‌هێزە سیاسیەکانی ڕۆژهەڵات و ئەزموونی باشوری کوردستان

2011/02/27 at 10:05 AM Leave a comment

رەزا موستەفا سۆڵتانی:لە ساڵی ١٩٩١ بەملاوە بە کردەوە و لە ساڵی ٢٠٠٣ بەملاوە بە ڕەسمیش باشوری کوردستان لە دەست ڕژیمی فاشیستی بەعس ڕزگار بووە. هێزە سیاسیەکانی ئەم بەشە لە کوردستان حکومەتی هەرێمیان پێک هێناوەو، ٢٠ ساڵە حوکمی باشوری کوردستانیان بە دەستە، کە زۆر جار ئەم دەسەڵاتداریەتییە کورد وەک ئەزمونی باشوری کوردستان ناو لێ دەبرێت.کورد لەم بەشەی کوردستان زۆر دەسکەوتی گرینگی وەک: بە رادەیەکی زۆر خاون دەسەڵات بوون لە عیراق و باشوری کوردستان، بەدەست هێنانی سەروەت و سامانێکی یەکجار زۆر، ئازادی دەربڕینی بیر و ڕا و ‌هەڵبژاردن، پێک هێنانی ڕیکخراوی سیاسی و سنفی ، پارلەمان، دانانی قانونی ناوخۆیی ، لەشکری پێشمەرگەی کوردستان و … بە دەست ‌هێناوە.

پشتیوانی و پاراستنی هەموو ئەو دەسکەوتانە ئەرکی سەر شانی بێ ئەم لاوئەولای هەموو ئینسانێکی ئازادیخوازە لەو ناوچەیەدا. هێزەسیاسیەکانی ڕۆژهەڵاتی کوردستانیش بە دروستی گرینگی پاراستنی ئەزموونی باشوریان دەستنیشان کردووە و بۆ بەجێ هێناننی ئەم ئەرکە سیاسی- میژویی و نەتەوایەتیە زۆر لە خۆیان مایەیان داناوە.

پرسیار ئەوەیە ئایا چوون کوردستان لە هەر چوار لاوە لە  لایەن داگیرکەرانی کوردستانەوە لە گەمارۆدایە کوردی باشور، باکور، رۆژئاوا و ڕۆژهەڵات دەبی لە هەموو سیاسەت و هەڵوێستێکی حکومەتی هەرێمی باشوری کوردستان بە بێ هیچ شەرت و مەرجێک پشتیوانی بکەین؟ ئایا پشتیوانی بێ شەرت و مەرج لە هەموو سیاسەت و هەڵوێستەکانی حکومەتی هەرێمی باشوری کوردستان بە قازانجی کورد بە گشتی و کوردی باشور بە تایبەتیە؟

کوردی هەر چوار پارچەی کوردستان پاڵپشت و پشتیوانی ستراتیژیکی یەکترن. بێدەنگی لە بەرانبەر سیاسەت و هەڵوێستی ناڕەوای حکومەتی هەریمی باشوری کوردستان لە لایەن هێزە سیاسیەکانی هەر چوار پارچەی کوردستانەوە هەڵەیە و بە زەرەری هەموو خەڵکی کوردستان بە گشتی و کوردی باشور بە تایبەتییە. ئەو دەسکەوتانە وا لە سەرەوە باسکران جێگای پشتیوانی بێ شەرت و مەرجە لە لایەن هەموو دڵسوزێکی کوردەوەیە.

بەڵام:

زیادە لە حەد دانەواندنی حکومەتی هەرێمی باشوری کوردستان بەرانبەر بە دوژمنانی کورد لە بەغدا، تاران، آنکارا، و دەمشق. پشتیوانی سیاسی و مەعنەوی ئاشکرا و شەفاف نەکردن لە کوردی پارچەکانیتری کوردستان، بێدنگی سەبارەت بە ئەشکنجە و ئیعدام لە بەشەکانیتری کوردستان، لە کردەوەدا هیچ نەکردن دژ بە گەندەڵی سیاسی و ماڵی لە دەستگا حیزبی و حکومیەکانی باشوری کوردستان، پەسەند کردنی قانونی زەدی ژن لە پارلەمانی کوردستان، بە جدی پێش نەگرتن بە جاسوس و تروریستەکانی کوماری ئیسلامی بۆ شناسایی و ترۆری پێشمەرگەی و چالاکانی سیاسی ڕوژهەڵات لە باشور، هاتنی هێزی کوماری ئیسلامی بۆ سەر بارەگا و مەقەڕی حێزبەکانی ڕۆژهەڵات لە باشور، ترۆر و رەشەکوژی روژنامەوان و روناکبیران بە جورمی دەربڕینی بیر و ڕا، سەرەڕای ئەوهەمووە سەروت و سامانە کە دەست حکوموتی هەریم دەکەویت دیتنی ئینسانی پیر و پەککەوتە و کەم ئەندام لە شەقامەکان کە گەدایی دەکەن، وەدواکەوتنی پروژە خزمەتگوزاریەکان بۆ وینە ئاو و کارەبا و دروستکردنی نەخۆشخانە، وەگەڕ نەخستنی کاری پیشەسازی و کشت و کاڵ بۆ کەم کردنەوەی نفوزی سیاسی و ماڵی داگیرکەرانی کوردستان و زیاتر لە سەر پای خۆ ڕاوستان ، ئیجازە دان بە کۆمپانیە خارجییەکان میلیونها دولار لە گەڵ خۆیان بەرن و خۆیان “وەرشکەست” ڕاگەیەنن و … لە لایەن حکومەتی هەرێم، و هێچ  حێزب و لایەنی سیاسی لە باشور و پارچەکانیتری کوردستان ناتوانێت قابلی دیفاع و پشتیوانی بێت.

هێزەسیاسیەکانی رۆژهەلات لە باشور یان بە سکوت و بێ دەنگی ناڕاستەوخۆ لە ژێر ناوی “لە ئمووری داخلەی باشوردا دەخالەت نکردن” لە کردەوەدا بی شەرت و مەرج لە سیاسەت و هەڵوێستە ناڕەواکانی حکومەتی هەریم پشتیوانی دەکەن. یان لە دەرکردنی ڕاگەیاندندا ڕاستەوخۆ ئەو کارە دەکەن.

ڕانەوستان و هەڵوێست نەگرتنی ڕاشکاوانە و دڵسوزانە و بەوپەڕی غەمخورییەوە بۆ ئەزمونی باشور لە پێشدا ڕاستەوخۆ بە زەرەری ئەزمونی باشورە و ناڕاستەخۆ بە زەرەری هەموو خەڵکی کوردستانە. هندیک لە ‌هێزە سیاسیەکانی ڕوژهەڵات سکوتی و بێدەنگی خویان وەک دڵسوزی بۆ ئەزمونی باشور ناو لی دەبەن کە لە کردەوەدا تەواو بە پێچەوانەیە. بێدەنگی بە زەرەری هەموو لایەکە و تەنیا داگیرکەرانی کوردستان قازانجی لێ دەبەن.

بێدەنگی و بێ هەڵوێستی قورب و ئیحترام و سەنگینی هێزەسیاسیەکانی ڕوژهەڵاتی لە ناو خەڵکی کوردستان بە گشتی و خەڵکی باشور بە تایبەتی، لە لای حکومەتی هەریم و یەکیەتی و پارتی و تەنانەت لە لای داگیرکەرانی کوردستانیش زۆر کەم دەکاتەوە. لە هەموو لایەنە پێوندیدارەکان بەم باسەوە داوا دەکەم ئیجازەم بدەن شتێک کە لە دڵی من و هەزران غەمخۆری کورد و کوردستاندایە بیدرکێنم. هێزی سیاسی بە هەڵوێستە سیاسیەکانیەوە دەناسرێتەوە. ئایا وەرگرتنی یارمەتی ماڵی لە حکومەتی هەرێم چەندە کاریگەری بووە و هەیە لە سەر ئەم بێدەنگی و بێ هەڵوێستیە؟

دیارە مەبەست ئەوە نییە یا دەبی هەڵوێست بگیرێت و یارمەتی وەرنگیرێت و یان بە پێچەوانە هەڵویست نگیرێت و یارمەتی وەربگیرێت. هەڵویست گرتن و یارەمەتی وەرگرتن ئالترناتیڤی یەکتر نین. یارمەتی یەکتر کردن لە نیوان هەموو هێزی سیاسی و ئازادیخوازدا ئەرکێکی سیاسی، ئینسانی، مێژووی و دوولایەنە بووە و هەیە. جگە لەوانە بۆ هێزەسیاسیەکانی کوردستانی بەشکراو ئەرکێکی نەتەوەییشە.

ئەزموونی کوردستانی باشور شتێک نییە یا دەبێ بەدەربەست لە هەمووی دیفاع بکەی و یان دەبێ بە تەواوی دژی بیت. ئەرکی هەموو ئینسانیکی ئازادیخواز و لایەنگری ڕزگاری و سەربەخۆیی کوردە بەوپەڕی دڵسوزیەوە بە چنگ و دەدان لە دەسکەوتەکانی ئەزموونی باشور دیفاع بکات و لە هەمان کاتدا دووبارە بەوپەری دلسوزیەوە بە شێوەیەکی ئەرێنی و موسبەت و خستنە بەرچاو و پێشکەش کردنی ئالترناتیڤ زۆر سەریح و ئاشکرا و شەفاف دژی هەر سیاسەت و هەڵوێستێکی ناحەق و ناڕەوای دەسەڵاتدارانی حوکومی و حیزبی ڕاوستێت.

با گلە و ڕخنە و پرتە و بۆڵەی ناو کۆڕوکۆمەڵە ” خۆمانەکان” لە سەر مێدیای کوردی بە ئاشکرا و دڵسوزانە بخێنەڕوو و باسیان کەین. هەموو هێزەکانمان بخێنە سەر یەک بۆ ڕزگاری و سەر بەخۆیی و کەم کردنەوە زوڵم و زۆر و بێ عەداڵەتی لە کوردستان.

 لەوانەیە کەسێک نەبێت کە ئینکاری ئەم گیر و گرفتانە بکات. بەڵام دوو بوچون هەیە بۆ بەرانبەرکێ لە گەڵ ئەم گیر و گرفت و کێشانە. یەکەمیان سکوت و بێدەنگیە و یان لە باشترین حالەتدا چپە کردن لە سەر ئەم کیشانەیە لە گەڵ دۆستان و ئاشنایانی خۆیان سەبارەت بەم گرفتانەیە. دوومیان بۆ ئەم کێشە  سیاسی و کۆمەڵایەتیانە چاریەکی گشتی و کۆمەڵایەتی پیشنیار دەکات و هەر بویە پێ وایە کە بە شێوەیەکی شەفاف و ئاشکرا و دلسوزانە لە سەر مێدیای گشتی لە سەر کێشەکان بدوین تا نە تەنیا بەرپرسانی حکومی و حیزبی بلکۆ کۆمەڵانی بەرێنی خەڵکی کوردستان فێر ڕاوستان و بەربەرکانی لە بەرانبەر ناحەقی و داکۆکی لە مافی خۆ و بردنەسەر تەوەقوع لە ژیانی باشتر ببەن و ببێت بە نورم و پێوانە بۆ نەوی نوی لە کۆمەڵگادا.

رەزا موستەفا سوڵتانی

٢٦-٠٢-٢٠١١ ستوکهۆڵ

Entry filed under: ره‌زا موسته‌فاسوڵتانی. Tags: .

پێشمه‌رگه‌كانی ئه‌منی به‌ تێكڕا چوونه‌ نێو ڕیزی خۆپیشانده‌رانه‌وه‌ و به‌ چه‌پڵه‌ ڕێزانه‌وه‌ پێشوازیان لێكرا. شـــــەرم کـــــەن،کـــــێ ئـــــاژاوەگـــــێڕە ؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,996 hits

%d bloggers like this: