆ سه‌ر بیره‌ نه‌وته‌کانی “بای حه‌سه‌ن” له‌ شاری که‌رکوک گرنگ نییه‌ بۆ نه‌وشیروان مسته‌فا که‌ ئه‌نفالی به‌دوادا دێت به‌ڵکو گرنگ ئه‌وه‌یه‌ که‌ داخوازیه‌کانی تاڵه‌بانی به‌جێ گه‌یاندووه‌ و دڵی کۆماری ئیسلامی ئێرانی له‌ خۆی و له‌ تاڵه‌بانی ڕازی کردووه‌ و ویسته‌کانی خۆیانی له‌ ئێرانی ئیسلامی دابین کردووه‌ .
له‌توپه‌ت کردنی پێشمه‌رگه‌ به‌دیلگیراوه‌کانی سۆسیالیست و پاسۆک له‌ گوندی قه‌ڕناقا گرنگ نییه‌ بۆ نه‌وشیروان مسته‌فا چ برینێک ده‌خاته‌ دڵی میلله‌ته‌وه‌ به‌ڵکو گرنگ ئه‌وه‌یه‌ ڕێگه‌ی گه‌ڕاندنه‌وه‌ بۆ به‌غدادی زۆرداران و له‌ ئامێزگرتن و ڕاموسینی سه‌دامی گۆڕکراو بۆ تاڵه‌بانی ده‌کرێته‌وه‌ .
کوشتنی کادره‌ پێشه‌نگه‌کانی پ‌ک‌ک له‌ وێنه‌ی{محه‌مه‌د قه‌ره‌ سونگور و ئیبراهیم به‌ڵگین} گرنگ نییه‌ بۆ نه‌وشیروان مسته‌فا که‌ چ که‌له‌به‌رێک ده‌کاته‌ ڕیزه‌کانی یه‌کێتی نه‌ته‌وه‌یی کوردانه‌وه‌ ، به‌ڵکو گرنگ ئه‌وه‌یه‌ دڵی که‌مالیسته‌ کوردکوژه‌کان له‌ تاڵه‌بانی ڕازی ده‌کات بۆ نوسینه‌وه‌ی یاداشته‌کانی ئه‌سته‌مبوڵی له‌ دواڕۆژدا.
سوکایه‌تیکردن به‌ هه‌ولێری و که‌رکوکی و گه‌رمیانی و بادینی و هه‌ورامی هیچ گرنگ نییه‌ بۆ نه‌وشیروان مسته‌فا به‌ڵکو گرنگ ئه‌وه‌یه‌ دڵی مامی داگیرکه‌رویست و داگیرکه‌ردروستکه‌ره‌وه‌ی پێ شاد ده‌کات .
کۆکوژیکردنی نوری شێخ ساڵحه‌کان و عه‌بدولی سورانه‌کان و ده‌یانی دیکه‌ له‌ نێو شاری سلێمانی‌دا گرنگ نییه‌ بۆ تاڵه‌بانی و نه‌وشیروان مسته‌فا به‌ڵکو ئه‌وه‌ی گرنگه‌ ڕێگه‌ خۆشکه‌رێک ده‌بێت بۆ کردنه‌وه‌ی سه‌دان فه‌وجی به‌کرێگیراوی خه‌فیفه‌ له‌ باشووری کوردستان‌دا .
بۆ بینینی به‌شێک له‌ کرده‌وه‌کانی نه‌وشیروان مسته‌فا که‌ مشتێکه‌ له‌ ده‌ریای تاوانی سه‌رانی یه‌کێتی بڕوانه‌ گوته‌کانی تاڵه‌بانی له‌م لینکه‌ی خواره‌وه‌دا :-
http://www.awene.com/Direje.aspx?Cor=1&Babet=Hewal&Jimare=5182

هه‌ڵوێستی ڕۆشنبیران و ڕۆڵی سه‌رکرده‌ :-
مه‌زنترین به‌دبه‌ختی کوردان له‌ بێهه‌ڵوێستی ڕۆشنبیره‌کانی‌دا بووه‌ که‌ له‌ هیچ مه‌رگه‌ساتێکدا نه‌یانتوانیووه‌ هه‌ڵوێست وه‌ربگرن و سنورێک بۆ سه‌ره‌ڕۆییه‌کانی به‌ناو سه‌رکرده‌کانی دابنێن و بڵێن بوه‌ستن له‌ تاوان و چیدی مه‌رگه‌سات به‌سه‌ .
ئه‌گه‌ر ڕۆشنبیرانی کورد خاوه‌ن هه‌ڵوێست بوونایه‌ له‌ مه‌رگه‌ساته‌کانی قه‌ڕناقا و پشتئاشان‌دا ئه‌وا هیچ کاتێک تاوانه‌ پڕ له‌ مه‌رگه‌ساته‌کانی کڵاوقاسم و که‌پکی حه‌مه‌دئاغا و چه‌ندین ساڵ شه‌ڕی نێو شار و گونده‌کانی باشووری کوردستان دووباره‌ نه‌ده‌بوونه‌وه‌ .
ئه‌گه‌ر ڕۆشنبیران خاوه‌ن هه‌ڵوێست بوونایه‌ له‌سه‌ر په‌لکێشکردنی سوپای پاسداران بۆ سه‌ر شاره‌کانی ڕۆژهه‌ڵاتی کوردستان و ڕاوه‌دونانی دیموکرات و کۆمه‌ڵه‌ ئه‌وا هیچ کاتێک په‌لکێشکردنی سوپای پاسداران بۆ سه‌ر شاره‌کانی که‌رکوک و هه‌ڵه‌بجه‌ و حاجی‌هۆمه‌ران دووباره‌ نه‌ده‌بوویه‌وه‌ و ئه‌نفال و کیمیاباران و کۆکوژی بارزانیه‌کان ڕوویان نه‌ده‌دا .
ئه‌گه‌ر ڕۆشنبیران خاوه‌ن هه‌ڵوێست بوونایه‌ له‌سه‌ر کۆکوژیکردنی سوله‌یمانی موعینی و مه‌لا ئاواره‌کان ئه‌وا هیچ کاتێک ده‌ستی تاوان به‌ خوێنی 753 کادر و سڤیلی ڕۆژهه‌ڵاتی سوور نه‌ده‌بوو له‌ باشووری کوردستان‌دا . کێ به‌رپرسیاره‌ له‌ کۆکوژکردنی ئه‌م هه‌موو ڕۆژهه‌ڵاتییه‌ و ئۆردوگانشینکردن و خه‌ساندن و چه‌ند که‌رتکردنی دیموکرات و کۆمه‌ڵه‌ و لایه‌نه‌ بچوکه‌کانی دیکه‌دا ؟ {وه‌ڵامی ئه‌م پرسیاره‌ جێده‌هێڵم بۆ که‌سوکاری شه‌هیده‌ ڕۆژهه‌ڵاتیه‌کان با خۆیان بڕیار بده‌ن} .
ئه‌گه‌ر ڕۆشنبیره‌کانمان خاوه‌ن هه‌ڵوێست بوونایه‌ له‌سه‌ر په‌ڕاندنی که‌لله‌ سه‌ری دکتۆر شڤان و سه‌عید ئاڵچی ئه‌وا هیچ کاتێک شه‌ڕی خیانه‌تی ساڵی 1992 دووباره‌ نه‌ده‌بوویه‌وه‌ و کۆکوژی هه‌ولێریش له‌سه‌ر هونه‌رمه‌ندانی میزۆپۆتامیا و ڕۆژنامه‌نووسانی ڕۆژنامه‌کانی وه‌ڵات و ئازادی وڵات و پزیشک و نه‌خۆشه‌کانی نێو نه‌خۆشخانه‌ی هه‌یڤا سووری کوردستان دووباره‌ نه‌ده‌بوویه‌وه‌ .
به‌ڵێ ؛ ئه‌گه‌ر ئه‌مه‌ هه‌ڵوێستی ڕۆشنبیره‌کانمان بێت ، ئیتر ده‌بێت چ گله‌یی و گازنده‌یه‌ک له‌ به‌ڕێزێکی وه‌کو شێخ عێزه‌دینی حوسێنی بکه‌ین که‌ بروسکه‌ی پیرۆزبایی بۆ تاڵه‌بانی ده‌نارد بۆ کۆکوژیه‌کانی قه‌ڕناقا و پشتئاشان ؟
ئه‌ی ده‌بێت ئێستا مامۆستای به‌ڕێز “شێخ عێزه‌دینی حوسێنی” خاوه‌ن چ هه‌ڵوێستێک بێت به‌رامبه‌ر به‌م ڕاستیانه‌ی که‌ تاڵه‌بانی درکاندوویه‌تی ؟
مه‌رگه‌سات هه‌ر مه‌رگه‌ساته‌ ، ئیتر چ قه‌ڕناقا بێت چ هه‌ڵه‌بجه‌ ، چ پشتئاشان بێت چ ئه‌نفال . ده‌ستی ته‌ڵه‌بانیش له‌ هه‌موو ئه‌م مه‌رگه‌ساتانه‌دا هه‌بووه‌ . ئایا مه‌رگه‌سات سازکردن شایانی سه‌رکۆنه‌ و مه‌حکومکردنه‌ یاخود شایانی ده‌ستخۆشی و پیرۆزبایی کردنه‌ ؟

ڕه‌وشی ئیمڕۆی کوردستان :-
یه‌کێک له‌ گرفته‌ سه‌ره‌کیه‌کانی ئێمه‌ی کورد له‌ باشووردا ئه‌وه‌یه‌ که‌ خۆمان زه‌مینه‌ خۆشکه‌رین بۆ هێنانه‌ پێشه‌وه‌ی دیکتاتۆره‌کان و تێرکردنی حه‌زه‌ نه‌گریسه‌کانیان که‌ ئه‌مه‌ش ئه‌نجامی ناهوشیاریمانه‌ ، چونکه‌ ئێمه‌ ده‌زانین چیمان ناوێت به‌ڵام گرفتاریه‌که‌ ئه‌وه‌یه‌ که‌ نازانین چیمان ده‌وێت ، له‌به‌رئه‌وه‌ی هه‌موومان ده‌زانین که‌ ته‌ڵه‌بانی و بارزانیمان ناوێت به‌ڵام به‌بێ ئه‌وه‌ی ئاوڕێک له‌ ئاکار و کرده‌وه‌کانی ڕابردووی نه‌وشیروان مسته‌فا بده‌ینه‌وه هه‌موو ده‌نگی ئازادیخوازان ده‌خه‌ینه‌ خزمه‌تی ئه‌م که‌سه‌وه‌ و به‌ ده‌ستی خۆمان که‌سێک دێنینه‌ پێشه‌وه‌ که‌ نه‌ک هه‌ر هۆکاری چاره‌سه‌ری نییه‌ به‌ڵکو ئه‌و که‌سه‌یه‌ که‌ درێژه‌ده‌ری ته‌مه‌نی له‌رزۆکی هه‌ردوو بنه‌ماڵه‌ی تاڵه‌بانی و بارزانییه‌ ، ئه‌ویش له‌ ژێر ناوی “گۆڕان”دا ده‌نگی هه‌موو ئۆپۆزسیۆن و ئازادیخوازان ده‌خنکێنێت .
بریا ئه‌و که‌سانه‌ی که‌ نووکی پێنووسه‌کانیان ده‌خه‌نه‌ خزمه‌تی نه‌وشیروان مسته‌فاوه‌ ته‌نها هێنده‌ی نیوه‌ی نوسینێکیان بیریان له‌ ده‌ستکه‌وته‌کانی نه‌وشیروان مسته‌فاش بکردایه‌ته‌وه‌ بۆ نه‌ته‌وه‌که‌مان !
ئه‌رێ ده‌بێت ئه‌م کرده‌وانه‌ی نه‌وشیروان مسته‌فا که‌ مشتێکه‌ له‌ ده‌ریایه‌کی تاوانه‌کانی سوودمه‌ند بووبێتن بۆ کورد یاخود ماڵوێرانکه‌ر ؟
خوێنه‌ری خۆشه‌ویست ، بۆ زانیاری زیاتر کرته‌ له‌سه‌ر ئه‌م لینکانه‌ی خواره‌وه‌ بکه‌ :-
http://www.kurdocide.com/ku/news.php?readmore=6492

پێشنیار :-
ڕاسته‌ که‌ له‌ مه‌رگه‌ساتی پشتئاشان‌دا تاوانباری هه‌ره‌ سه‌ره‌کی تاڵه‌بانی و نه‌وشیروانن ، به‌ڵام تاوانی سه‌رکرده‌کانی ئیمڕۆی حیزبی شیوعی و سۆسیالیسته‌کان هیچ کاتێک له‌ تاوانی تاڵه‌بانی و نه‌وشیروان که‌متر نییه‌ ، تاوانی ئه‌م سه‌رکردانه‌ش به‌ پاشکۆ کردنی شوعی و سۆسیالیسته‌کانه‌ بۆ هه‌ردوو ده‌سه‌ڵاتی یه‌کێتی و پارتی و هاوبه‌شیکردنیان له‌ ده‌سه‌ڵاتێکدا که‌ جگه‌ له‌ تاوان و دزی و ساتوسه‌ودا کردن به‌ ده‌ستکه‌وته‌کانی گه‌له‌وه‌ زیاتر هیچ شتێکی دیکه‌ نه‌بووه‌ .
هه‌تا حیزبی شیوعی خاوه‌ن بڕیار بوو و پاشکۆیه‌تی قبووڵ نه‌ده‌کرد ئه‌وا نازناوی “تاقمی که‌ره‌ سپی” و “ته‌حریفی”یان به‌سه‌ردا داده‌بڕین و مه‌رگه‌ساتی پشتئاشانیان بۆ ساز ده‌کردن ، به‌ڵام ئیمڕۆش که‌ به‌رپرسه‌کانیان بوونه‌ته‌ مووچه‌خۆری دز و تاڵانکه‌ران و حیزبی شیوعیشیان کردۆته‌ پاشکۆی ده‌سه‌ڵاتداران ئه‌وا پۆستی وه‌زاره‌تییان پێده‌به‌خشرێت و پشتئاشان و ویستی که‌سوکاری شه‌هیدان که‌ دادگایی کردنی تاوانبارانه‌ پشتگوێ ده‌خرێت !!!
ئه‌گه‌ر شیوعیه‌کان و سۆسیالیسته‌کان ده‌خوازن قه‌ڕناقا و پشتئاشانێکی دیکه‌ دووباره‌ نه‌بێته‌وه‌ ئه‌وا ده‌بێت ڕێگربن له‌به‌رده‌م سه‌رکرده‌کانیاندا بۆ درێژکردنه‌وه‌ی ته‌مه‌نی له‌رزۆکی هه‌ردوو بنه‌ماڵه‌ له‌ ڕێگه‌ی چاوشۆڕکردنیان بۆ چه‌ند پۆستێکی کارتۆنی که‌ له‌ هه‌ولێر پێیان به‌خشراوه‌ ، ده‌بێت شوعیه‌کان و سۆسیالیسته‌کان هێڵی یه‌کێتی نه‌ته‌وه‌یی بپارێزن و ده‌ست بده‌نه‌ ده‌ستی کوردی پارچه‌کانی دیکه‌ی کوردستان بۆ پوچه‌ڵکردنه‌وه‌ی ده‌ستتێکه‌ڵاویه‌کانی هه‌ردوو بنه‌ماڵه‌ له‌گه‌ڵ داگیرکه‌ران و کۆتایهێنان به‌ پیلانه‌ ژه‌هراویه‌کانی ئیمپریالیزمی ئه‌مریکا که‌ دژ به‌ نه‌ته‌وه‌که‌مان پیاده‌ ده‌کرێت .

جه‌لال چوارتایی

ۆیــــراش نــــیــــوز

ئـــاژانـــسه کـــان:دوای له‌ سێداره‌دانی ئیحسان فه‌تاحیان، هه‌ندێك له‌ سه‌رچاوه‌كانی هه‌واڵ‌ باسله‌وه‌ ده‌كه‌ن كه‌ تیمی ئعدام بۆ له‌ سێداره‌دانی چالاكی سیاسی و مه‌ده‌نی شێركۆ مه‌عارفی گه‌شتبێتنه‌ شاری سه‌قز.وێبسایتی كه‌مپنی داكۆكی كردن له‌ مافی زیندانیانی سیاسی و مه‌ده‌نی له‌ تازه‌ترین هه‌واڵی خۆیدا به‌ پێی سه‌رچاوه‌یه‌كی ئاگادار، بڵاویكردۆته‌وه‌ كه‌ بریار وایه‌ تیمی تایبه‌ت به‌ ئیعدام به‌سه‌رۆكایه‌تی (گه‌رووسی) سبه‌ینێ‌ بگه‌نه‌ شاری سه‌قز.
ئه‌و وێبسایته‌ رایگه‌یاندووه‌ كه‌ پێده‌چێت ئه‌و تیمه‌ به‌ مه‌به‌ستی له‌سێداره‌دانی شێركۆ مه‌عارفی به‌ره‌وه‌ سه‌قز رێكه‌وتبێتن.

شێركۆ مه‌عارفی ساڵی رابردوو له‌ ده‌ورووبه‌ری شاری سه‌قز ده‌ستگیر كراو و دواتر پاش تێپه‌ڕاندنی قۆناغێكی قورسی لێكۆڵینه‌وه‌‌و لێپێچینه‌وه‌، له‌ دادگایه‌كی نایاسایی و نه‌مایشیدا به‌ ئیعدام مه‌حكوومكرا.

جێگای وه‌بیرهێنانه‌وه‌یه‌ كه‌ ئیحسان فه‌تاحیان چالاكی مه‌ده‌نی‌و سیاسی رۆژهه‌ڵاتی كوردستان رۆژی چوارشه‌مه‌ له‌ زیندانی ناوه‌ندی شاری سنه‌ له‌ سێداره‌ درا.له‌ کۆتایی لێدوانه‌که‌شیدا، ئاماژه‌ به‌وه‌ ده‌کات که‌ کورده‌کان له‌ بواره‌کانی مه‌زهه‌بی، ئابووری و کولتووریدا ده‌بنه‌ ئامانجی جیاوازیگه‌ری.

نامه‌كه‌ی ئه‌منستی ئه‌نته‌رناسیۆنال

Iran: Authorities must stop imminent execution of Kurdish man
13 November 2009

The Iranian authorities must halt the imminent execution of Sherko Moarefi, a Kurdish man convicted of “enmity against God” over his alleged membership of a proscribed Kurdish organization, Amnesty International said today.

Sherko Moarefi was transferred to solitary confinement in the death row section of Saqez prison on Thursday. It is feared this is a prelude to his execution, which could take place as early as tomorrow.
Another Iranian Kurdish man, Habibollah Latifi, is also feared to be at imminent risk of execution.

On Wednesday, Ehsan Fattahian was executed in Sanandaj by the Iranian authorities after being convicted on similar charges.

The executions appear to have been scheduled in reprisal for a spate of assassinations and attempted assassinations of officials in Kordestan province which took place between 9 and 19 September and were widely reported in Iran. Amnesty International has condemned the attacks, which targeted civilian officials.

At least 10 other Kurdish men and one woman are believed to be on death row in Iran in connection with their membership of and activities in support of proscribed Kurdish organizations.

Amnesty International continues to urge the Iranian authorities to impose an immediate and comprehensive moratorium on executions, as a first step towards ending the use of this punishment.

Ends

Notes to editors

Sherko Moarefi‌s lawyer, Khalil Bahramian, is available for interview.

To request an interview please contact Amnesty International Press Office on +44 20 7413 5566

دفـــن جســـد احســـان فـــتاحـــيان بـــدون اطـــلاع خـــانـــواده صـــورت گـــرفـــته اســـت

کـــرمـــاشـــان :چالاکانی مافی مرۆڤ له‌ کوردستان بڵاویانکرده‌وه‌ که‌ سه‌ر له‌ به‌یانی ئه‌مڕۆ پێنجشه‌ممه‌ 12. تشرینی دووه‌م ، ته‌رمی ئیحسان فه‌تاحیان راده‌ستی بنه‌ماڵه‌که‌ی کراوه‌ته‌وه‌ و له‌ شاری کرماشان به‌ خاک ئه‌سپێردرا.سه‌ره‌ڕای ئه‌وه‌ی که‌ دوێنێ چوارشه‌ممه‌ حوکمی ئێعدامی چالاکی کورد ئیحسان فه‌تاحیان جێبه‌جێکرا و پاش ته‌رمه‌که‌ی بۆ ساردخانه‌ی گۆڕستانی سنه‌ گوێزرابووه‌وه‌، به‌ بنه‌ماڵه‌ی فه‌تاحیانیان راگه‌یاندبوو که‌ به‌ بڕیاری دادگا تا دوو رۆژی دیکه‌ ته‌رمی ناوبراو راده‌ستی بنه‌ماڵه‌که‌ی ده‌کرێته‌وه‌.

چالاکانی مافی مرۆڤ له‌سه‌ر زاری باوکی بڵایانکردووه‌ته‌ که‌ باوکی ئیحسان فه‌تاحیان بۆ وه‌رگرتنه‌وه‌ و به‌خاکسپاردنی ته‌رمی ئیحسان، به‌ڵێنی داوه‌ که‌ هیچ زانیارییه‌ک سه‌باره‌ت به‌ رێوره‌سمی به‌خاکسپاردنه‌که‌ له‌ لایان بنه‌ماڵه‌که‌یه‌وه‌ به‌ رای گشتی رانه‌گه‌یه‌ندرێ و رێوره‌سمی به‌خاکسپاردنه‌که‌ش له‌ سنووری که‌سانی نزیک له‌ بنه‌ماڵه‌ی ئیحسان تێنه‌په‌ڕێ.

ئیحسان فه‌تاحیان که‌ خه‌ڵکی شاری کرماشان بوو، له‌سه‌ر داوای بنه‌ماڵه‌که‌ی ته‌رمه‌که‌ی بۆ شاری کرماشان گوازراوه‌ته‌وه‌ و له‌ باغی فرده‌وس به‌خاک سپێردراوه‌. مه‌زاری ئیحسان فه‌تاحیان بێ ئه‌وه‌ی هیچ ناونیشانێکی له‌سه‌ر نووسرابێ له‌ دوور ترین ناوچه‌ی گۆڕستانه‌که‌ به‌ ژماره‌61، ریزی 4، گۆڕی 28 به‌خاک ئه‌سپێردراوه‌.

شایانی باسه‌ که‌ پاشنیوه‌ڕۆی رۆژی هه‌ینی 22 خه‌زه‌ڵوه‌ر، رێوره‌سمی ماته‌مینی ئیحسان فه‌تاحیان له‌ لایان بنه‌ماله‌که‌ی له‌ مزگه‌وتی شه‌هره‌کی کارمه‌ندانی کرماشان له‌ نێوان ئیستگای 6 و 7 ئه‌م شاره‌ له‌ کاتژمێر 2:30 تا 4:30 ده‌قیقه‌ به‌ڕێوه‌ده‌چێ.

هه‌روه‌ها به‌شه‌ ئیتلاعاتی و ئه‌منییه‌کان سه‌باره‌ت به‌ ئاماده‌بوونی که‌سانێکی نه‌ناسراو جگه‌ له‌ ئه‌ندامانی بنه‌ماڵه‌که‌ی و هه‌رجۆره‌ نا ئارامییه‌ک، هۆشدارییان به‌ بنه‌ماڵه‌‌ی فه‌تاحیان داوه‌‌.

دفن جسد احسان فتاحيان بدون اطلاع خانواده صورت گرفته است

خبرگزاری ديده بان حقوق بشر كردستان: احسان فتاحيان بدون اطلاع خانواده دفن شده است.

به دنبال انتشار خبر دفن احسان فتاحيان توسط خانواده وی در قبرستان شهر كرمانشاه از سوی خبرگزاری ديده‌بان حقوق بشر كردستان اين خبر با اطلاعات بيشتری كه از طريق خانواده فتاحيان به دست آمد بدين شكل تصحيح می‌گردد.

عصر روز گذشته جسد احسان فتاحيان بدون اطلاع خانواده و به شكل مخفيانه از سنندج به كرمانشاه منتقل شده و در نقطه‌ا‌ی دورافتاده در قبرستان شهر كرمانشاه دفن گرديده است.

صبح امروز در تماس با پدر احسان فتاحيان به وی گفته می‌شود برای يافتن قبر پسرش می‌تواند به باغ فردوس كرمانشاه مراجعه كند.

مزار احسان فتاحيان بدون اين‌كه نام و مشخصات وی روی آن نوشته شده باشد در دوردست‌ترين قطعه قبرستان كرمانشاه به شماره 61، رديف 4، قبر 28 واقع شده است.

خبر قبلی: احسان فتاحيان در كرمانشاه به خاك سپرده شد

خبرگزاری ديده بان حقوق بشر كردستان: صبح امروز جسد احسان فتاحيان در قبرستان شهر كرمانشاه دفن شد.

هر چند پس از اجرای حكم اعدام احسان فتاحيان فعال سياسی كُرد در بامداد روز گذشته و انتقال جسد وی به سردخانه قبرستان سنندج به خانواده فتاحيان گفته شده بود كه با دستور دادگاه تا دور روز ديگر جنازه وی تحويل خانواده داده خواهد شد.

اما صبح امروز در تماس با پدر احسان فتاحيان با اين تعهد كه هيچ اطلاع رسانی در مورد برگزاری مراسم تشيع جنازه از سوی خانواده صورت نخواهد گرفت و مراسم خاكسپاری در حد حضور افراد نزديك خانواده برگزار خواهد شد جسد احسان فتاحيان را برای دفن در اختيار خانواده وی قرار دادند.

از آن‌جا كه احسان فتاحيان اهل شهر كرمانشاه بوده است جسد وی با درخواست خانواده برای دفن به قبرستان اين شهر منتقل و در باغ فردوس به خاك سپرده شد. مزار احسان فتاحيان بدون اين‌كه نام و مشخصات وی روی آن نوشته شده باشد در دوردست‌ترين قطعه اين قبرستان به شماره 61، رديف 4، قبر 28 واقع شده است.

بعد از ظهر فردا نيز مراسم ختم احسان فتاحيان از طرف خانواده در مسجد شهرك كارمندان كرمانشاه واقع بين ايستگاه 6 و 7 اين شهرك از ساعت 2:30 تا 4:30 برگزار خواهد شد. نهادهای اطلاعاتی و امنيتی نسبت به حضور افرادی غير از بستگان آشنايان و بروز هر گونه ناآرامی در مراسم به خانواده فتاحيان هشدار داده‌اند.

پنج‌شنبه 21 آبان 1388

رِه‌فسنجانى‎:له‌چوار مانگ پێشى ئێستا ووتاره‌كانى خۆى رِاگرتووه‌.سه‌رۆكى ئه‌نجوومه‌نى پسپۆرانى كۆماری ئیسلامی ئێران له‌میانه‌ى لێدوانێكیدا باسى له‌وه‌كردووه‌، كه‌ئه‌و ئاماده‌یه‌بگه‌رِێته‌وه‌بۆ ووتاردانى رِۆژانى هه‌ینى، به‌ڵا‌م چه‌ند مه‌رجێكى هه‌یه‌له‌وانه‌ئازاد كردنى ســـه‌رجـــه‌م گـــیراوه‌كـــانى نـــێو گـــرتـــووخـــانه‌كانى ئـــێران كـــه‌بـــه‌هـــۆى نـــارِازى بوونیان له‌ئه‌نجامى هه‌ڵبژاردنه‌كانه‌وه‌ ده‌ستگیركراون.

له‌لایه‌ن خۆیانه‌وه ‌چه‌ند په‌رله‌مانتارێكى نزیك له‌رِه‌فسه‌نجانى باسیان له‌وه‌ش كردووه‌كه‌ ناوبراو داواشى كردووه ‌له‌وڵا‌ته‌كه‌یدا یاسا بۆ هه‌موان وه‌كو یه‌ك بێت و رِێگه‌ش به‌ئه‌ندامانى رِیفۆرمخوازه‌كان بدرێت به‌ئازادى له‌سه‌ر شاشه‌ى ته‌له‌فزیۆنه‌كان بیرورِاى خۆیان ده‌رببرِن.

ئـــاژانـــسه کـــان

ڕۆژ وڵات به‌رپرسێكی‌ باڵای‌ په‌كه‌كه‌ به‌ ستانده‌ری‌ گوت: ئه‌و پلانه‌ ڕاگه‌یاندنه‌ی‌ توركیا بڵاوی‌ ده‌كاته‌وه‌ سه‌باره‌ت به‌مه‌سه‌له‌ی‌ چاره‌سه‌ری‌ كێشه‌ی‌ كورد له‌ كوردستانی‌ باكور شتێكی‌ گاڵته‌جاڕییه‌و ئه‌مه‌ ته‌رحێك نییه‌ بۆ چاره‌سه‌ری‌ كێشه‌ی‌ كورد به‌ڵكو ئه‌مه‌ پلانی‌ له‌ ناوبردنی‌ كورده‌.ئه‌و به‌رپرسه‌ بالایه‌ی‌ په‌كه‌كه‌ وتی‌” ئێمه‌ بێتاقه‌ت نابین له‌ خه‌بات و تێكۆشان و تا ئێستا هیچ گۆڕانكاریه‌ك له‌ سیاسه‌تی‌ توركیا ڕوی‌ نه‌داوه‌ تاكو ئێمه‌ بگه‌ڕێنه‌وه‌ بۆ توركیا”.
ڕۆژ وڵات وتی‌ ” توركیا ده‌ڵێت هه‌ر گه‌ریلایه‌ك بگه‌ڕێته‌وه‌ 500 هه‌زار لیره‌ی‌ توركی‌ وه‌كو خه‌ڵات ده‌درێتێ‌ به‌ڵام ئێمه‌ ده‌ڵێن هه‌ر به‌رپرسێكی‌ سه‌ربازی‌ توركیا خۆی‌ ته‌سلیمی‌ “په‌كه‌كه‌” بكات ئه‌وا ئێمه‌ 500 هه‌زار دۆلاری‌ پێده‌ده‌ین وه‌ك خه‌لات”.

چـــاوه‌ڕوانـــی هیـــچ لـــه‌ بـــاشـــوور مـــه‌كـــه‌ن,تـــه‌نـــها چـــاو لـــه‌ ئیـــحسان بـــكه‌ن

عه‌لی مه‌حمود محه‌مه‌د:كۆمه‌ڵێك لایه‌ن كه‌ دوێنێ بۆ به‌ده‌ستهێنانی ده‌سكه‌وت كوردستانیان گلانده‌ شه‌ڕی كۆنه‌په‌رستانه‌ی ئێران و ئێراقه‌وه‌,ئه‌و شه‌ڕه‌ی كورد به‌كۆمه‌ڵ لێی هه‌ڵات ئه‌وان ئاگره‌كه‌یان هێنایه‌ ناو ماڵمانه‌وه‌ ,بۆ خۆیان و كه‌سوكاریشیان وه‌كو به‌رزه‌كی بانان بۆی ده‌رچوون و هه‌ڵاتن.

ئه‌مانه‌ هه‌زاران ڕایه‌ڵه‌ ده‌یان به‌ستێته‌وه‌ به‌ خاڵخاڵییه‌كان و خامنئییه‌كانه‌وه‌,ئه‌مانه‌ هه‌زاران نهێنیان لای قه‌رارگاكانی ڕه‌مه‌زانه‌كان و فه‌لاحییه‌كان هه‌یه‌,ئه‌مانه‌ سه‌دان تێكۆشه‌ریان بۆ ئه‌و كۆماره‌ دڕنده‌یه‌ ئه‌نجامداوه‌,ئه‌مانه‌ ڕیكلامه‌كانی هه‌ڵبژاردنیشیان له‌ ده‌روازه‌كانی ئێرانه‌وه‌ دێته‌ ژوره‌وه‌,ئه‌مانه‌ ئه‌وه‌نده‌ ڕه‌شن هیچیان سپیایی له‌ سیمایان نییه‌,هه‌ركامیان بێن هه‌ر ده‌بێت خۆزگه‌ به‌ كفن دز بخوازین,بۆیه‌ ئه‌وه‌نده‌ بچووكن له‌ ئاست باڵای ئیحسانا,شایانی داكۆكیكردن نین له‌و كێوه‌,قه‌ت بینیوتانه‌ چاڵ خۆشی بێت به‌ باڵای چیایا؟,شه‌و ئاشقی ڕوناكی بێت؟,بولبل چاوه‌ڕوانی ڕه‌حمه‌تی كونده‌به‌بوو و نێچیر ئاوات بۆ هاوكاری ڕاوچی بخوازێت؟.

نابێت قه‌ت چاوه‌ڕوانی هه‌ڵوێست بین لێیان,به‌ درۆكانی ڕاگه‌یاندن چۆن هه‌ڵبخه‌ڵه‌تێین,ئه‌وانه‌ شه‌ڕی سه‌ر و ماڵیان بۆ كورسی و پاره‌یه‌,چۆن دوێنێ ئێمه‌یان كرده‌ سوته‌مه‌نی شه‌ڕی ئێران و ئێراق,شه‌ڕی توركیا دژ به‌ گه‌ریلا, ئاواش ئه‌مڕۆ ده‌مانكه‌نه‌ سوته‌مه‌نی شه‌ڕی گڵاوو نه‌گریسی كورسیه‌كانیان.

ئاخر ده‌ستێك به‌ خوێن سور بێت چۆن ده‌بێته‌ دیموكراسی؟.ئاخر هێزێك دوێنێكه‌ نۆكه‌ری كۆماری ئیسلامی بوبێت ئه‌مڕۆ چۆن ده‌بێته‌ خاوه‌ند هه‌ڵوێست؟.

ئاخر تاران شوێنی كه‌یف و سه‌فای ڕۆژنامه‌وانه‌كان بێت چۆن زه‌نده‌قیان له‌ بڵاو كردنه‌وه‌ی هه‌واڵی ئیحسان ناكه‌وێت ,كه‌ زیندان و په‌تی سێداره‌ی له‌ ئاستی خۆیدا هێنایه‌ له‌رزین.

ئیحسان گیان

توخوا,به‌ خاتری ئه‌و ڕوحه‌ت كه‌ ئێستا له‌گه‌ڵ سوقراته‌كان گه‌یشتوونه‌ به‌ هه‌قیقه‌ت,تۆ زۆر به‌رزتری له‌وه‌ی چاوه‌ڕوان هه‌وڵوێست له‌نۆكه‌رانی ئه‌و ڕژێمه‌ بیت كه‌ په‌تی سێداره‌كه‌یت شه‌رمه‌زار كرد,كه‌ مه‌رگت ڕسوا كرد,جیفاراو خاڵه‌ شه‌هاب و فه‌هد و نیرۆداو …..هه‌موویانت سه‌رسامكرد.

فه‌رزاده‌كان,شێركۆكان

چاوه‌ڕوانی هیچ له‌ باشوور مه‌كه‌ن,ته‌نها چاو له‌ ئیحسان بكه‌ن,شه‌ق له‌ مه‌رگ هه‌ڵده‌ن,تف له‌ ڕیشی جه‌لاده‌كانتان بكه‌ن,ئێوه‌ بۆ جیهانه‌كه‌ی مه‌زڵوم دۆغانه‌كان و ئارامه‌كان و فوئاد مسته‌فا سوڵتانه‌كان و جه‌مال حه‌یده‌رییه‌كان ئۆغرتان خێر و سه‌فه‌رتان سه‌لامه‌ت

ناسر حیسامی کردویه‌تی به‌ کوردی :هه‌موو شه‌وێ ئه‌ستێره‌یه‌ک داده‌گرن و ئه‌م ئا‌سمانه‌ ماته‌م پۆشه‌، هه‌تا ئێستاش لێوانڕێژه‌‌ له‌ ئه‌ستێره‌! ئه‌م کاته‌ت باش هاوڕێم! چۆنت لێ بڕوانم؟ به‌ کام تاوانه‌وه‌ت بێنمه‌ به‌رچاو؟ باریکه‌ کوڕێکی له‌ سه‌ر لووتکه‌ی سێداره‌ که‌ به‌ ڕووی پشکووتنی خونچه‌ی خۆره‌وه‌ پێده‌که‌نێ؟ یانه‌ منداڵێکی پێپه‌تی له‌ به‌شمه‌ینه‌تانی دامێنی شار که‌ ده‌یهه‌ویست موژده‌ی نان بێ بۆ سفره‌ی به‌تاڵی خه‌ڵکه‌که‌ی. چۆنت بێنمه‌ به‌رچاو؟ تازه‌لاوێک له‌ هۆزی ئازارچه‌شتووه‌کانی لای ژوورووی شار که‌ ئه‌لفوبێی ژان و ده‌رد و سته‌مدیده‌یی، ده‌رسی خوێندنگه‌ و ژیانیانه‌؟ ئه‌رێ به‌ ڕاست! خۆ شاره‌که‌ی من و تۆ خوار و ژووری نییه‌، هه‌ر چوار ده‌وری ژانه‌ و ئازار. پێم بێژه‌ هاوڕێ! ده‌مه‌وێ بتهێنمه‌ به‌رچاو، به‌ باڵای سیامه‌ندێکی عاشق له‌ به‌رگی زه‌ماوه‌ند دا، هه‌تا بچێته‌ خه‌نه‌به‌ندانی بووکی ئازادی. چۆن؟ چۆنت بێنمه‌ به‌رچاو؟ له‌ به‌رگی لاوێکدا که‌ پێی ناوه‌ته‌ ڕێگه‌ی شاهۆ، هه‌تا به‌ نێو جه‌نگه‌ڵی داربه‌ڕووی سووتاودا بگاته‌ کاروانێک که‌ مه‌نزڵی ده‌باته‌ سه‌رزه‌مینی خۆره‌تاو؟ ئه‌مانه‌ خۆ هیچیان تاوان نین! به‌ڵام ده‌زانم ”دژواره‌ سه‌رت بخه‌یته‌ پێناوی گه‌له‌که‌ت و، نامه‌ردییه‌ شان بخزێنی له‌ به‌ر باری..“ تۆ، ئه‌و کوڕه‌ نه‌بووی شان بخزێنی و نامه‌ردی بنوێنی، وتت ”نا“ و، سه‌رت به‌ دار ئه‌سپارد، هه‌تا باڵات هه‌روا ڕاست بمێنێ. ئاسووده‌ بنوو هاوڕێم! مه‌رگی ئه‌ستێره‌، موژده‌ی هه‌ڵاتنی خۆره‌ و، ته‌عبیری خه‌ونی ئه‌و سێداره‌یه‌ش که‌ هه‌موو شه‌وێ له‌ وڵاتی مه،‌ خه‌ونی مه‌رگ ده‌بینێ، له‌ دایکبوونی منداڵێکه‌ له‌ دامێنی زاگڕۆس که‌ هه‌ر بۆ ئه‌وه‌ دێته‌ دنیا وه‌چه‌ی مرۆڤی سه‌رکه‌ش نه‌بڕێته‌وه‌ و وه‌چاغی یاغییه‌کان کوێر نه‌بێته‌وه‌. ئارام و غه‌ریبانه‌ له‌شت به‌ خه‌و بسپێره‌ و، له‌ منداڵدانی زه‌ویدا تۆوی ماچیک به، به‌‌ ڕووی سبه‌یڕۆژی پشکووتن و باڵاکردندا. به‌ بێ ئه‌وه‌ی دایک لایه‌لایه‌ت بۆ بکا، به‌ بێ ئه‌وه‌ی خوشک به‌ڕێت بکا و، به‌ بێ ئه‌وه‌ی باوک فرمێسک هه‌ڵڕێژێ، ئارام بگره‌ له‌ خاکی ئه‌و وڵاته‌دا که‌ گه‌لێک ئیبراهیم و نادر و کیوومه‌رسی به‌ ئه‌مانه‌ت ڕاگرتووه‌. ته‌نیا، ئه‌ی هاوڕێکه‌م، ئه‌وه‌نده‌م پێ بێژه، ده‌مه‌وێ بیبیستم، چ وشه‌یه‌ک به‌ زمانتدا هات‌ له‌و کاته‌دا که‌ ده‌نگی پێ و، ژان، تێکه‌ڵ ده‌بوون؟ ده‌مه‌وێ فێر بم، کام شیعر، کامه‌ سروود، کام گۆرانی، کامه‌ ناو بڵێمه‌وه‌ هه‌تا ئه‌ژنۆکانم نه‌له‌رزن؟ پێم بڵێ، ده‌مه‌وێ ئه‌و ودمه‌ بزانم، با دڵم نه‌له‌رزێ له‌و کاته‌دا که‌ ئاوڕ ده‌ده‌مه‌وه‌ و له‌ دواوه‌ ده‌ڕوانم. سه‌فه‌رت به‌ خێر هاوڕێم