پەیام بە کادران ‌و ئەندامانی یەکێتی نیشتمانی کوردستان‌ و پارتی دیموکراتی کوردستان

2011/03/04 at 12:09 AM Leave a comment

لە بەرەی خەباتی یەکسانیخوازو ئازادیخوازانەی خەڵکی کوردستان‌دا رابوەستن‌و ریزی خۆتان لەریزی سەرکردەکانتان جیابکەنەوە!

ئێوە خۆتان ئاگادارن ماوەیەکە جەماوەری کوردستان‌  بەتایبەتی لاوان، لەدژی نایەکسانی، هەژاری، بێکاری، نەبوونی کارەبا، کەمی خزمەتگوزاریە کۆمەڵایەتی‌و شارستانیەکان، لە دژی نەبوونی ئازادی‌، لە دژی دەسەلاتی میلیشیایی‌و بنەماڵەیی، لەدژی تیرۆری دەنگی ئازاد‌و ئازادیخوازی هاتونەتە مەیدان‌. شەقامی زۆرێک لەشارەکانی کوردستان بوەتە شانۆی روبەروبوونەوەی خەڵک‌و هێزەکانی ئاسایش‌و هێزی چەکداری پارتی و یەکێتی. خۆپیشاندەران لە سلێمانی بەفیشەک وەڵامی وەرگرتەوەو قەسابخانەی رۆژی ١٧ی شوبات لەلایەن هێزی چەکداری پارتیەوە خوڵقێنرا. دواتریش هێزەکانی ئاسایش‌و دژەتیرۆری یەکێتی بەهاوکاری هێزەکانی پارتی کەوتونەتە راونا‌ن‌و دەستگیرکردنی خۆپیشاندەران‌و تەقەکردن‌ لێیان. ئەگەرچی هێشتا خۆپیشاندانەکان ناوچەی سلێمانی گرتۆتەوە، بەڵام جەماوەری شارەکانی دیکەی کوردستان لەژێرباری سەرکوتی پارتیدا ‌ئەو دەرفەتەیان دەست نەکەوتوە کە نارەزایەتیەکانی خۆیان بهێننە سەرشەقام‌و بە حەسرەتەوە چاوەرێی ئەوکاتە دەکەن کە بتوانن هێزی جەماوەری‌و مەزنی خۆیان نیشانبدەن.

ئەوەی کە ئێستا لە کوردستاندا روودەدات بەرهەمی نارەزایەتی کەڵەکەبووی چەندین ساڵەیە دژی نایەکسانی و سەرکوتی ئازادیەکان کە بەبیانوی ئاسایشی نیشتمانی، دەستی دەرەکی‌و تاپوری پێنجەم‌، پیلانی ئەم ‌و ئەودژی”تەجروبەی هەرێم” پاساوو پاکانەدەکرا. بەڵام جەماوەری نارازی‌ کوردستان دوای شۆڕشەکانی تونس‌و میسرو پەرەسەندنی خەباتی جەماوەری دژی بێکاری،نایەکسانی‌، ستەم و سەرکوتی ساسی باوەڕیان بەهێزو بەرەوابوونی خواستەکان‌و داواکانی خۆیان زیاتربوو، بەو باوەڕە گەیشتن کە دەبێ خۆیان بێنەمەیدان‌ بۆ بەدیهێنانی ماف‌و ئازادیەکانیان‌. خەڵکی کرێکارو زەحمەتکێشی کوردستان‌، ئازادیخوازان‌، لایەنگرانی یەکسانی‌و عەدالەتی کۆمەڵایەتی، وە لە هەنگاوی یەکەمدا توێژی لاوان، ئەو راستیەیان بە نرخی ژیان‌و گوزەران‌و ئازادیەکانیان تاقیکردەوە کە دەسەلاتی خۆماڵی کوردایەتی هیچ پەیوەندیەکی بە بەرژەوەندی ئەوانەوە نیە، بەڵکو دەسەڵاتی کۆمەڵێک سەرمایەداری چەوسێنەرو بەرپرسی ملیۆنەری ئەو دوو حیزبەو دانیشتوانی فیرعەوناواو دۆلاراواکانن.

 ئەو دەسەڵاتەی ئێستا بەناوی حکومەتی کوردستانەوە حوکمی خەڵک دەکات‌و بەناوی ئەزمونی دیموکراسی پێتان دەفرۆشن، ئەزمونێکە لە دەسەڵاتێکی میلیشیایی بنەماڵەیی سەرکوتگەری خاوەن سامان‌و تاڵانچی داهاتی کوردستان. سەرانی ئەو دووحیزبە سەرمایەدارە هەزاران کەسیان بۆ بەرژەوەندی خۆیان لەنیوان یەکتریدا بەکوشت دا کەچی ئێستا پێکەوە سەرکوتی خەڵکی نارازی‌و راپەڕیوی کوردستان دەکەن. ئەوان کاتێک بەرژەوەندیەکانیان وای پێویست دەکرد ئێوەیان دەکردەوە بەگژی یەکتردا، یەکتریان پێدەکوشتن، واشیان تێدەگەیاندن کە ئەوە لە”بەرژەوەندی کورد”ە. ئێستاش دەیانەوێ بتانکەنەوە بەگژ خەڵکی چەوساوەی کوردستاندا، بەگژی هاورێ‌و کەسوکارو دراوسێ‌و هاوشاری‌و هاوڵاتیانی خۆتاندا هەربەناوی”بەرژەوەندی کورد”ەوە. سەرانی ئەو دوو حیزبە دەسەلاتدارە کە خۆیان لەسەر رەنج‌و خوێن‌و قوربانی خەڵک‌و هەزارانی وەکو ئێوە ملیۆنەها دۆلاریان کۆکردۆتەوەو باڵەخانەو کۆشکەکانیان لەژماردن نایەت، بە پێدانی چەند سەدهەزار دینارێک و یان هەندێ ئیمتیازی بێبایەخ دەیانەوێ ئێوە لەخەڵک جیابکەنەوەو بتانخەنە بەرامبەر ئەوانەوە. ئێوە نابێ ئەو کارە بکەن.

بەشیکی بەرفراوانی ئێوە رۆڵەی خێزانە کرێکاری‌و بێبەش‌و زەحمەتکێشەکانی کوردستانن، یان کەسانێکی بێکاربوون کە بۆبەرێوەبردنی ژیان ناچارکراون ببنە ئەندام‌‌و چەکداری ئەو حیزبانە، بۆیە شوێنی ئێوە ناو ئەوان نیە، بەڵکو شوێنی راستەقینەی ئێوە ناو خەڵک‌و پەیوەستبوونە بە خەباتی جەماوەری‌و رەوای کرێکاران‌و زەحمەتکێشان‌‌و لاوانی ئازادیخوازەوە بۆ یەکسانی، بۆ ئازادی، بۆ بەهرەمەندبوون لە ژیانێکی شەرافەتمەندو شایستەی مرۆڤی ئەم سەردەمە. ئێمە دڵنیاین کە بەشیکی فراوانی ئێوە ئەو نایەکسانی‌و زوڵمو ناحەقیانە دەبینن و هەست پێدەکەن. دەزانین کە بەشیکی فراوانی ئێوە لەو بارودۆخە نارازین‌و ناتانەوێ دژی هاوڵاتیانی خۆتان بوەستنەوە. کاتی ئەوەیە کە لەگەڵ ویژدان‌و ناخی راستەقینەی مرۆڤانەی خۆتاندا نزیک ببننەوەو لەپڕوپاگەندەی سیاسیی چەواشەکارانە‌ی سەرکردەکانتان دوور بکەونەوە. کاتی ئەوە هاتوەو بەدڵنیاییەوە جەماوەری نارازی‌و راپەریو باوەشتان بۆ دەکاتەوە.

بژی خەباتی رەوای خەڵکی کوردستان بۆ ئازادی‌و یەکسانی کۆمەڵایەتی!

حزبی کۆمۆنستی کرێکاریی کوردستان

3/2/2011

Entry filed under: حزبی کۆمۆنیستی کرێکاری کوردستان. Tags: .

هه‌شتی مارس و هیوا و هه‌وڵ و ئه‌ركه‌كانمان ‫ته حسین شاوه یس به شانازیه وه باسی شه هید کردنی ما مه رێشه ده کات

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,028 hits

%d bloggers like this: