شورشی ئەم جارەی کوردستان خۆرسک نیە،دریژەی شۆرشی سەرکوت کراوە!

2011/02/26 at 10:24 PM Leave a comment

عوسمان مەلا:ئەم راپەرینە نوییەی کوردستان، سەرهەڵدانەوەی ئەو شورشەێە کە لە سەرەرەتای سالەکانی دەیەی ١٩٩٠دا دەستتی پی کرد و لە لایەن بورژواز-ناسیونالیستی کوردەوە سەرکوت کرا. لەو کاتەوە تا ئیستا لە ژیر عەبا و پەردەی جوراجور و ئامرازی ستەمی نەتەوایەتی و ئەزمونی گەل و ساوا بونیدا سەرکوتیان کرد، ئەم شورشە پشکۆیەکی گەشی چینی چەوساوەی کوردستان بو کە دەبو ٢٠ سال لەوەپێش ژیانی پر لە مەینەت و مەرارەتی جەماوەری بەش مەینەتی کوردستانی گەرم و گەش کردباو بە ئامانجەکانی خۆی گەیشتبا، بەلام بە خۆڵەمێشی جەهل و جینایەتیان داێان پۆشی و تروساییان لێ بری.

بورژوازی دەسەلاتداری کورد وەک هەمو دەولەتانی دیکەی بورژوازی کەوتە وزەی ئەم سورشە و کوشتاری ریبەرەکانی. رێکخەران و ریبەرانی ئەم شۆرشە لە زیندانەکاندا شکەنجەیان کران، بێ سەروشوین کران، ئاوارە و دەربەدەر کران، تومەتی تێکدەر و ئاژاوەچیان لێدرا، سەرکوت و دەمکوت کران، لە شەقامەکاندا و بە ئاشکرا نوێنەرانی شورا جەماوەریەکانیان تیرور کرد و خوێنیان رشتن. ئەو دەمە میلتیان بە تریاکی بێهوشکەری ناسیونالیستی و دینی بێهوش کردبو و ئاگاێان لێ بریبو. بە جۆریک میلەتیان چەواشە و چاوبەس کردبو کە بەرانبەر بە کوشتاری وەحسیانە کومونیستەکان و روناکبران بێدەنگ و بێ لاێەن بون.

پاش دەیان سال غەفلەت و بێهۆشی، بە هوی کۆل نەدانی روانکبیران و کومونیتەکان تێکۆشەرانی راستەقینەی رێگای ئازادی و عەدەلاتی کومەلایەتی، بە خۆشیەوە ئێستا میلەت هاتوەتەوە هوشی خۆی و زۆر بە باشی و رونی دۆست و دۆژمنانی خوی دەناسی. دریاری داوە و ئیتر مافی خۆی دەوی. ئەم جارە هوشیارە و پشتی هەمو پەردە و رەنگەکانی خوێندوەتەوە و فریو نادری. ئەم شۆرشە هەمان پشکوی ژیر خۆلەمێشە و بە شنە بای ئازادی گەشاوەتەوە. ئەمە ئەو خەونی هاوپشتی و یەکیەتی چیناێەتیی جەماوەری چەوساوەیە کە هاتە دی و، بە یەکگرتویی ریزکانی خوۆی لە سەرتاسەری دنیا و لە کوردستانیش دەرگای زیندانەکان تێک دەشکینی، یاخی لە هەمو یاسا دژی ئینسانیەکانی سیستەمی بورژوازی و ئازادی دەوی، کۆت و کەلەبچەکانی زیندان و ئامرازەکانی شکەنجە فری دەداتە زبڵدانی تاوانباران، دەمبینەکانی فری دەدا و بە دەنگی بەرز هاوار دەکا: نان، کار، کارەبا، ئاو، ئازادی، دەسەلاتی گشتی و ئاوەدانی.

پآش لابردنی سەدامی دیکتاتور لە سەر دەسەلات لە عێراق، وە ئازاد بونی کوردستان، میلەتی کوردی چەوساوە و کیمیا باران کراو و ئەنفال کراو، کە هێشتا بە باشی دۆژمنانی خۆی نەناسیبو، چاوەروان بو کە ئەم دەسەلاتە کونەپەرەست و ستەمگەرە کە بە خوێنی ئەم میلەتە پیک هینرا، مافە رەواو ئینسانیەکانی بۆ دابین و دەستەبەر بکا. ساڵ لە دوای سال چاورەروانی و سەبر کردن کە دەسەلات ژیانیکی بەختەوەر و کامەرانیان بۆ دابین بکەن، بەڵام بە پێجەوانەوە، تەواوی ئاوات و ئارەزوە دیرینەکانیان لە گۆر نان و کەوتنە تاڵان کردن و دزینی ماڵی میلەت. بە ساز کردنی شەری ناوخۆ، بە پێک هینانی جەوی ترس و تۆقاندن لە تارمایی دەستکردی تیروریسم و بەعسی و خەرتەری دەرەکی، تەنیا لە ماوەی  یەک ساڵدا بەقەدەر ٣٥ ساڵی دیکتاتوریەتی سەدام زیانی گیانی و ماڵی و مادیان بەم میلەتە ستەم لێکراوە گەێاند.

بە پاڵپشتی ئەم شەرە ناوخوییانە و بە هاوکاریی دەولەتانی بورژوازیی ناوچەکە توانیان تەواوی دەستکەوتەکان لە جەماور وەر بگرنەوە و پاوانی بکەن بۆ خۆێان. بە ساز کردنی ئەم شەرانە و بە هاندانی هەستی تێکدەرانەی ناوچەگەرایی میلەتیان کرد بە دوژمنی یەکتری. بەم شیوەیە نیوەی سەروەت و سامانی میلەتیان سەرفی چەک و چۆڵ و تەقەمەنیی ئەم شەرە ماڵوێرانکەرە کرد کە ئەو کوشتاری رۆلەکانی میلەتی لێ کەوتەوە لە پێناو حوکمرانیی خۆێاندا. لە ساێەی ئەم دوژمنایەتی و وەهمیاتە ساختانەدا بە ئاسانی سامان و داهاتی کوردستانیان لە نیوان خۆێاندا دابەش کرد.

بە نەمانی دەسەلاتی دەوڵەتی مەرکەزی و کوتایی هاتن بە ستەمی نەتەوایەتی لە کوردستان، کرێکاران و زەحمەتکێشان، هەژاران و بەشمەینەتانی کوردستان بە دەرفەتیان زانی بۆ داوا کردنی دابین بونی ماەفەکانیان. بە گەلالە کردنی داخوازەکانی بەریچون، کار و بیمەی بێکاری، بێمەی لەش ساغی و دەواو دەرمان، خوێندنی بە خورایی، خزمەتگوزاری و ئەمنیەتی کار و گیانی، دەستیان دایە خۆپیشاندان و کۆمەڵیک ئاکسیون و داوای جێ بە جی کردنیان لە دەسەلات کرد.

کومونیستەکان و روناکبیرانی دڵسۆز و پێشکەوتنخواز بۆ هوشیار کردنەوەی جەماوەر بە مافە چینایەتی و ئینسانیەکانیان چالاکانە، هەروەک ئیستا، دەستیان داێە چالاکی سیاسی و رێکخستنی جەماوەری بۆ حاکم کردنی ئیرادە جەماوەر و پاراستنی مافەکانیان. بە پێک هینانی شورا کرێکاری و جەماوەریەکان داکۆکییان لە مافە مەدەنی و ئینسانیەکانی جەماوەری کوردستان کرد. لە ژێر کاریگەریی شوراکان و تیوری عەدالەتی کومەڵایەتی و سوسیالیستیدا، بە رێبەریی و دەوری کاریگەری روناکبران و کومونیستەکان ژنان هاتنە ساحەی هەڵسورانی سیاسی-کۆمەڵایەتی بۆ گەیشتن بە مافەکانیان و کوتایی هێنان بە هەلاواردنی رەگەزی و دەستەبەر کردنی یەکسانی نیوان ژن و پیاو، وە رێکخستنی کومەڵگا لەسەر ئەساسی سکۆلاریسم و جیایی دین لە دەولەت. رەوتی چەپ و سوسیالیستی بە رێبەری و پێشەنگییی کومونیستەکان و روناکبیران و ژنان و پیاوانی پێشکەوتنخواز، رۆژ لە دوای رۆژ کومەلگای کوردستان زیاتر بەرەو خۆناسی و پێشکەوتن و گەشە کردن دەچوە پێش.

حیزبە ناسیونالیس-ئیسلامیستەکانی دەسەلاتدار، بە بینینی ئەم پێشرەویەی جەماوەری کریکار و چەوساوەی کوردستان، خۆیان لە مەترسی شورشیکی کومەڵایەتیدا دەبینی کە دەسەلاتی گەندەلیان تیکەوە پێچی و جەماوەر خۆی جلەوی دەسەلات بگریتە دەست. هەر بۆێە کەوتنە خۆیان و بە پال پشتی دەولەتانی بورژوازیی عێراق و ئێران و تورکیە، وە بە چرا سەوزی ئەمریکا و هاوپەیمانەکانی، کەوتنە کوشتاری رێبەرانی جەماوەر و بە تایبەتی کومونیستەکان.

ئەم شورشە نویە، هەمان درێژەی ئەو شورشەیە کە وەک ئیستا و ٢٠ سال لەوەپێش لە خوێنیان گەوزاند، بە خەیالی خاوی خۆیان پێان وابو کە بۆ هەمیشە کوتاییان پێ هیناوە و هەروا بە ئاسانی درێژە بە حاکمیەتی خوێناوی و ئیرهابیی خۆێان دەدەن. ئەم شورشە دیسان بە هەنبانەیەک ئەزمونی گران بەها لە شکستەکان و پێشرەویەکانی سەری هەڵداوەتەوە. بەلام دیسانەکە پێویستی بە وریایی و هوشیاری زیاتر هەێە. خاڵیکی گرنگ کە لێرەدا جیگای هیواو دڵخۆشکەرە، هوشیار بونەوەی جەماوەرە هەم بە مافەکانی خۆی، وە هەم بە فروفیل و پەردەو حیجابە ساختەکانی دەسەلات کە ئیتر کارامەیی خۆیان لە دەست داوە.

جەماوەری کوردستان پێویستە لەم راستیە گەیشتبن کە پێک هاتەی ئەم دەسەلاتەی کوردستان هیج جۆرە هیماێەکی تیدا بەدی ناکری بۆ چاکسازی و مل دان بە ئیرادەی جەماوەر. هەر بۆیە پێویستە و دەبی لە بناغەوە هەلوەشێندری. ئەم دەسەلاتە، پارێزەری بەرژەوەندی چینی یەکگرتوی سەرمایەدارانی کوردستانە و کاری روتانەوە چەوساندنەوەی میلەتە. هەروەها جەماوەر دەبی پی داگری لەسەر دەست لەکەر کێشانەوەی سەرۆکی ناسەرۆکی کوردستان و حکومەت و پارلەمان، وە بە پێک هینانی زەمینەکای هەڵبژاردنێکی ئازاد و راستەوخۆ و دێموکراتیانە، سیستەمی سیاسیی کار پێکردن لە کوردستان پێک بهینن و بەرێوەی بەرن. دەبی لە سەر ئەساسی ئەم راستیە کار بکری کە ئەم شورشە بۆ حاکم کردنی ئیرادە و دەسەلاتی جەماوەر دەستی پێکردوە، بۆ کوتایی هینان بە گەندەڵی سیاسی و دەسەلاتی حیزبی، بۆ بنبر کردنی هەژاری و بێکاری و سوالکردن دستی پێ کردوە، ئەم شۆرشە بۆ ژیانیکی تێر و تەسەل کە شایستەی ئینسانی ئەم سەردەمە بێ! دەستی پی کردوە و قوربانی بۆ داوە.
ئەم راپەرینە بۆ گورینی وەزیرەکان و سەرۆک و پارلەمان و بەرپرسان دەستی پی نەکردوەتەوە کە، بە لابردی ژمارەیەک وەزیر و پارلەمانتار و دانانی ژمارەێەکیتر لە جێگایان، یان دەست بەدەست کردنی دەسەلات. ئەم شۆرشە بۆ دابەش کردنەوەی سەر لە نویی ئەم دەسەلاتە نیە کە بە شیوەی دیموکراتی و یان بە گویرەی دەنگی زیاتر بەسەر حیزبەکاندا دابەش بکرێتەوە، بەلکە بۆ هەڵوەشانەوەی قەوارە و ناوەرۆکی سیاسی ئەم رژیمە داپلۆسینەر و تالانچی و سەرکوتگەرەی دەسەلاتە لە بناغەوە. هەڵوەشاندنەوەی سیستەمی ئیداری و سیاسی و یاساکانیەتی لە بنماوە کە بوەتە هوی پێک هاتنی ئەم قەیرانە چارە هەلنەگرە و خوڵقانی ئەم گەندەلی و کوشت و کوشتار.

ئەم شورشە بۆ وەلانانی ریشەیی سیستەمی چەوسینەرانەی بورژوازیی کوردستان دەبی کار بکا، وە بە هیج شیوەێەک شەری دابەش کردنەوەی دەسەلاتی ئیداری و حیزبیی کوردستان نیە کە حیزبەکانی بەشدار خەریکەن بە ریکاری و خال دانان و بریاراتی درۆینە و ساختکارانە دیسان جەماوەری پی چەواشە بکەن و بیانیرنەوە مال و چاوەروان رایان گرن تا خۆیان قایم دەکەنەوە. ئەم شورشەی ئێستا شەرێکی چارەنوس سازی چیناێەتیە لەسەر کوتایی هینان بە چەوسانەوەی ئینسان بە دەستی ئینسان، کوتایی هینان بە کاری کریگرتە، کوتایی هێنانە بە گەندەڵی و خزم خزمانی و واستەکاری، شەریکی چارەنوس سازە بۆ جێگیر کردن و حاکم کردنی دەسەلاتی راستەوخوی جەماوەر بەسەر ئامرازەکانی بەرهەم هێنان و داهاتی کوردستاندا.
بۆ ئەم مەبەستەش باشتری بەدیل دەسەلاتی شوراییە! لە سیستەمی شوراییدا کرێکاران و زەحکمەتکێشان بە مانای راستەقینە وشە لە دیاری کردنی چارەنوس و ئیدارە کردنی کاروباری ولاتدا بەشدار دەبن، وە لە رێگای شورا هەڵبژیردراوەکانی خۆێانەوە هەم یاسا دانەرن و هەم بەرێوە بەری یاسان. لە سیستەمی شوراییدا دەسەلاتی مەرکەزی لە نێوان تەواوی شوراکانی کوردستاندا دابەش دەبی و بەم شیوەیە ریگا لە گەندەلی، کاغەز بازی، خزم خزمانە و بوروکراسی دەگیری. بۆ پێشەوە بەرەو پێک هینانی شورا جەماوەریەکان.

 

عوسمان مەلا

٢٦/٠٢/٢٠١١

Entry filed under: عو‌سمان- م. Tags: .

له‌خۆپیشاندانه‌كانی دوێــنی عێراقدا 235 كــه‌س بــوونــه‌ قــوربــانی ئەو 4 كەسەی كە دوینی ئیوارەلە ڵایەن هیزە ئەمنیەكانی یەكیتییەوە رفیندرابوون,3 یان ئازاد کراون

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,943 hits

%d bloggers like this: