ئامانجی جەماوەری گوران و سەرانی گوران جیاوازن!

2011/03/01 at 4:59 PM Leave a comment

عوسمان مەلا:پاش ٢٠ سال حاکمیەتی خوێناوی و تالانچیەتی و گەندەڵی و خەێانەتی حیزبە کوردیەکان بە دیندار و بێدینیانەوە بەسەر کوردستانی باشوردا، وە بە سەر هەڵدانی شورشی عەدالەتخوازی لە ولاتانی عەربی و رخانی دیکتاتورە ملهۆرەکان، میلەتی کوردیش لە باشور تاقەتی لێ برا و بۆ کوتایی هێنان بە ٢٠ ساڵ چاوەروانی و داماوی و کویلەتی خۆی لە ژیر دیکتاتوریەتی بنالەکان و حێزبە کونەپەرەستە ئیسلامی ناسونالیستەکاندا رژاێە سەر شەقامەکان. راپەری بۆ وەرگرتنەوەی سامانی تالانکراوی و پاراستنی سەروماڵی خۆی کە کردبویانە فیدای بەرژەوند و بەشە دەسەلات و بەشە تاڵان لە لاێەن ئەو حیزبانەوە. ئەم راپەرینە ئامانجی دیارە و لە لاێەن جەماوەرەوە و لە ژیر تیشکی بیری نوێی عەدالەتخوازی و پێشکەوتنخوازیی خوێندەواران و خوێندکارانی هوشیاردا، بە چاوەدیری و رێبەریی روناکبیران و ژنان و پایاوانی کومونیست و ئازادیخوازدا کراوەتە بەدیل و ئەلترناتیو بۆ ئیدارە کردن و بەرێوە بردنی کوردستان.

ئەم راپەرینیە بەدیل و دژ کردەوەی ٢٠ ساڵ دەسەلاتی کوردی بو کە پێویست ناکا بە تەفسیر کردنی کە چیها کارەساتیان بەسەر ئەم میلەتەدا هێناوە. هەمومان بە باشی دەزانین و ئاگادراین بۆێە راپەریوین. ئەم راپەرینە مۆرکی هیچ حیزب و لاێەنیکی پێوە نیە و چیناێەتیە. کۆنە شەری سەرهەلداوەی حیزبەکان و بنەماڵەکان نیە. شەری میلەتە لە دژی دەسەلاتی هەمو حیزبەکانی بەشداری دەسەلات. پێک هاتەی ئەم راپەرینە بە پلەی یەکەم کرێکاران و زەحمەتکێشان و بێ بەشانی کوردستانە کە لە دەرەوەی حیزبەکانن، وە هەروەها توێژی روناکبیران، ماموستاێان، خوێندکاران و ژنانی بێ بەش لە هەمو مافێکی ئینسانیە.

ئەم راپەرینە وەهمەکانی تێکشاند و ناوەرۆکی حیزبەکان و ریز بەستنەکانی ئاشکرا کرد. بە جارێک پەردەی لە سەر رومەتەکان لادا. ئەم بزوتنەوە مافخوازانە بێدەنگی شکاند و وەک بومەلەرزە کوردستانی لە ژێر کورسی و پێی ستەمکارانی دەسەڵاتداردا هێناێە لەرزە. روخانی هاو قەتار و دەستە بەراکانیانی لە تونس و میسر و لیبی هێنایە پێش چاویان و ئەوەتا ئەمانیش لە ترس و تاوی سزادانیان هەرچی هێز و بەکرێگیراویانە خستویانەتە ئینزار و ئامادە باشی تەواو بۆ کوشتار و سەرکوتی میلەت. ترسیان لێ نیشتوە و لە نەعرەتەی دنگی ئازادی، نان و ئاو، کارەبا و دەرمان، خزمەتگوزاری و نیشتەجیبون، لاچن لەسەر ئەو کورسیە میلەت هەموی برسیە،  زراویان تۆقیوە و کەوتونەتە پەلەقاژە و پیلانی گیرانی جۆراوجۆر. ترسنۆکانە کەوتونەتە رفاندن و بێ سەروشوین کردنی رێبەرانی راستەقینە و بەئاگای جەماوەر. کەوتونەتە تەقەی کوێرانەی شەلم کویرم ناپارێزم لە جەماوەر و رەحم بە مندالانیش ناکەن.

ئەوەی لێرەدا جیگای باسە جەماوەری ناو رێزەکانی حیزبی گورانە. بە دلنیاییەوە جەماوەری گۆرانیش جیاواز لە میلەت نیە و بۆ ئەو داخوازانە رژاونەتە سەر شەقام و سنگی خۆێان و مندالەکانیان کردوەتە ئاماجی گولەی دەسەلات کە جەماەر دەێەوی. دەسەلات کەوتوەتە فروفێل و ئامادەیە کۆمەڵێک چاکسازی روالەتی بکا و کومەڵێک ئیمتیازش بدا بۆ رزگار بونی لە دەست میلەت. ئەوانە باش دەزانن کە لە ماوەی ئەم ٢٠ ساڵەی حوکمرانیاندا چیان بەسەر ئەم میلەتە هێناوە. باش دەزانن کە ئەگەر دەسەلات لە دەست بدەن چی چاوەروانیان دەکا! راست ئەو کاتانە دێتە پێش چاویان کە چۆن میلەتی سەرکوت کراوی کوردستان لە دوای راپەرین بەعسیە گەندەل و تاڵانچی و جینایەتارەکانیان هەر لەم ئاسایش و دام و دەزگای سەرکوتانەدا هێناێە دەرەوە و بە سزای تالان و تاوان و جینایەتەکانیان گەێاندن. هەر بٶیە بە هەمو شیوەێەک هەول ئەدەن کە دەسەلاتەکەیان بپاریزن و نەکەونە دەستی جەماوەری تورە و بێ بەش لە هیوا و ئاوات و خەونەکانیان.

دەسەلات ئامادەیە ئیمتیاز بدا، بەڵام نەک بە جەماوەر، بەلکە بەو کەس و حیزبانە کە لەسەر ٢ یان ٣ کورسی پارلەمان، ٢ یان ٣ وەزارەتخانە و بۆ بەشی زیاتر لە سامانی تاڵانکراوی میلەت بەسەر خۆێاندا. ئەوەتا کەوتونەتە هاتوچو و وتوویژ لەگەل یەکتر و لە گەڵ سەرانی گوران و بەردەوام خەریکی کۆبونەوەن، کوبونەوەکان و دانیشتنەکان بی گومان بۆ رێکەوتنە لە دژی میلەت و کڵاو کردنە سەر میلەتە و ناردنەوەیانە بۆ ماڵ. بەردەوام خەریکی پیلانن بۆ فریودانی ئەندامانی خۆێان و جەماوەر لە پشتی دەرگا داخراوەکانەوە. جەماوەری گوران نابێ بەم رەوشتە رسوا بوەی سیاسەتبازی و پسکە پسک و پچە پچی شاراوە رازی و جاوە ری بن بزانن چی رو دەدا. ئەگەر ئەم کۆبونەوانە بۆ ولام دانەوە بە داخوازەکانی خەڵکی کوردستانە، ئەگەر بۆ بەڵی وتنە بە ئیرادەی جەماوەر، دەبی بە ئاشکرا و راستەوخۆ لە کانالی تەلەویزیونەکانەوە بڵاو بکرێتەوە با جەماوەر و جیهان گویی لی بی. بەڵام وادیارە خەریکی رێکەوتنی ژێر بە ژێرن بۆ وەرگرتنی برێک ئیمتیاز، واتە چەند کورسیەک و برێک پارەی زیاتر لە سامانی میلەت. بە دابەش کردنەوەی دەسەلات و بەرفراوان کردنی دەسەلات هیچ شتیک لە مەسەلەکە ناگوری و میلەت واز ناهێنی. چونکە فراوانتر کردنی بەرەی دەسەلات کۆمەڵێک وەزیریتر و وەزارەتخانەیتر و جەند کورسیەکیتر بە دەزەکان و ناوندەکانی تالان و دزی زیاد دەبێ و ئەوانیش دەبی بەسەر سامانی میلەتەوە دابەسرین و بگەن بە کوشک و تەلار.

جەماوەری گوران دەبی رانەوەستن و رێگا نەدەن تا سەرانیان بەم نهێنی کاریە و بە وەرگرتنی برێک ئیمتیاز بۆ خۆیان و حیزبەکەیان سات و سەودا بەسەر ئێوە و جەماوەر و ئەو قوربانیانەوە بکەن کە بۆ خواستەکانی میلەت گیانیان لەدەستدا و خوێنیان رژا. دڵنیا بن جەماوەر لێتان خۆش نابێ و مێژوش ناتان بەخشی. بێگومان ئیوەش بۆ تەقسیمی دەسەلات لە نێوان حیزبەکاندا نەبونەتە گوران خواز و خۆتان بە کوشت بدەن. ئێوە بۆ گۆرانکاریی بنەرەتی  و بۆ وەرگرتنەوەی ئەو سەروەت و سامانەی کە ئەمانە بە ناوی کوردایەتی و پاراستنی سەرو ماڵی میلەتەوە بە زبری کوشتار و توقاندن و زیندان و شکەنجە و بیسەروشیوین کردنی دڵسۆزانی میلەت دەستیان بەسەردا گرتوە.

تەنیا بە هەڵوەشانەوەی دەسەلات لە بناغەوە، وە بنیاتنانەوەی سیستەمیکی زانستی و بە هەڵبژارنێکی ئازاد و دیموکراتی کە جەماوەر بتوانێ هەمو رۆژیک بەرپرسەکان بگۆری و کاربەدەستان بگۆری، یاسا دانی و هەڵیوەشینی، چاوەدیری سامان و دابەش کردنی عادیلانەی ئەو سامانە بێ بە گویرەی یەکسان بەسەر میلەتدا. دەبی جەماوەری گوران ئیتر داخوازە ئینسانی و مەدەنی و  شارستانیەکانی جەماوەر ئامانجیان بی نەک حیزبەکەیان. دەبی یەکیەتی میلەت مەبەست و سیاسەتیان بێ و کار بۆ هەڵوەشانوەی دەسەلاتی حیزبی بکەن. ئەگەر وریا نەبن، معامەلە بەسەر ئەم دەستکەوتە مێژوییەوە دەکەن کە یەکیەتی و یەک ریزی میلەتە بە داخوازی دیاری کراوی ئینسانیەوە بۆ پێکهینانی کوردستانێکی ئازاد و ئاوەدان و ئینسانی. 

Entry filed under: عو‌سمان- م. Tags: .

پیلانگێڕیه‌کانی ده‌سه‌ڵات به‌ناوی که‌رکوک پووچه‌ڵه‌! انگه‌وازێک له‌ حزبی کۆمۆنیستی کرێکاری کوردستانه‌وه‌/هۆڵه‌ندا/بۆ کوردانی ئه‌وروپا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,040 hits

%d bloggers like this: