ســــــه‌دامــــــی‌ كــــــوردســــــتان ‌

2011/02/25 at 5:55 PM لێدوانێک بنووسە

نووسه‌رو شیكاری‌ ئه‌مریكی‌ مایكڵ رۆبن ، له‌ وتارێكدا مه‌سعود بارزانی‌ به‌ سه‌دام و كوڕٍه‌كانی‌ (مه‌سرور و مه‌نسور)به‌ عوده‌ی‌ و قوسه‌ی و قوباد تاڵه‌بانی‌ به‌ نزار حه‌مدون ده‌شوبهێنێت.
مایكڵ رۆبن نووسه‌رو لێكۆڵیار له‌ په‌یمانگای‌ ئینته‌رپرایزی‌ ئه‌مریكی‌ ، له‌ نوسینێكدا به‌ناونیشانی‌ “سه‌دام له‌ كوردستان” ، ڕه‌خنه‌ له‌سه‌ركرده‌ كورده‌كان ده‌گرێت .
رۆبن له‌ نوسینه‌كه‌دا ده‌ڵێت” كوردستان پیشتر نمونه‌ی‌ جوانی‌ دیموكراتی‌ بوو له‌ عێراق ، به‌لاَم دوای‌ ڕووداوه‌كانی‌ رۆژی‌ پێنج شه‌مه‌ی‌ خوێناوی‌ ئه‌و راستیه‌ ئاوه‌ژو بوویه‌وه‌ ، چونكه‌ عێراقیه‌كان دوای‌ ڕوخانی‌ سه‌دام حسێن شاهیدی‌ ئه‌وه‌بون ئازادییه‌كانیان زیادی‌ كرد ، به‌لاَم ئه‌و شته‌ له‌ كوردستان پێچه‌وانه‌ بوویه‌وه‌ ئه‌ویش به‌هۆی‌ فه‌رمانڕه‌وایه‌تی‌ بنه‌ماڵه‌كان له‌ كوردستان.
نووسه‌ری‌ بابه‌تی‌ (سه‌دام له‌ كوردستان) ، له‌درێژه‌ی‌ نوسینه‌كه‌یدا ئاماژه‌ به‌وه‌ ده‌كات” تا هه‌فته‌ی‌ ڕابردوو سه‌ركرده‌ كورده‌كان ده‌یانتوانی‌ سه‌رۆكایه‌تی‌ هه‌رێمێكی‌ ئارام و ئاسایش بكه‌ن ، به‌لاَم دوای‌ ڕووداوه‌كه‌ی‌ ڕۆژی‌ پێنج شه‌مه‌ چه‌كداره‌كانی‌ پارتی‌ دیموكراتی‌ كوردستان ته‌قه‌یان له‌و خۆپیشانده‌رانه‌ كرد كه‌ به‌بۆنه‌ی‌ سه‌ركه‌وتنه‌كانی‌ گه‌لی‌ تونس و میسر ئاهه‌نگیان ده‌گێڕا ، له‌م نێوانه‌شدا هه‌ڵوێستی‌ بارزانی‌ وه‌ك هه‌ڵوێستی‌ پێشووتری‌ حوسنی‌ موباره‌كی‌ سه‌رۆكی‌ پێشوی‌ میسر بوو كه‌ له‌سه‌روبه‌ندی‌ خۆپیشاندانه‌كان هه‌ڵی‌ كوتایه‌ سه‌رباره‌گاكانی‌ ئۆپۆزسیۆن و باره‌گاكانی‌ سوتاند به‌تایبه‌ت باره‌گای‌ ئه‌یمه‌ن نوری‌ یه‌كێك له‌سه‌ركرده‌ ئۆپۆزسیۆنه‌كان ، له‌ كوردستانیش بارزانی‌ باره‌گای‌ بزووتنه‌وه‌ی‌ گۆڕانی‌ سوتاند.
مایكڵ ڕۆبن له‌ته‌وه‌رێكی‌ دیكه‌ی‌ نوسینه‌كه‌یدا ده‌ڵێت” ئه‌و هه‌ڵمه‌ته‌ ناعه‌قلاَنیه‌ی‌ حكومه‌تی‌ كوردی‌ كه‌ به‌ دیموكراتی‌ ناو ده‌برێت ، وا له‌ئێمه‌ ده‌كات له‌و هۆكارانه‌ بپرسین چۆن سه‌ركردایه‌تی‌ ئه‌مریكا بارزانی‌ و تاڵه‌بانی‌ به‌هاوپیه‌مانی‌ ئه‌مریكا له‌قه‌ڵه‌مداوه‌.
له‌ كۆتایی‌ نوسینه‌كه‌یدا ڕۆبن ده‌ڵێت”  سه‌دامی‌ دیكتاتۆر مامۆستای‌ سه‌ركرده‌ كورده‌كان بوو ، ئه‌مرۆ مه‌سعود بارزانی‌ وه‌ك سه‌دام ده‌رده‌كه‌وێت و كوڕه‌كانی‌ (مه‌سرور ، مه‌نسور) وه‌ك عوده‌ی‌ و قوسه‌ی مامه‌ڵه‌ ده‌كه‌ن ، هه‌روه‌ها به‌رهه‌م ساڵح ده‌م و چاوێكی‌ قبوڵكراوه‌ و وه‌ك تاریق عه‌زیز وایه‌ ، هه‌رچی‌ قوباد تاڵه‌بانی‌ كوڕی‌ جه‌لال تاڵه‌بانی‌ هیچ جیاوازی‌ نیه‌ له‌گه‌ڵ نزار حه‌مدون باڵیۆزی‌ پێشووتری‌ عێراق له‌ ئه‌مریكا.

Entry filed under: مایكڵ رۆبن.

خۆپیشاندانه‌كه‌ی كه‌لار كوژراوێك‌و 25 برینداری لێكه‌وته‌وه‌ یه‌كێتیی سه ردانی نه‌وشیروان مسته‌فا سه‌رۆكی بزوتنه‌وه‌ی گۆڕانی کرد

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بابەتەکان لە بالاترین به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بي بي سي -العربية

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

ژمــــاره‌ی ســــه‌ردان

  • 728,422 hits

%d هاوشێوەی ئەم بلۆگەرانە: