چه‌ند قسه‌یه‌ک سه‌باره‌ت به‌ ڕاپه‌ڕینی لاوانی کوردستان

2011/02/28 at 5:28 PM Leave a comment

ئامانج پیرۆت:به‌ر له‌ هه‌ر شتێک ده‌بێت ئاماژه‌ به‌و ڕاستیه‌ بکه‌ین، که‌ لاوان هه‌ر وا به‌ ئاسانی نه‌گه‌یشتونه‌ته‌ ئه‌م مه‌وقعیه‌ته‌ی ئێستا،که‌ له‌ لایه‌که‌وه‌ ده‌سڵاتی گه‌وره‌ترین دوو حزبی ناو کۆمه‌ڵگای کوردستانی (که‌ خاوه‌نی چه‌ندین ده‌زگای جاسوسی و سه‌رکوتگه‌ر و سه‌دان هه‌زار چه‌کدار و ئه‌ندام و لایه‌نگرن و خاوه‌نی مێژوویه‌کی درێژی سه‌رکوت و به‌ندوبه‌ستی ناوچه‌یی و نێوده‌وڵه‌تین و له‌ بیست ساڵی ڕابردودا زۆربه‌ی هه‌ره‌ زۆری سه‌روه‌ت و سامانی کۆمه‌ڵگایان بۆ خۆیان و سه‌رمایه‌دارانی ناو خۆ و ناوچه‌که‌ و دنیا زه‌وت کردوه‌) هێناوه‌ته‌ زه‌لزه‌له‌ و له‌ لایه‌کی تریشه‌وه‌ متمانه‌ی به‌شێکی به‌رینی کۆمه‌ڵگایان وه‌ک هێزێکی چاره‌نوسساز‌ به‌ ده‌ستهێناوه‌. لاوانی ڕاپه‌ڕیو هه‌روا به‌ ئاسانی نه‌یانتوانیوه‌ بێمنه‌تی ده‌سڵات و ئیهانه‌ کردنی ئاشکرای سه‌رکرده‌ و ڕه‌موز و به‌ڵته‌جیه‌کانی بگۆڕن بۆ ئه‌وه‌ی لێیان بترسێت و حسابێکی جددی بۆ هێز و توانا و ئیراده‌یان بکات و هه‌رواش به‌ ئاسانی نه‌یانتوانیوه‌ ڕای کۆمه‌ڵگا( که‌ زۆربه‌ی کات چین و توێژه‌ زاڵه‌کان دایده‌ڕێژن) له‌و ڕایه‌وه‌ که‌ لاوان که‌سانی که‌م ته‌جروبه و کاڵفامن و ده‌بێت هه‌میشه‌ گوێڕایه‌ڵی له‌ خۆیان گه‌وره‌تر بن، تا له‌ یاسا و ڕێسا ئاسمانی و زه‌مینی یه‌کان لانه‌ده‌ن! ڕاپه‌ڕینی لاوان به‌رهه‌می سه‌رکه‌وتنی ئه‌وان بوو‌ به‌ سه‌ر سه‌رجه‌م ئه‌و به‌ربه‌ستانه‌دا، که‌ ده‌یانویست لاوان گوێڕایه‌ڵی هه‌موو ئه‌و هێز و لایه‌ن و که‌سایه‌تی یانه‌ بن، که‌ قازانجیان له‌ ڕاوه‌ستانی مێژوودایه‌، که‌ قازانجیان له‌ ده‌سته‌مۆیی لاواندایه: ئه‌گه‌ر گوێڕایه‌ڵی لاوان بۆ ده‌سڵاتداران و په‌رله‌مان و حکومه‌ت و داموده‌زگاکانیان و یاساکانیان و بیروباوه‌ڕه‌کانیان و داب و نه‌ریته‌کانیان هه‌روا درێژه‌ی هه‌بوایه‌، ئه‌وا هه‌رگیز لاوان نه‌ده‌گه‌یشتنه‌ ئه‌م مه‌وقعیه‌ته‌ی که‌ ئێستا تیایدان. ئه‌گه‌ر لاوان هه‌ر له‌ چوارچێوه‌ی ئایدیۆلۆژیا و بیروباوه‌ڕه‌ وشک هه‌ڵاتوه‌کاندا بمایه‌نه‌وه‌ و وه‌ک زیندویه‌تی ژیان بیریان زیندوو نه‌بوایه‌ و هه‌ڵوێستیان وه‌رنه‌گرتایه‌، ئه‌وا تا ئێستاش ده‌بوایه‌ گێژی بیروباوه‌ڕی کوردایه‌تی و دین بونایه‌ و له‌ چوارچێوه‌ی پیرۆزیه‌کانی ئه‌واندا یان ده‌بوایه‌ ببن به‌ چه‌کدار و جاسوس و درۆسازی ڕاگه‌یاندنه‌کانی ئه‌وان و ڕۆژانه‌ چه‌که‌ره‌ی ژیانیان له‌ناو ڕۆنی به‌رژه‌وه‌ندیه‌کانی بنه‌ماڵه‌ی تاڵه‌بانی و بارزانی و سه‌رانی گۆڕان و حزبه‌ ئیسلامیه‌کان و سه‌رمایه‌دارانی ناوخۆ و ده‌ره‌وه‌‌دا سوور بکردایه‌ته‌وه و به‌ حازری بیانخستایه‌ته‌ به‌رده‌ستیان‌، چونکه‌ هیچ کام له‌مانه‌ نایانه‌وێت هه‌موو ئینسانه‌کان وه‌ک یه‌ک و به‌ یه‌کسانی له‌و ئاسته‌ی ژیان به‌هره‌مه‌ند بن تواناییه‌کانی کۆمه‌ڵگا بۆ به‌رهه‌مهێنان و ئازادی و به‌خته‌وه‌ری و دڵنیایی پێیگه‌یشتوه‌، به‌ڵکو هه‌میسه‌ به‌ شوێن ئه‌وه‌وه‌ن که‌ به‌شێک له‌ کۆمه‌ڵگا( به‌ تایبه‌تی لاوان) چه‌ند فرسه‌خ له‌ دوای خۆیان و چین و توێژه‌ چه‌وسێنه‌ره‌کانه‌وه‌ بن.به‌ کورتی ئه‌گه‌ر لاوان بیرکردنه‌وه‌یان وه‌ک ژیان زیندو نه‌بوایه‌، هه‌رگیز نه‌یانده‌توانی هه‌ست به‌و هه‌موو غه‌دره‌ بکه‌ن که‌ دوو بنه‌ماڵه‌ و کۆمه‌ڵێک مشه‌خۆر و سه‌رمایه‌دار هه‌موو ئیمکاناتیکی ژیانێکی ئینسانی یان له‌ لاوان زه‌وت کردوه‌. هه‌رگیز نه‌شیانده‌توانی له‌ ڕێنوێنی و ئامۆژگاری و پرنسیپ‌ی هه‌موو ئه‌و هێز و لایه‌نانه( هه‌ر له‌ ده‌سڵاتدارانه‌وه‌ تا ده‌گاته‌ گۆڕان و ئیسلامی یه‌کان) لابده‌ن، که‌ به‌ هه‌موو شێوه‌یه‌ک هه‌وڵیان ده‌دا هه‌موو شتێک( ته‌نانه‌ت بیر کردنه‌وه‌ و هه‌ست کردنی لاوانیش به‌ چه‌سانه‌وه‌ و بێمافی و نایه‌کسانی) له‌ ژێر کۆنترۆڵدا بێت و به‌ ئاقارێکدا نه‌ڕوات( که‌ هه‌موویان زه‌ره‌ر بکه‌ن)، به‌ڵکو ده‌بێت له‌سه‌ر حسابی به‌فیڕۆچوونی ژیان و ته‌مه‌ن و داهاتووی لاوان نانی هێواش هێواش ئه‌وان له‌ په‌رله‌مان و داموده‌زگاکاندا ببرژێنێت!

لاوان به‌م ڕاپه‌ڕینه‌یان ئه‌وه‌یان سه‌لماند،که‌ مادام هه‌موو شتێک به‌ره‌وپێش ده‌چێت، ده‌بێت(په‌یوه‌ندی نێوان ئینسانه‌کان) یش ئه‌م پێشکه‌وتنه‌ نیشان بدات و بسه‌لمێنێت: ئاخر ناکرێت بینا و جاده‌کان و ته‌کنه‌لۆژیا و ئیمکاناتی کۆمه‌ڵگا له‌چاو بیست ساڵ له‌مه‌وبه‌ردا پێشکه‌وتبن، به‌ڵام(په‌یوه‌ندی ئینسانه‌کان) هه‌روا له‌ دۆخی سه‌دان ساڵ له‌مه‌وبه‌ردا بێت و دوو بنه‌ماڵه‌ و کۆمه‌ڵێک سه‌رمایه‌دار و بازرگان به‌ فریودان و ترساندن و سه‌رکوت و فرتوفێڵ هه‌موو شتێکیان بۆ خۆیان زه‌وت کردبێت و به‌ منه‌ته‌وه‌ باس له‌وه‌ بکه‌ن که‌ له‌و سامانه‌ زه‌وتکراوه‌ چی یان به‌ خه‌ڵک داوه‌! ئاخر هه‌ست و باوه‌ڕی زیندوو( که‌ توانیبێتی هاوپه‌رای ژیان بڕوات) و ئینسانیه‌تی خۆڕسکی لاوان( که‌ به‌ هه‌زارو یه‌ك چه‌کوش نه‌چه‌پێنرابێت) ناتوانێت ئه‌وه‌ی لا ئاسایی بیت، که‌  توێژێک بازرگانی خوێن و ژه‌هر خاوه‌نی هه‌موو شتێک بن و به‌شێکی به‌رینی کۆمه‌ڵگایش ته‌نیا ئه‌و کاته‌ نانی ده‌ست بکه‌وێت، که‌ خزمه‌تی ئه‌م تاڵانچی و سه‌رمایه‌دارانه‌ بکات و ته‌نیا ئه‌و کاته‌ بتوانێت ڕای خۆی ده‌رببڕێت، که‌ هه‌موو عه‌قڵ و ویژدان وبیر کردنه‌وه‌ و ئینسانیه‌تی خۆی ترنجاندبێته‌ ناو قاڵبه‌ وشکهه‌ڵاتوه‌کانی ئه‌وان و ئه‌و بیروباوه‌ڕانه‌وه‌ که‌ دیفاع له‌وان ده‌که‌ن!

هه‌ڵبه‌ته‌ نه‌ لاوان توانیویانه‌ به‌م هاتنه‌ مه‌یدانه‌یان و به‌م خستنه‌گه‌ڕه‌ی وشیاری و ته‌جروبه‌ی خۆیان کۆتایی به‌ هه‌موو ئه‌و به‌ربه‌ستانه‌ بێنن، که‌ له‌ واقعی کۆمه‌ڵگادا هه‌ن و نه‌ پارێزه‌ره‌کانی ئه‌و واقعه‌ش( چ ده‌سلاتداران بن و چ ئه‌وانه‌ بن، که‌ نایانه‌وێت باوه‌ڕ و ئیراده‌ی ئینسانه‌کان موتابقی ژیان بێت و ده‌یانه‌وێت هه‌میشه‌ له‌ نێوان باوه‌ڕ و ئیراده‌ی ئینسانه‌کان و ئیمکاناتی ژیاندا، بۆشاییه‌ک و مێرگێک هه‌بێت و ئه‌وان تیایدا هه‌بن و بله‌وه‌ڕێن) هه‌روا به‌ ئاسانی کۆڵ ده‌ده‌ن.

هه‌واڵه‌کانی جه‌ند ڕۆژی دوای 17 ی شوبات، به‌ ڕوونی ئه‌و هه‌وڵانه‌ ده‌رده‌خات، که‌ هه‌موو ئه‌وانه‌ ده‌یانه‌وێت به‌ شێوازی جۆراوجۆر ئه‌و قڵشته‌ی نێوان باوه‌ڕ و ته‌جروبه‌ی ئه‌م چه‌ند ڕۆژه‌ی لاوان و ئیمکاناتی خستنه‌ گه‌ڕی ئیراده‌یان بمێنێته‌وه‌: بۆ نمونه‌ له‌ کاتێکدا که‌ به‌کارهێنانی عه‌قڵ و هه‌ستی ئینسانی لاوان و ته‌جروبه‌ی ئه‌م چه‌ند ڕۆژه‌، به‌ ئاشکرا ئه‌وه‌ به‌ لاوان ده‌ڵێت، که‌ ئه‌م ده‌سڵاته‌ و سه‌رجه‌م پێکهاته‌کانی( هه‌ر له‌ په‌رله‌مانه‌وه‌ تا ده‌گاته‌ ده‌زگای دادوه‌ری و حکومه‌ت) و تا ده‌گاته‌ سه‌رجه‌م داموده‌زگاکانی پۆلیس و ئاسایش و پاراستن و زانیاری دوژمنی لاوان و خه‌ڵکی ناڕازین، که‌چی گۆڕان و ئیسلامی یه‌کان و زۆربه‌ی حزب و ڕێکخراوه‌کان و پیاوه‌ دینی یه‌کان و نوسه‌ران و قه‌ڵه‌م به‌ده‌ستان و هونه‌رمه‌ندان، باس له‌ ئه‌هه‌میه‌تی هێشتنه‌وه‌ و پاراستنی ئه‌م داموده‌زگایانه‌ وه‌یان ده‌سکاریکردنیان ده‌که‌ن!

ئه‌مه‌ بێجگه‌ له‌و هه‌وڵه‌ فه‌ردی یانه‌ی که‌ هه‌ریه‌که‌ له‌ په‌رله‌مانتاره‌کان و هونه‌رمه‌ندان و نوسه‌ران و ڕۆشنبیران و مه‌لاکان، که‌ بۆ ده‌سته‌مۆ کردنه‌وه‌ی لاوان و(گوێڕایه‌ڵ) کردنیان گرتویانه‌ته‌ به‌ر. له‌ کاتێکدا که‌ ئه‌وه‌ی بوه‌ته‌ مایه‌ی ئه‌م ئاسته‌ له‌ هێزی لاوان له‌ (گوێڕایه‌ڵی) ئه‌و مۆمیایانه‌وه‌ سه‌رچاوه‌ی نه‌گرتوه‌، که‌ بۆ پاراستنی خۆیان ئاماده‌ن مێشکێکی مردوو و هه‌ستێکی ئینسانی جه‌پێنراو و پێسته‌کانیان هه‌زار و یه‌ک ڕه‌نگ قه‌بووڵ بکه‌ن، به‌ڵکو به‌رهه‌می وه‌ڵامدنه‌وه‌یه‌کی ئازایانه‌ بوه‌ به‌ په‌یامه‌ زیندوه‌کانی ژیان و عه‌قڵی ئازاد و ته‌جروبه‌ و هه‌سته‌ ئینسانیه‌ نه‌چه‌پێنراوه‌کان!

ساده‌ترین پێداویستی پارێزگاری کردن له‌ ڕاپه‌ڕینی لاوان و به‌ره‌وپێش بردنی خۆی له‌وه‌دا ده‌بینێته‌وه‌، که‌ تا چه‌ند ده‌توانن ئه‌و خاڵی هێزه‌ی خۆیان بپارێزن و له‌ که‌ڕنه‌ڤاڵی(گوێڕایه‌ڵی) بۆ ئه‌و (مه‌لا و ڕوناکبیر و شاعیر و نوسه‌ر و په‌رله‌مانتار و سیاسه‌تمه‌دار) انه‌دا به‌فیڕۆی نه‌ده‌ن، که‌ ده‌یانه‌وێت لاوان ده‌سبه‌رداری به‌شداریکردنی زیندوو و به‌رده‌وامی خۆیان بن له‌ چاره‌نوسی خۆیان و بزوتنه‌وه‌که‌یان و کاروباره‌ سیاسی و ئیداری یه‌کانی کۆمه‌ڵگادا. ته‌نیا که‌سانیک ده‌توانن نوێنه‌رایه‌تی لاوانی راپه‌ڕیو بکه‌ن، که‌ به‌ قه‌ده‌ر زیندویه‌تی ژیان بیروباوه‌ڕیان زیندوو بێت و هێنده‌ی لاوانێکی ماندو نه‌ناس خاوه‌نی هه‌ستێکی ئینسانی نه‌چه‌پێنراو بن و تێگه‌یشتنیان بۆ (په‌یوه‌ندی نێوان ئینسانه‌کان) هێنده‌ی پێشکه‌وتوویی کۆمه‌ڵگای ئێستا پێشکه‌وتوو بێت.

ساده‌ترین پێداویستی گه‌یشتنی لاوان و ڕاپه‌ڕینه‌که‌یان به‌ قۆناغێکی تر، ئه‌وه‌یه‌ که‌ بوار نه‌ده‌ن به‌ هێج کام له‌و مۆمیایانه‌، که‌ خۆیان بکه‌ن به‌ ڕابه‌ری بزوتنه‌وه‌که‌یان

 ئاخر عه‌قڵ و ته‌جروبه‌ی لاوانی ئێستا ناتوانێت ئه‌وه‌ی به‌لاوه‌ ئاسایی بێت، که‌ له‌ لایه‌که‌وه‌ ژیان به‌و خێراییه‌ پێشبکه‌وێت و له‌ لایه‌کی تره‌وه‌ له‌ باشترین حاڵه‌تدا، هه‌ر چوار ساڵ جارێک فرسه‌تێکی نیوه‌ و ناچڵ به‌و بده‌ن تا به‌شداریکردنی خۆی

هه‌ڵبه‌ته‌ به‌ هاتنه‌ مه‌یدانی لاوان و خستنه‌ گه‌ڕی ئیراده‌ی جه‌ماعی یان

هه‌ڵبه‌ته‌ سه‌ره‌رای سه‌رکه‌وتن‌ی لاوان به‌سه‌ر هه‌وڵه‌کانی ڕابردووی ئه‌و هیز و لایه‌نانه‌دا

مه‌ترسی یه‌که‌م:

هه‌ر له‌و کاته‌دا، که‌ لاوان له‌سه‌ر جاده‌ و له‌ زانکۆکان و له‌ قوتابخانه‌کان له‌ دژی نایه‌کسانی و بێکاری و نه‌بونی ئازادی خۆپیشاندان ده‌که‌ن و گیانی خۆیان ده‌خه‌نه‌ مه‌ترسیه‌وه‌ و ڕۆژانه‌ش‌ به‌ ئه‌مری ده‌سڵاتداران و داموده‌زگاکانیان و به‌پێی یاساکانیان: لێیان ده‌کوژرێت، لێیان ده‌گیرێت، لێیان بریندار ده‌بێت، هه‌ڕه‌شه‌یان لێده‌کرێت، تاوانبار ده‌کرێن. هه‌ر له‌و کاته‌دا که‌ له‌ سایه‌ی ئه‌و ده‌سڵاتدارانه‌ و یاسا و داموده‌زگاکانیاندا، بێکاری و گرانی و نه‌بوونی خزمه‌تگوزاری و هه‌ژاری و کرێنشینی به‌رده‌وامه‌، که‌چی هێشتا هه‌ندێک که‌س و لایه‌ن( که‌ گوایه‌ له‌ دژی نه‌بونی خزمه‌تگوزاری و تاڵانی و گه‌نده‌ڵی و سه‌رکوتن و خۆیان به‌ پشتیوانی لاوانی ڕاپه‌ڕیو داده‌نێن) به‌ ئاشکرا و به‌ نهێنی ڕێز له‌ ده‌سڵاتداران‌ و داموده‌زگاکانیان ده‌گرن و ڕاسته‌وخۆ و ناڕاسته‌وخۆ له‌ ژووره‌ داخراوه‌کان و له‌ پشت په‌رده‌وه‌ به‌ چه‌ند سه‌عات وتووێژیان له‌گه‌ڵدا ده‌که‌ن و دواتر به‌ چه‌ند ڕسته‌یه‌ک و به‌ ڕه‌واجی بازاڕ (کۆبونه‌وه‌که) ‌یان بۆ خه‌ڵک وه‌سف ده‌که‌ن!

لێره‌دا مافی ئه‌و لاوانه‌یه‌ بپرسن:

ـ ئایا هه‌ر(ڕێزگرتن له‌ ده‌زگاکانی په‌رله‌مان و دادوه‌ری و حکومه‌ت و ئاسایش و پۆلیس و حساب کردن بۆیان وه‌کو ده‌زگای بێلایه‌ن له‌ ململانێکانی ناو کۆمه‌ڵگادا) یه‌کێک نه‌بوو له‌و مشته‌ خۆڵانه‌ی کرایه‌ جاوی چینه‌ چه‌وساوه‌ و توێژه‌ به‌شخوراوه‌کان و لاوانه‌وه‌ و فرسه‌تی دا به‌ ده‌سڵاتداران و سه‌رمایه‌داران و توێژه‌ مشه‌خۆره‌کان و ته‌نانه‌ت تاک تاکی ئینسانکوژ و به‌ڵته‌جیه‌ سه‌ربازی و ئیعلامی و دینی یه‌کان، تا داشیان سوار بێت و به‌ ئاسانی بتوانن: سه‌روه‌ت و سامانی کۆمه‌ڵگا تاڵان و هه‌ڕاج بکه‌ن، خه‌ڵکانی ناڕازی بکوژن، ده‌ربه‌ده‌ریان بکه‌ن، نانبڕاویان بکه‌ن، ئیهانه‌یان بکه‌ن، ئازادی یان لێزه‌وت بکه‌ن، سه‌رکوتیان بکه‌ن،…؟

ـ ئایا ده‌نگدانی چه‌ندین ساڵ و متمانه‌ سپاردن به‌ په‌رله‌مان و په‌رله‌مانتاران، هێنده‌ی هاتنه‌ مه‌یدانیکی به‌هێز و لێبڕاوانه‌ی وه‌ک ئێستا کاریگه‌ری هه‌بوه‌ له‌سه‌ر گۆڕینی ڕای گشتی به‌ قازانجی چین و توێژه‌ جه‌وساوه‌ و به‌شخوراوه‌کان و لاوان و به‌ ڕه‌وا زانینی ماف و دواکاری و هه‌ڵوێسته‌کانیان؟

ـ ئایا ئه‌و واقعه‌ی که‌ ئێستا ده‌گوزه‌رێت به‌ ڕوونی ئه‌م وه‌ڵامه‌ لۆژیکی یه‌ی خواره‌وه‌ بۆ ئه‌و پرسیارانه‌ نیشان نادات:

1. له‌ کۆمه‌ڵگایه‌کدا، که هه‌ر ئێستا زۆربه‌ی سامانی کۆمه‌ڵگا که‌وتوه‌ته‌ ده‌ست چینێک، که‌ له ناوچه‌که‌ و له‌‌ سه‌راسه‌ری دنیادا بڵاو بوه‌ته‌وه و‌( بنه‌ماڵه‌ی بارزانی و تاڵه‌بانی و هه‌ندێک له‌ سیاسه‌تمه‌داره‌کانی ده‌وروبه‌ریان و کاربه‌ده‌سته‌ گه‌وره‌کان ته‌نیا به‌شێکن له‌و چینه‌)، ئه‌م چینه‌ش ته‌نیا له‌ کاتێکدا بواری ئه‌وه‌ ده‌ده‌ن به‌وانه‌ی که‌ جگه‌ له‌ هێزی کاریان و جگه‌ له‌ (شه‌هاده‌کانیان) هیچی تر شک نابه‌ن، که‌ لایان ببن به‌: کرێکار، کارمه‌ند، پاسه‌وان، ئه‌ندازیار،… وه‌( ئه‌گه‌ر سیسته‌می چینایه‌تی وه‌ک خۆی بمێنێته‌وه‌) ئه‌وا به‌بێ هیچ ئه‌ملاو ئه‌و لایه‌ک زۆربه‌ی هه‌ره‌ زۆری ئه‌و لاوانه‌ی ئێستا له‌ شه‌قامه‌کاندا ناڕه‌زایه‌تی ده‌رده‌بڕن، دابه‌ش ده‌بن به‌ سه‌ر ئه‌و چینه‌دا و به‌بێ هیج گومانێکیش( وه‌ک هه‌موو وڵاته‌ سه‌رمایه‌داریه‌کانی جیهان) زۆربه‌ی هه‌ره‌ زۆریان ناچار ده‌بن له‌ به‌رامبه‌ر(کرێ) دا لای به‌شه‌ که‌مه‌ سه‌رمایه‌داره‌که‌ کار بکه‌ن( ئه‌ویش ئه‌گه‌ر سه‌رمایه‌داران قازانجیان له‌ خستنه‌کاریاندا هه‌بێت) ئه‌گینا هه‌زارانیان بێکار ده‌بن. ئه‌و کاته‌ش وه‌ک سه‌راسه‌ری دنیا نه‌ په‌رله‌مان و نه‌ یاساکانی، نه‌ ده‌زگاکانی ئاسایش و پۆلیس و نه‌ ده‌زگای دادوه‌ری و ته‌نانه‌ت نه‌ زۆربه‌ی هه‌ره‌ زۆری ڕۆشنبیر و ڕۆژنامه‌نوس و بیرمه‌ند و ئابورینساکانیشی بێلایه‌ن نابن و شه‌و و ڕۆژ ده‌خه‌نه‌ سه‌ریه‌ک تا ڕاسته‌وخۆ و ناڕاسته‌وخۆ         ( کرێ)یه‌کیان له‌ چه‌وساندنه‌وه‌ی زیاتری ئه‌و به‌شه‌ی کارده‌کات و بێبه‌شتر کردنی ئه‌و به‌شه‌ی کار ناکات به‌ نسیب بێت! زۆرێک له‌ لاوان ده‌توانن نمونه‌یی ترین و به‌رجه‌سته‌ترین وێنه‌ و دیمه‌نی ئه‌م داهاتوه‌، له‌ تورکیا و وڵاتانی ئه‌وروپا و ئه‌مریکادا ببینن و به‌ ڕۆشنی ئه‌م ڕاستی یانه‌ ببینن.

2. چ له‌ کۆمه‌ڵگایه‌کی وه‌ک ئێستادا( که‌ ده‌سڵاتی بنه‌ماڵه‌ و حزبه‌ مافیاییه‌کان) و سه‌رمایه‌داران، هه‌موو شتێکیان قۆرخ کردوه(به‌ ده‌سڵاتی ئابوری و ده‌سڵاتی سیاسیشه‌وه‌) و چ له‌و کۆمه‌ڵگایانه‌شدا،که‌ چینێکی سه‌رمایه‌دار به‌ ڕواڵه‌ت ته‌نیا سامانی کۆمه‌ڵگا و هۆیه‌کان و ئیمکاناتی به‌رهه‌مهێنانی زه‌وت کردوه و بوار بۆ هیچ جۆره‌ به‌شداریکردنێکی ئینسانه‌کان نیه‌ تا ئه‌م ده‌سڵاته‌ ئابوری یه‌ بگۆڕێت‌ و ته‌نیا بواری ئه‌وه‌یان تێدایه‌، که‌ تاکه‌کانی کۆمه‌ڵگا له‌ ڕێگای هه‌ڵبژاردنه‌وه‌، لانی زۆر هه‌ر چوار ساڵ جارێک ده‌سڵاتی سیاسی بگۆڕن، چین و توێژه‌ چه‌وساوه‌ و به‌شخوراوه‌کان و لاوان، ته‌نیا ئه‌و کاته‌ ده‌توانن به‌شداری خۆیان له‌ سیاسه‌ت و ده‌سڵاتی وڵاتدا پراکتیزه‌ بکه‌ن، که‌ حاڵه‌تێکی زیندویان دابێت به‌و به‌شداریکردنه،ئه‌گینا سپاردنی متمانه‌ به‌(په‌رله‌مان)ێک که‌ هه‌رگیز ناتوانێت بێلایه‌ن بیت له‌ نێوان چینێکدا( که‌ دیکتاتۆر‌یه‌ته‌ ئابوری یه‌که‌ی له‌ هه‌موو ڕویه‌که‌وه‌ زه‌مانه‌ت کراو بێت و هیچ جۆره‌ بوارێک بۆ ئینسانه‌کان نه‌بێت تا به‌شداری له‌ گۆڕینی ئه‌و دیکتاتۆریه‌ته‌دا بکه‌ن و ده‌ست بردن بۆ ئه‌و دیکتاتۆریه‌ته‌ ئه‌و هێڵه‌ سوره‌ بێت‌ که‌ به‌زاندنی له‌ هه‌موو یاساکان و لای هه‌موو ده‌زگاکان به‌ په‌رله‌مان و ده‌زگای قه‌زایی و حکومه‌تیشه‌وه‌ تاوانێکی گه‌وره‌ بێت‌ و به‌ توندی دژی بوه‌‌ستنه‌وه‌) وه‌ چینێکی تردا،که‌ جگه‌ له‌ هێزی کارکردنی هیجی تر شک نابات و هه‌موو یاساکان و سه‌رجه‌م داموده‌زگاکانیش قازانجی (کۆمه‌ڵگا!) له‌ زیاتر و باشتر به‌کارهێنانی ئه‌م خاوه‌ن هێزانه‌دا ببینن، ئه‌وا به‌شداریکردنێکی چوار ساڵ جاریک(ته‌نانه‌ت بۆ گۆڕینی ئه‌و ده‌سڵاته‌ خزمه‌تکاره‌ی سه‌رمایه‌داران) هه‌رگیز نه‌یتوانیوه‌ و ناتوانێت تینوێتی لاوان بۆ ئاڵوگۆر و وه‌ڵام به‌ پێداویستیه‌کانی لاوان و چین و توێژه‌ چه‌وساوه‌کان بۆ به‌رگری کردن له‌ خۆیان به‌رامبه‌ر ئه‌و هه‌موو هێرشه‌ی که‌ له‌ هه‌موو لایه‌که‌وه‌ ده‌کرێته‌ سه‌ریان بداته‌وه‌. هیچ په‌رله‌مانێک نیه‌ له‌ دنیادا(که‌ بێجگه‌ له‌ به‌کارهێنانی زه‌خیره‌یه‌کی مێژوویی له‌ یاسا و بڕیار بۆ خزمه‌تکردنی ده‌سڵات و سه‌رمایه‌داران و توێژه‌ مسه‌خۆره‌کان و بۆ فریودان و سه‌رکوتکردنی چین و توێژه‌ چه‌وساوه‌کان) له‌و چوار ساڵه‌دا چه‌ندین کۆبونه‌وه نه‌کات و چه‌ندین‌ بڕیار ده‌رنه‌کات(که‌ له‌ دیموکراسی ترین وڵاتی دنیادا و له‌م سه‌رده‌مه‌دا، هه‌ر هه‌مویان به‌ زیانی چین و توێژه‌ چه‌وساوه‌کان و به‌شێکی به‌رین له‌ لاوانن). ئه‌مه‌ش ئه‌وه‌ نیشان ده‌دات که‌ هه‌ڵبژاردنی چوار ساڵ جارێک و متمانه‌ سپاردن به‌ ده‌زگایه‌کی وه‌ک په‌رله‌مان بۆ ماوه‌ی چوار ساڵ( له‌م سه‌ده‌ی خێراییه‌دا و له‌م سه‌رده‌می پڕ له‌ گومان و ته‌جروبه‌ تاڵه‌دا) مل دانه‌ به‌ فریوخواردن، به‌کارنه‌هێنانی عه‌قڵ و وشیاری و ته‌جروبه‌یه‌.

ـ ئایا ده‌بێت هه‌وڵدان بۆ هێشتنه‌وه‌ی ده‌زگاکانی ئاسایش و پۆلیس و پاراستن و زانیاری( که‌ دۆسیه‌ی تاوانه‌کانیان به‌رامبه‌ر به‌ چین و توێژه‌ چه‌وساوه‌کان و خه‌ڵکی ناڕازی هیچی له‌ دۆسیه‌ی هه‌ر ده‌زگایه‌کی دڕنده‌ی مێژوو که‌متر نیه‌) چ نهێنی یه‌کی تیا بێت، جگه‌ له‌ هێشتنه‌وه‌ی ئه‌و ده‌زگا حازر به‌ده‌ستانه‌ بۆ درێژه‌ دان به‌ سه‌رکوت، تا چین و توێژه‌ چه‌وساوه و به‌شخوراوه‌‌کانی ئێستا نه‌توانن به‌و مانایه‌ ئازادی پیاده‌ بکه‌ن که‌ هانی داون‌ بۆ راپه‌ڕین، تا  ده‌ستیان نه‌گات به‌و به‌شه‌ له‌ ژیان که‌ ئامانجیانه‌، تا ئه‌وه‌نده‌ ده‌سڵاتیان نه‌بێت که‌ به‌ چه‌وسێنه‌ره‌کانی سبه‌ینێ بڵێن نا ؟

ـ ئه‌ی ده‌بێت وتنه‌وه‌ی توتی ئاسای له‌و یاسا و بڕیارانه‌ی که‌ ئه‌م ده‌زگایانه‌ بۆ (پیرۆز ڕاگرتنی) داموده‌زگا فه‌رمی و حزبیه‌کان ده‌ریده‌که‌ن چی بگه‌یه‌نێت جگه‌ له‌ هێشتنه‌وه‌ی ئه‌و چه‌که‌ یاسایی یانه‌ی که‌ دیسانه‌وه‌ له‌ سبه‌ینێی سه‌رکوتکردنی ده‌نگه‌ ناڕازیه‌کاندا پیویستیان پێی ده‌بێت؟

مه‌ترسی دوه‌م: ئه‌و ڕاپه‌ڕینه‌ی(یاخی بوون) به‌رهه‌می هێناوه‌، بچێته‌وه‌ گیرفانی ئه‌وانه‌ی که‌ پێشتر به‌ لاوانیان ده‌وت( گوێڕایه‌ڵ) ی ئێمه‌ بن!

تا ئه‌و کاته‌ی که‌ ڕاپه‌ڕینی لاوان هێز وتوانای خۆی ده‌رنه‌خستبوو و لێبڕاوی خۆی نه‌سه‌لماندبوو، له‌م کوردستانه‌دا، زۆربه‌ی هه‌ره‌ زۆری ئه‌و نوسه‌ر و ڕۆشنبیر و په‌رله‌مانتار و سیاسه‌تمه‌دار و ڕۆژنامه‌نوس و گۆرانیبێژ و مه‌لایانه‌ی، که‌ ئێستا به‌ شێوازی جۆراوجۆر پشتیوانی! خۆیان بۆ لاوانی ڕاپه‌ڕیو ده‌رده‌بڕن، یان له‌ به‌رماوه‌ی دزی و تاڵانی ده‌سڵاتدارانیان ده‌خوارد و به‌ باڵای بیروباوه‌ڕ و داموده‌زگاکانیاندا هه‌ڵده‌دا،یان سه‌رجه‌م نوسین و بیر و ده‌ور و سیاسه‌ت و هونه‌ر و خوتبه‌کانیان له‌وه‌دا چڕ بوبوه‌وه‌، که‌ ده‌بێت گوێڕایه‌ڵی ئه‌وان بن و به‌لاڕێدا نه‌ڕۆن و یاخی نه‌بن. لێره‌شدا لاوان مافی خۆیانه‌ بپرسن:

ـ ئایا ئه‌گه‌ر هه‌تا هه‌تایه‌ به‌ قسه‌ی ئێوه‌مان بکردایه و ده‌رسه‌کانی مشه‌خۆری و مه‌رایی و ملکه‌چی و جاسوسی و گه‌نده‌ڵی و ‌، چی ڕووی ده‌دا؟ ئایا ئه‌مانتوانی مه‌وقعیه‌تێکی‌ پێشڕه‌وانه‌ی وه‌ک ئێستا به‌ده‌ست بێنین،که‌ ئێوه‌مان ناچار کردوه‌ له‌ ئێمه‌وه‌  ، حزب و ڕێکخراو، ده‌یان مه‌لاکه‌واته‌ لاوان ده‌بێت زۆر به‌ وریایی یه‌وه‌ مامه‌ڵه‌ له‌گه‌ڵ ئه‌و به‌رهه‌مه‌دا بکه‌ن، که‌ ڕاپه‌ڕین بمانه‌وێ و نه‌مانه‌وێ چه‌ندین به‌ش له‌ چین و توێژه‌ چه‌وسێنه‌ر و مشه‌خۆره‌کان‌ خۆیان سازوته‌یار کردوه‌ بۆ ئه‌وه‌ی به‌ری راپه‌ڕینی لاوانی ناڕازی و چین و توێژه‌ چه‌وساوه‌کان تاڵان بکه‌ن. ئه‌گه‌ر زۆرێک له‌م چین و توێژانه‌ پێشتر به‌ هۆی چه‌که‌ له‌ بازاڕجگه‌ له‌ ده‌سکه‌وتێکی گرنگ و ده‌موده‌ستی ڕاپه‌ڕینی ئێستا ده‌بێت بریتی بێت له‌ کۆتایی هێنان به‌ دوو فاقی  ئه‌و لایه‌ن و که‌سانه‌ی که‌ ده‌یانه‌وێت له‌گه‌ڵ کارواندا بڕۆن و له‌گه‌ڵ دزدا شه‌ریک بن یان ده‌یانه‌وێت ئێوه‌ له‌ خه‌بات سارد بکه‌نه‌وه‌. ئه‌وه‌ی ئێوه‌ی وا لێکردوه‌، که‌ ئه‌م هه‌موو شه‌ریکه‌ دزه‌ ناچار بن شانازی به‌وه‌وه‌ بکه‌ن، که‌ چه‌ند سه‌عاتێک هاتونه‌ته‌ (مه‌یدانی ئازادی )یه‌که‌تان و پشتیوانی خۆیانیان بۆ ئێوه‌ ده‌ربڕیوه‌، ئه‌وه‌ نه‌بوه‌ که‌ ئێوه‌ به‌ قسه‌ی ئه‌وانتان کردبێت و گوێڕایه‌ڵی ئامۆژگاری و ڕێنوێنی و قه‌یدوبه‌نده‌کانی ئه‌وان بوبن، ئه‌وه‌ یاخی بوونی ئێوه‌یه‌ له‌ هه‌موو ئه‌و هه‌وڵانه‌ی ئه‌وان بۆ ده‌سته‌مۆ کردن و ڕازی بوون به‌ به‌شی خوا و ده‌سه‌ڵات ، وای له‌وان کردوه‌ که‌ ئێستا بێن و بایه‌ختان پێبده‌ن، ئه‌گینا له‌ بیست ساڵی رابردودا هه‌زاران له‌وانه‌یان به‌کوشت د لاوان و یه‌ک ده‌نگ هاوار بکه‌ن:

وتووێژی پشت په‌رده‌

به‌ قازانجی نامه‌رده‌

له‌مه‌ش ڕسوایی تر ده‌بێت نهێنی په‌نابردن ئه‌و ‌هێز و لایه‌نانه‌ی( که‌ شه‌ریکی دزن و هاوڕێی کاروانن) حساب کردن و بۆ په‌رله‌مانێک که‌ چه‌ندین ساڵه‌ سه‌رۆک و ئه‌ندامه‌کانی به‌شدارن له‌ دزین و تاڵانکردنی سامانی خه‌ڵک و کارگه‌یه‌ک بوه‌ بۆ دروستکردنی چه‌کی یاسا بۆ به‌هێزکردنی تاڵانچی و دز و گه‌نده‌ڵ و درۆزن و مشه‌خۆر و ئینسانکوژ و بازرگانی خۆراک و ده‌رمانی ئیکسپایه‌ر ، بۆ سه‌رکوت کردنی خه‌ڵکی ناڕازی، چ نهێنیه‌کی له‌هه‌ناودا هه‌ڵگرتبێت، جگه‌ له‌ هێشتنه‌وه‌ی ئه‌م دزگایانه‌ بۆ ئه‌وه‌ی هه‌روا تا ده‌ورانێکی تر خێر بۆ خۆیان و سه‌رمایه‌داران بداته‌وه‌ و به‌شه‌ ژیان و به‌شه‌ ده‌سه‌ڵات و به‌شه‌ ئازادی چین و توێژه‌ چه‌وساوه‌کان و لاوانی ناڕازی به‌ فریودان و سه‌رکوت بخاته‌ سه‌ر کۆنتۆی چین و توێژه‌ چه‌وسێنه‌ر و مشه‌خۆره‌کان؟

ـ ئایا ئه‌گه‌ر لاوانی ڕاپه‌ڕیو هه‌روا درێژه‌یان به‌م ڕێزگرتن و حساب کردنه‌ بدایه‌، هه‌رگیز ده‌یانتوانی بگه‌ن به‌م ڕۆژه‌ی ئێستا که‌ وه‌ک هێزێکی جاره‌نوسساز حسابیان بۆ بکرێت؟ده‌بێت لاوان له‌م کاروانی ڕاپه‌ڕینانه‌یاندا مه‌وقعیه‌تی رابه‌رانه‌ی خۆیان نه‌ده‌ن به‌ هێج کام له‌و که‌س و لایه‌نانه‌ی که‌ تا ئێستا له‌گه‌ڵ دزدا شه‌ریک بوون و به‌شێک بوون له‌و ده‌سڵاته‌ فه‌رهه‌نگی و ئابوری و سیاسی و سه‌ربازی و ئیداری یه‌ی که‌ ژیانی ئه‌وانی له‌ ڕابردودا کردبوه‌ دۆزه‌خێک که‌ هه‌زارانیان ناچار بوون سه‌ری خۆیان هه‌ڵبگرن، هه‌زارانیان ناچار بوون عومری شیرینیان به‌ بێکاری و بێ ئومێدی و ترس و دڵه‌ڕاوکێیه‌وه‌ ببه‌نه‌ سه‌ر. ئه‌وه‌ی که‌ ئێستا ئه‌و شه‌ریکه‌ دزانه‌ دوای بینینی جه‌ساره‌ت و لێبڕاوی لاوان و که‌سانی ناڕازی و دوای ڕسوابوونی هه‌مه‌لایه‌نه‌ی ده‌سڵاتی تاڵانچی و گه‌نده‌ڵ و سه‌رکوتگه‌ر، په‌شیمانی یه‌ک ده‌نوێنن و دێنه‌ ڕیزی خۆپیشانده‌رانه‌وه‌، کارێکی ئاسایی یه‌ و سنگی خه‌باتکارانی ڕێگای باشتر کردنی ژیان هه‌میشه‌ فراوان بوه‌ و تا ڕاده‌یه‌کی دیاریکراویش ڕێز له‌و هه‌ڵوێسته‌ ده‌گرن، به‌ڵام ئه‌وه‌ی که‌  نابێت هه‌رگیز قه‌بووڵ بکرێت، ئه‌وه‌یه‌ که‌ نابێت ئه‌مانه‌ ئه‌و سه‌لاحیه‌ت و جورئه‌ته‌یان هه‌بێت، بڕۆن و به‌ناوی لاوانی خه‌باتکار و ڕاپه‌ڕیوه‌وه‌ له‌ پشت په‌رده‌کانه‌وه‌ له‌گه‌ڵ ده‌سڵاتداراندا ساتوسه‌ودا به‌ خوێن و خه‌باتی لاوان و خه‌ڵکی ناڕازی یه‌وه‌ بکه‌ن. ده‌بێت لاوان زۆر به‌ ڕاشکاوی ئه‌مه‌ ڕابگه‌یه‌نن و یه‌ک زه‌ڕه‌ سازشی له‌سه‌ر نه‌که‌ن، ئه‌گینا هه‌روه‌ک چۆن له‌ ده‌وره‌ی ڕابردودا خه‌باتی ده‌یان ساڵی خه‌ڵکیان هه‌ڕاج کرد، ئاواش خه‌باتی ئێستای لاوان هه‌رزان خرۆش ده‌که‌ن.

ئێواره‌ی ئه‌مڕۆ 25-2 حاكم قادر ئه‌ندامی ده‌سته‌ی كارگێڕی مه‌كته‌بی سیاسی به‌ئاماده‌بوونی حامیدی حاجی غالی، جه‌میل هه‌ورامی ئه‌ندامانی سه‌ركردایه‌تی، پێشوازیكرد له‌وه‌فدێكی باڵای یه‌كێتی زانایانی ئاینیی كوردستان.
له‌كۆبوونه‌وه‌یه‌كدا باس له‌هه‌وڵه‌كانی مامۆستایانی ئایینی له‌ئێستاو رابردوودا كراو هه‌وڵه‌كانی ئه‌وانیش له‌م چه‌ند رۆژه‌ی دوای روداوه‌كانی 17-2 ی شاری سلێمانی، به‌رزنرخێندران و له‌و باره‌یه‌وه‌ حاكم قادر وتی: هه‌وڵه‌كانی ئێوه‌ نیشانه‌ی هه‌ستكردنه‌ به‌به‌رپرسیارێتی نه‌ته‌وه‌یی و نیشتمانی و ئاینیی، مامۆستایانی ئاینیی هه‌میشه‌ له‌به‌ره‌ی گه‌له‌كه‌ماندا بوون و ئێمه‌ شانازی به‌ڕۆڵی

ئێوه‌وه‌ده‌كه‌ین.
له‌ته‌وه‌رێكی تردا هه‌ڵوست و بیروبۆچوونی ی.ن.ك- ی سه‌باره‌ت به‌ئارامی و ئاسایشی ناوشارو مافی خۆپیشاندان و مانگرتن، روونكرده‌وه‌و ئاماژه‌ی به‌وه‌شكرد كه‌ هه‌میشه‌ ی.ن.ك پابه‌ندبووه‌ كه‌ ده‌سه‌ڵات له‌ڕێگه‌ی سندوقه‌كانی ده‌نگدانه‌وه‌ یه‌كلابكاته‌وه‌.
دواتریش سوپاسی هه‌ڵوێستی یه‌كێتی زانایانی ئاینیی كوردستان كرا كه‌ هه‌ر له‌سه‌ره‌تای ته‌نگژه‌و روداوه‌كانه‌وه‌ خه‌مخۆری ئارامی و ئاسایشی ناوشاری سلێمانی بوون و سه‌ردانی باره‌گای حزبه‌ سیاسییه‌كانیان كردووه‌و له‌هه‌وڵه‌كانی خۆیان به‌رده‌وامن.
له‌كۆتاییشدا له‌گفتوگۆیه‌كی كراوه‌دا سه‌باره‌ت به‌چاكسازی و هێوكردنه‌وه‌ی بارودۆخه‌كه‌ چه‌ندین پێشنیازو سه‌رنج خرانه‌ڕوو، حاكم قادریش به‌ڵێنی پێدان كه‌ سه‌رنج و تێبینییه‌كانی ئه‌وان به‌ مه‌كته‌بی سیاسی و سه‌كردایه‌تی ی.ن.ك بگه‌یه‌نێت.

    كۆبوونه‌وه‌كه‌ی‌ نێوان یه‌كێتی‌‌و گۆڕان به‌سه‌ركه‌وتوویی‌ كۆتایی‌ هات
سایتی‌ چاودێر- تایبه‌ت: سه‌رچاوه‌یه‌كی‌ تایبه‌ت به‌سایتی‌ چاودێری‌ راگه‌یاند: كۆبوونه‌وه‌كه‌ی‌ ئه‌مڕۆی‌ نێوان یه‌كێتی‌ نیشتمانی‌ كوردستان‌و بزووتنه‌وه‌ی‌ گۆڕان به‌سه‌ركه‌وتوویی‌ كۆتایی‌ هات..

سه‌رچاوه‌یه‌كه‌ ئاماژه‌ی‌ به‌وه‌دا له‌كۆبوونه‌وه‌كه‌دا وه‌فدی‌ یه‌كێتی‌ نیشتمانی‌ كوردستان ئاماده‌یی‌ خۆیان بۆ هه‌ڵبژاردنی‌ پێشوه‌خت نیشانداو ئاماده‌ییان ده‌ربڕی‌ بۆ پێكهێنانی‌ حكومه‌تێكی‌ نیشتمانی‌ بنكه‌ فراوان به‌به‌شداری‌ هه‌موو لایه‌نه‌ سیاسیه‌كانی‌ هه‌رێمی‌ كوردستان.
سه‌رچاوه‌كه‌ ئاماژه‌ی‌ به‌وه‌شدا كه‌ هه‌ر له‌سه‌ره‌تاوه‌ ئاڕاسته‌ی‌ كۆبوونه‌وه‌كه‌ به‌و ئاڕاسته‌یه‌ بوو كه‌ هه‌ردوولا كار بۆ هێوركردنه‌وه‌ی‌ بارودۆخه‌كه‌ بكه‌ن، هه‌روه‌ك هه‌ردوولاش جه‌ختیان كرده‌وه‌ كه‌ پێویسته‌ ئه‌م جۆره‌ كۆبوونه‌وانه‌ له‌نێوان هه‌ردوولادا به‌رده‌وام بێت.
سه‌رله‌به‌یانی‌ ئه‌مڕۆ وه‌فدێكی‌ باڵای‌ یه‌كێتی‌ نیشتمانی‌ كوردستان‌و بزووتنه‌وه‌ی‌ گۆڕان كۆبوونه‌وه‌، وه‌فدی‌ یه‌كێتی‌ پێكهاتبوو له‌هه‌ڤاڵان (مه‌لا به‌ختیار) لێپرسراوی‌ ده‌سته‌ی‌ كارگێڕی‌ مه‌كته‌بی‌ سیاسی‌‌و هێرۆ ئیبراهیم ئه‌حمه‌د ئه‌ندامی‌ مه‌كته‌بی‌ سیاسی‌‌و هه‌ڤاڵ‌ دلێری‌ سه‌ید مه‌جید. وه‌فدی‌ بزووتنه‌وه‌ی‌ گۆڕانیش پێكهاتبوو له‌به‌ڕێزان (نه‌وشیروان مسته‌فا) سه‌رۆكی‌ بزووتنه‌وه‌ی‌ گۆڕان‌و هه‌ردوو هه‌ڵسوڕاوی‌ بزووتنه‌وه‌كه‌ (قادری‌ حاجی‌ عه‌لی‌‌و عوسمانی‌ حاجی‌ مه‌حمود).

راگه‌یاندنی رۆژنامه‌گه‌ری له‌سه‌ر كۆبوونه‌وه‌ی هاوبه‌شی یه‌كێتیی و گۆڕان

2011-02-25   18:02:17   PUKmedia
ئه‌مڕۆ 25/2/2011 له‌ هه‌لومه‌رجێكی پێویستدا، كاتژمێر 11 ی به‌یانی كۆبوونه‌وه‌یه‌كی ره‌سمی هاوبه‌ش له‌نێوان یه‌كێتیی نیشتمانیی كوردستان و بزوتنه‌وه‌ی گۆڕاندا ئه‌نجامدرا.
وه‌فدی یه‌كێتیی بریتیبوون له‌ به‌ڕێزان مه‌لابه‌ختیار به‌رپرسی ده‌سته‌ی كارگێڕی مه‌كته‌بی سیاسی و هێرۆ ئیبراهیم ئه‌حمه‌د ئه‌ندامی مه‌كته‌بی سیاسی و دلێری سه‌ید مه‌جید لێپرسراوی مه‌كته‌بی ئیداره‌ی گشتی، وه‌فدی گۆڕانیش له‌ به‌ڕێزان نه‌وشیروان مسته‌فا سه‌رۆكی بزوتنه‌وه‌ی گۆڕان و قادری حاجی عه‌لی و عوسمانی حاجی مه‌حمود، لێپرسراوانی باڵای گۆڕان.
به‌شێوه‌یه‌كی گشتی، كۆبوونه‌وه‌كه‌ گیانی چاره‌سه‌ركردنی كێشه‌كان و گوێ له‌ بیروڕای یه‌كترگرتن زاڵبوو به‌سه‌ریا، گۆڕان جه‌ختیان له‌سه‌ر به‌یاننامه‌ 7 خاڵییه‌كه‌یان كرده‌وه‌، وه‌فدی یه‌كێتیی- ش پابه‌ندی خۆیان به‌ 17 خاڵه‌ په‌سه‌ندكراوه‌كانی دوێنێی په‌رله‌مانی كوردستان، به‌ڕه‌چاوكردنی هه‌ر تێبینییه‌كی تری گۆڕان، كه‌ دیسان له‌ په‌رله‌مانی كوردستان و له‌ چوارچێوه‌ی هاوده‌نگی هێزه‌ سیاسییه‌كان باسبكرێته‌وه‌، دووپاتكرده‌وه‌.
جگه‌له‌و دوو به‌رنامه‌یه‌، وه‌فدی گۆڕان سه‌باره‌ت به‌م دۆخه‌و پێشینه‌ی كێشه‌كان و چۆنیه‌تی چاره‌سه‌ركردنیان بۆچوونی خۆیان باسكرد، وه‌فدی یه‌كێتیی- ش روانگه‌ی خۆی له‌سه‌ر تێكڕای كێشه‌كان بۆ گفتوگۆكردنی هه‌مه‌لایه‌نه‌ی نیشتمانی خسته‌ڕوو.
یه‌كێتیی ئاماده‌یی ده‌ربڕی كه‌ له‌ چوارچێوه‌ی شه‌رعییه‌تی په‌رله‌ماندا، قسه‌ له‌ فراوانكردنی حكومه‌ت له‌ناو هه‌موو لایه‌نه‌كاندا بكرێت، هه‌روه‌ها پێشنیازی فراوانكردنی رێككه‌وتنی سیاسی نێوان هه‌موو لایه‌نه‌كان، به‌ هه‌رشێوه‌یه‌ك له‌ ئاینده‌دا، دوای گفتوگۆی ته‌واوی هێزه‌كان، له‌سه‌ری رێكبكه‌وین، یه‌كێتیی ئاماده‌یی ده‌ربڕی، هه‌روه‌ها یه‌كێتیی دووپاتیكرده‌وه‌ كه‌ راوێژو دیالۆگی جددی له‌نێوان هێزه‌ سیاسییه‌كان له‌ سایه‌ی شه‌رعییه‌تی په‌رله‌مانی كوردستاندا، به‌ پێداویستییه‌كی گرنگی قۆناغه‌كه‌ ده‌زانێت بۆئه‌وه‌ی پرسی چاكسازی هه‌مه‌لایه‌نه‌ له‌ بواری سیاسی، یاسایی و حوكمڕانی به‌ كاراییه‌وه‌ بچێته‌ پێش.
وه‌فدی یه‌كێتیی، هێوركردنه‌وه‌ی دۆخی سلێمانی و كوردستانی به‌پێویستزانی، هه‌تا بتوانین باشتر گوێ له‌ داخوازییه‌ دیموكراسییه‌ ره‌واكانی خه‌ڵك بگرین، دوور له‌ كێشه‌و بێشه‌، به‌تایبه‌تی ئێستا دۆخێكی ناله‌بار له‌ كه‌ركوك و ناوچه‌ كێشه‌ له‌ سه‌ره‌كان، له‌لایه‌ن شۆڤێنی و كۆنه‌ به‌عسییه‌كان هاتووه‌ته‌ ئاراوه‌.
سه‌ره‌نجام.. له‌چوارچێوه‌ی بیروڕاگۆڕینه‌وه‌و رۆحییه‌تی چاره‌سه‌ركردنی كێشه‌كاندا كۆبوونه‌وه‌كه‌ كۆتاییهات و گۆڕان دوای چه‌ند رۆژێك، هه‌تا پێشنیازه‌كان تاووتوێ ده‌كه‌ن، وه‌ڵام ده‌ده‌نه‌وه‌، یه‌كێتیی- ش چاوه‌ڕێی وه‌ڵامی گۆڕان ده‌كات، هه‌تا له‌ ئه‌نجومه‌نی سه‌ركردایه‌تی و ئه‌نجومه‌نی ناوه‌ندی یه‌كێتیی- داو له‌گه‌ڵ سه‌رۆكایه‌تی هه‌رێم و په‌رله‌مان و حكومه‌تیشدا، دوای گفتوگۆیه‌كی به‌رپرسانه‌ی هه‌مه‌لایه‌نه‌و هه‌موو لایه‌نه‌ سیاسییه‌كانی په‌رله‌مان، دوابڕیار له‌سه‌ر چۆنیه‌تی چاره‌سه‌ری ریشه‌یی و هه‌نوكه‌یی بدرێت، به‌هیوای ئه‌وه‌ی به‌ په‌رۆشی هه‌موولایه‌ك بگه‌ینه‌ رێككه‌وتنێكی نیشتمانی و نه‌ته‌وه‌یی و دیموكراسی خوازراوی گه‌له‌كه‌مان.

مه‌كته‌بی راگه‌یاندنی
یه‌كێتیی نیشتمانیی كوردستان
25-2-2011

 

Entry filed under: ئامانج پیرۆت. Tags: .

سلێمانی‌:وه‌فدی‌ گۆڕان و یه‌كێتی‌ كۆبونه‌وه‌ به‌ چوونه‌ ده‌ره‌وه‌ی حزبه‌ چه‌کداره‌کان بارودۆخه‌که‌ هێور ده‌بێته‌وه‌!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,943 hits

%d bloggers like this: