پێرۆز بێ ٨ی مارس رۆژی جیهانی ژن!

2011/03/03 at 1:27 PM Leave a comment

عوسمان مەلا:کۆمەڵگاێەک کە تێیدا ژن دەوری نەبێ، ژن و لێوەشاوەییەکانی ژن لە کار و بەرێوە برندا، لە سیاسەت و یاسادا، لە رێبەری و بریارداندا، لە مەحکەمە و محمامیەتدا، لە پەروەردە و فێرکردندا، لە بەرهەم هێنان و سەنعەتدا، لە رێکخستن و ئیجراعاتدا بە کار نەهێنری ئەو کۆمەڵگاێە ئینسانی نییە! ئەوەیکە ئەمرۆ ئینسان و ئینسانیەت توشی بوە، بەرهەمی یەکلاێەنەی فکریەتی پیاوسالاریە کە جیهانی ئینسانیمانی لە گەندەڵی و لەشفروشی، کوشتاری بە کۆمەڵ و کاولکاری، پەنابەری و دەربەدەری، برسیەتی و نا ئەمنی، وەحشیگەری و ترور دا نوقم کردوە. لە ئاکامی ئەم یەکلاێەنەییە پیاوسالاریەدا تەنانەت خودی پیاوەکانیش لێی بێزارن و لە دژی بەرهەمی فکرەی خۆیان رژاونەتە سەر شەقامەکان. ئینسانی ئەمرۆ لە دەست تەواوی ئەو یاسا و ناموس و شەرەف و ئەخلاقیاتانە کە ساختەی فکریەتی پیاوسالاری و دینی و سەرەرۆیی پیاوانەیە، بێزارە و هەڵدێ. دەێان جار بە هیوای رزگار بون لەم جەهەنمە ژمارەێەک پیاو کە هەر خۆێان بە زۆر و یان بە دەنگدان نابونیانە سەر کورسی دەسەلات، وەلا نراو و ژمارەێەکیتریان لە جێگاێان دانا. بەڵام نەک هەر کومەڵگایان رزگار نەکرد، زیاتر بەرەو دارمان و بومبەستیان برد کە ئەمە ئاکامەکەیەتی. ئەمەی لێ کەوتەوە کە رۆژانە شاهیدی کوشتاری هەزاران ئینسانی بێتاوانین لە شەقامەکان. شاهێدی ئاوارە بون و هەڵهاتنی هەزاران ئینسانی بێتاوانین لە سەر خاک و حال و ماڵی خۆیان.

بۆ واێە؟ بێگومان گرنگترین هۆکار خۆ پەرەستیی پیاوانە و نەبونی دەوری ژن و بەشدار نبونی ژن لە راپەراندنی کار و ئەرکەکانداێە. بە کار نەهینانی نیوەی تەواوی تواناییە فکری و عەقلی و جسمی و لێوەشاوەییەکانی کۆمەڵگایە. دین و ئایین عاملی بە فێرۆ دانی ئەم بەشە گرنگ و کاریگەرەن لە وزە و تواناییە ئینسانیەکانە کە کومەلگای دارزاندوە.

بەڵام ئیتر کاتی ئەوە هاتوە کە تەواوی پێرۆزیە رێگرەکانی پیاوسالاری، پیاوانە، مەردانە و دینیەکانیان تێک بشکینین. لە ریشەوە ئەم فکریەت و سیستەمە رزیو و دژی ئینسانیە دەر بێنین. کاتی ئەوە هاتوە کە دان بەم حەقیقەتە حاشا هەلنەگرە مێژوییەدا بنین کە کومەلگای ئینسانی بە بێ دەور و بەشداری ژنان ئینسانی نیە و ناتوانی سەرکەوتو بێ. بۆ رزگار بون دەبی واز لە لابردن و هەڵبژاردنەوەی پیاوان بۆ پوستەکانی رێبەری و بەرێوەبری بهێنین. ژنان و پیاوان پێکەوە و بە هاوفکری و هاوپشتی یەکتر سیستەمیک  دابمەزرێنین کە پێورەکانی، بنەماکانی، ئامانجەکانی و کردەوەکانی ئینسانی و مافی یەکسانی ئینسانی بێت. ئەو سیستەمەش تەنیا سوسیالیسمە و هیچ  رێگا چارە و بەدیلێکی دیکەمان بۆ نەماوەتەوە.

بە دەست بە دەست کردنی دەسەڵات لە نێوان پیاوەکاندا، بە دێموکراسیی رسوا بو، بە قەوم پەرەستی و خاک پەرەستی، بە خورافاتی دینی و چاوەروانی بۆ بەهەشتی پیاوانی جیهادکەر نەک نەجاتمان نەبوە و نابی، بەلکو لەمە خراپترمان بەسەردێ کە هاتوە. بۆ رزگار بونی یەکجاری لەم مەینەت و مەئەساتە، لەم کوشت و کوشتار و برسیەتیە تەنیا بەدیلمان سوسیالیستی زانستیە. ئەگینا دەبێ وەک هەمیشە لە شەقام و شەر و هەڵهاتندا بین، بەردەوام بە دنگدانی بی ئاکامی پارلەمانی و سەرۆک هەڵبژاردندا بین، بەردەوام لە لاێان هەلبژاردەکانی خۆمانەوە ئیهانەی بەکریگراوی و ئاژاوەگیری و گیرە شیوینی بکریین، دیسانەوە کوشتن و برین، زیندان و شکەنجە، بێسەروشوین و ئاوارەمان بکەن، پاشان دەست بکەینەوە بە شێعر هۆنینەوە بۆ قوربانیەکانمان و مندالەکانمان کە بە دەستی هێزەکانی بەناو پارێزەری سەرو مالمان خەڵتانی خوینی خۆێان دەکرێن، دیسانەوە سرودی ئازادی لە کوێی بڵێینەوە و یان خۆپیشاندان رێک بخەینەوە. ئازادی بە بێ بەشداریی ژنان بەدەست نایەت، ئەگەریش بیت، سەقەتە و هەوسار کراو.

بژی ٨ی مارس رۆژی جیهانی ژن!

بژی ئازادی!

بژی سوسیالیسم!

عوسمان مەلا

٣//٣/٢٠١١

Entry filed under: رۆژی جیهانی ژن. Tags: .

په‌یامی‌ یه‌كێك له‌ بێسه‌روشوێنه‌كانی‌ چه‌ند رۆژی‌ ڕابردوو ‌ با ژنانی كوردستان لە رۆژی ٨ ی مارسدا عەرشی ی دەسەڵات بھێننە لەرزین !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,893 hits

%d bloggers like this: