یاداشتێك له‌ فراكسیۆنی‌ گۆڕانه‌وه‌ له‌ په‌رله‌مانی‌ كوردستان بۆ رای‌ گشتی‌ كوردستان ‌و عێراق ‌و جیهان

2011/02/18 at 4:30 PM Leave a comment

روداوه‌كانی‌ 17/ 2/ 2011ی‌ شاری‌ سلێمانی‌ ‌و پارێزگای‌ هه‌ولێر،ته‌قه‌كردن ‌و كوشتن ‌و برینداركردنی‌ ده‌یان خۆپیشانده‌ران له‌لایه‌ن پاسه‌وانه‌كانی‌ لقی‌ چواری‌ پارتی‌ دیموكراتی‌ كوردستان، سوتاندنی‌ هه‌ردو باره‌گای‌ بزوتنه‌وه‌ی‌ گۆڕان له‌ شاری‌ هه‌ولێر ‌و قه‌زای‌ سۆران به‌به‌رچاوی‌ داموده‌زگاكانی‌ ئاسایش ‌و پۆلیسه‌وه‌، له‌شكركێشی‌ ‌و جوڵاندنی‌ هێز به‌مه‌به‌ستی‌ به‌كارهێنانی‌ له‌ ململانێی‌ سیاسیی‌ ناوخۆدا… زنجیره‌یه‌ك په‌ره‌سه‌ندنی‌ مه‌ترسیدارن كه‌ هه‌مومان ده‌خه‌نه‌ به‌رده‌م به‌رپرسیارێتیه‌كی‌ مێژوییه‌وه‌. 
ئێمه‌ له‌ فراكسیۆنی‌ گۆڕان له‌ كاتێكدا هه‌ر جۆره‌ به‌كارهێنانێكی‌ توندوتیژی‌ له‌ خۆپیشانداندا ئیدانه‌ ‌و مه‌حكوم ده‌كه‌ین، له‌هه‌مان كاتدا زۆر به‌ڕونی‌ ئه‌وه‌ راده‌گه‌یه‌نین كه‌ ته‌قه‌كردن له‌ هاوڵاتیانی‌ مه‌ده‌نی‌ له‌لایه‌ن پاسه‌وانانی‌ حیزبه‌وه‌، له‌ژیر هه‌ر پاساوێكدا بێت، تاوانێكه‌ ئه‌نجامده‌رانی‌ روبه‌ڕوی به‌رپرسیارێتی‌ ده‌كاته‌وه‌، خوێنی‌ هاوڵاتیانی‌ كوردستان هێڵێكی‌ سوره‌ ‌و به‌زاندنی‌ ئه‌و هێڵه‌ شه‌رعیه‌تی‌ ته‌واوی‌ داموده‌زگاكانی‌ هه‌رێمی‌ كوردستان ده‌خاته‌ ژێر پرسیاره‌وه‌. داواكارین:
1) په‌رله‌مانی‌ كوردستان له‌ماوه‌ی‌ 48 سه‌عاتدا كۆبونه‌وه‌یه‌كی‌ نائاسایی‌ گرێبدا بۆ تاوتوێكردنی‌ دۆخه‌كه‌.
2) لیژنه‌یه‌كی‌ په‌رله‌مانی‌ پێكبهێنرێ‌ له‌ سه‌رجه‌م فراكسیۆنه‌كان به‌مه‌به‌ستی‌ به‌دواداچون ‌و لێكۆڵینه‌وه‌ ‌و سزادانی‌ ئه‌و تۆمه‌تبارانه‌ی‌ ته‌قه‌یان له‌ هاوڵاتیان كردوه‌، بۆ لێپێچینه‌وه‌ له‌ خه‌مساردی‌ ‌و كه‌مته‌رخه‌می‌ داموده‌زگاكانی‌ ئاسایش ‌و پۆلیس له‌ هه‌ردو پارێزگای‌ سلێمانی‌ ‌و هه‌ولێر كه‌ نه‌یانتوانیوه‌ باره‌گای‌ حیزب ‌و هێزه‌ سیاسییه‌كان بپارێزن.
3) لێپێچینه‌وه‌ ‌و دادگاییكردنی‌ هه‌مو ئه‌و به‌رپرسه‌ ئیداری‌ ‌و ئه‌منی‌ ‌و فه‌رماندانه‌ی‌ كه‌ تۆمه‌تبارن به‌ تاوانی‌ ته‌قه‌كردن له‌ هاوڵاتیان ‌و كه‌مته‌رخه‌مییان نواندوه‌ له‌ پاراستنی‌ باره‌گای‌ حیزب ‌و هێزه‌ سیاسییه‌كان له‌ هه‌ردو پارێزگای‌ سلێمانی‌ ‌و هه‌ولێر و دهۆك.
4) گه‌ڕاندنه‌وه‌ی‌ هه‌مو ئه‌و هێزانه‌ی‌ جوڵه‌یان پێكراوه‌ به‌ئاراسته‌ی‌ پارێزگای‌ سلێمانی‌ بۆ باره‌گاكانیان. ئاگاداركردنه‌وه‌ی‌ فه‌رمانده‌ ‌و هێزه‌كانی‌ سه‌ر به‌ هێزه‌ چه‌كداره‌كان (پێشمه‌رگه‌، ئاسایش، زێره‌ڤانی‌) كه‌ هیچ فه‌رمانێك به‌ ته‌قه‌كردن ‌و په‌لاماردانی‌ خۆپیشانده‌ران ‌و باره‌گا حزبییه‌كان جێبه‌جێ‌ نه‌كه‌ن، به‌پێچه‌وانه‌وه‌ روبه‌ڕوی‌ توندرین سزای‌ یاسایی‌ ده‌بنه‌وه‌.

            فراكسیۆنی‌ گۆڕان له‌ په‌رله‌مانی‌ كوردستان
                     هه‌ولێر  18/ 2/ 2011

وێنه‌یه‌ك بۆ/
– سه‌رۆكایه‌تی‌ هه‌رێم، په‌رله‌مان‌و ئه‌نجومه‌نی‌ وه‌زیرانی‌ هه‌رێمی‌ كوردستان
– سه‌رۆكایه‌تی‌ كۆمار، ئه‌نجومه‌نی‌ نوێنه‌ران‌و ئه‌نجومه‌نی‌ وه‌زیرانی‌ كۆماری‌ عیراق
– رێكخراوه‌كانی‌ چاودێریكردنی‌ مافی‌ مرۆڤی‌ نێوده‌وڵه‌تی‌
– نوێنه‌رایه‌تی‌ نه‌ته‌وه‌ یه‌كگرتووه‌كان له‌ عیراق (یونامی‌)
– سه‌فاره‌ت‌و كونسوڵگه‌رییه‌كان له‌ به‌غدا‌و هه‌ولێر.

Entry filed under: گۆڕان. Tags: .

ڕاپــــەریــــن و شــــۆڕش هــــەر ئێــــستــــا ئه‌م به‌یانییه‌ چوار شه‌هیدی کوژراوی تر له‌ ناو باره‌گای لقی چوار ته‌سلیم به‌ یه‌کێتیی کرا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,937 hits

%d bloggers like this: