بەڕێز رەحمانی حاجی ئەحمەدی،سکرتێری پژاک سڵاو!

2011/03/06 at 4:17 PM Leave a comment

موختار زاره‌عی ئه‌ندامی کۆمیته‌ ناوه‌ندی به‌ره‌ی یه‌کگرتووی کورد
ئازاد نمه‌کی ئه‌ندامی کۆمیته‌ ناوه‌ندی به‌ره‌ی یه‌کگرتووی کورد

بەڕێزعه‌بدولره‌حمان حاجی ئه‌حمه‌دی
سکرتێری گشتی پارتی ژیانی ئازادی کوردستان
وێڕای رێز و سڵاو
ئێمە واژۆکەرانی ئەم نامەیە دەمانهەوێ هەقێقەتی داستانێک بخەینە روو کە قارەمانی یەکەمی ئەم داستانە بەرێزتان و حیزبی پژاکه‌
وەک ئاگەدارن لەم ساڵانەی دواییدا، ژمارەی ئەو کەسانەی لە کوردستاندا حوکمی لە سێدارەدانیان بۆ دەرچووە بە شێوەیەکی نائاسایی رووی لە زیاد بوون ناوە و هەندێکیش لەو حوکمانە بە داخەوە جێ بە جێ کراون. بێجگە لەمە، لە شەڕی راستەوخۆی پژاک به‌رامبه‌ر کۆماری ئێسلامی، کەسانێکی زۆر لە هەر دوولا گیانیان لە دەست داوە. هەروەها دەبێت ئاماژە بەو هاووڵاتیە مەدەنیانە بکرێ کە لەم دیو و ئەو دیوی سنوور بە هۆی تێکەڵ‌بوونی ناوچەی نیشتەجێ بوونیان بە شەڕەوە گیانیان بێ‌تاوان بەخت کردوە. دیسان دەبێت ئاماری ئەو کەسانەی پێ زیاد بکەین کە بە حوکمی زیندان لە ژیانی ئازاد و کۆمەڵگا دوور خراونەتەوە. 
بەڕێز حاجی ئه‌حمه‌دی
ئەمە فەقەت بەشێکی بچووکی ئەو گەمەیە کە بەرێزتان رۆڵی سەرەکی تێدا دەبینن. لای بەرێزتان شاراوە نیە کە زۆربەی تێچوویەکانی شەڕی چەکداری نەک فەقەت لایەنێکی تایبەت، بەڵکوو رووبەڕووی هەموو کۆمەڵگای کوردستانی بە گشتی دەبێتەوە. رەش و سپی بوونەوەی فەزای سیاسەت، ئەو کەرتە کە دەبێ جێگای رادەربڕینی ئازاد و راشکاوانە بێت، بەهێز بوونەوەی باڵی رادیکاڵ، پاوانخواز و ئێقتدارگەرای دەسەڵاتی ئیرانی لە کوردستان، چەن قات بوونەوەی تێچووی کاری سیاسی لە کوردستان، ئاسایشی بوونەوەی فەزای فه‌رهه‌نگی و کۆمه‌ڵایه‌تی و گوشاری زیاتر بۆ سەر چالاکانی بواری مەدەنی و سیاسی، دیسان بەشێکی ترن لە ئەنجامەکانی ستراتیژی شەڕی چەکداری.
بەرێز سکرێتر
حاشا هەڵنەگرە ئاسایش لە هەر وڵاتێکدا قۆناغی یەکەمە بۆ رێکخستن و گەشەی ئابووری و وەبەرهێنان؛ ئەو دەرفەتە کە بە بۆنەی گرێدراویی ئەم وڵاتە بە شەڕی چەکداری یەوە لێی زەوت کراوە و هەر لێرەوە راستەوخۆ لە سەر چۆنایەتی ژیانی ئابووری خەڵک کاریگەری نێگەتیڤی داناوە.
لە باری نێودەوڵەتیەوە بۆ جاری یەکەم لە سایەی ستراتیژی نیزامی نابەجێ و ناوەختدا دەستەواژەی تیرۆر و تیرۆریسم دەخریتە پاڵ کورد و کوردستان، ئەو چەمکە ناحەزە کە بە تەنیا خۆی دەتوانێ هەموو واقیع و راستی‌یەکانی ئەم وڵاتە بشێوێنێت وکێشەی کورد بخاتە ژێرسێبەری خۆی لە نێو یاری‌یە دیپلۆماسی‌یەکانی کۆمەڵگای جیهانیدا. لە راستیدا جیهانی ئەمڕۆ نەک هیچ بایەخێک بۆ هێزه چریکی‌یەکان دانانێت، بەڵکوو دژایەتی‌یەکی تەواوی لەگەڵدا هەیە، هیچ فەرقیش ناکات چی دەڵێی و دژ بە کێ راوەستاوی. لێرەوە ئەوە خانەی تیرۆریزمە کە تۆ خۆتی پێ پێناسە دەکەی.
لە دواییشدا، بە داخەوە لە ئەنجامی ئەو مانایە کە ئێوە بۆ کورد بوونتان هەڵبژاردووە، نەک هەر بۆتە هۆی سەپاندنی تێچووی ناعەقلانی بەسەر کۆمەڵگادا، بەڵکوو لەوە گرینگتر بۆتە هۆی گۆشەگیربوونی زۆربەی بەشەکانی کۆمەڵگا و بە تایبەت توێژی نوخبەو ناوازە. لێرەوە کوردایەتی مانای گیان لە سەر دەست نان و پێشوازی کردن لە مەرگ و زیندان و ئەشکەنجە لە خۆ دەگرێ و تاک بۆ گونجان و هاوئاهەنگ بوون لە گەڵ کوردایەتی تەرجەمە کراوی ئێوە دا، دەبێت واز لە هەموو پێوەندی یەکانی لە گەڵ ژیانی رۆژانە و دەرەوە بێنێت و بە گیان و ماڵ خۆی بۆ ئەم رێگایە تەرخان بکات. هەر لێرەدایە کوردایەتی وەکوو ئەمرێکی فەرهەنگی کە دەبێت بەردەوام لە هەموو قۆناغەکانی ژیانی مرۆڤی کورددا و لە هەموو بوارەکاندا خۆی دووپات بکاتەوە، دادەبەزێ بۆ کردەوەکانی هێزێکی بچووکی چەکداری کە رۆژ لە دوای رۆژ خۆی لە واقیع و بەرژەوەندی‌یەکانی ژیانی کوردی دوور دەخاتەوە و پێوەندی لە گەڵ خواستە سەرەکی‌یەکانی خەڵکدا تەسکتر دەکاتەوە. 
بەڕێز حاجی ئه‌حمه‌دی
ئەمانە بەشێک بوون لە تەواوی ئەو تێچوویانە کە ئەنجامە کردەوەییەکانی ئەندێشەو ئایدۆلۆژی ئێوە بە سەر کۆمەڵگای کوردستاندا سەپاندوویەتی. بە گشتی بە داخەوە کۆمەڵگای کوردستان کەوتۆتە نێو گەمەیەکەوە کە یاسا و رێسا و ئامرازەکانی بێ هیچ چەشنە شەرعیەت وەرگرتنێک، پێشوەخت دارێژڕاون. لێرەدا ئەو پرسیارە دێتە ئاراوه‌، کە ئایا لایەنێکی تایبەت تا چەندە مافی ئەوەی هەیە یەک لایەنە و نادیموکراتیک شێوە ستراتیژیەک هەڵبژێرێ که تێچوویه‌کانی رووبەرووی هەموو کۆمەڵگا به‌ گشتی بکاتەوە. بە شێوەیەکی روونتر، ئایا شەڕی چەکداری ئێستا و لەم کاتەدا، چەندە هەڵگری شەرعیەتێکی نیشتمانیە. ئایا کردنی کوردستان بە مەیدانی شەڕێکی هەتاهەتایی لە ئاراستەی بەرژەوەندیە باڵاکانی گەلی کورد دایە؟ ئایا هێشتنەوەی لەم دۆخەدا بەشێک نیە لە پرۆژەی دواکەوتنی مێژوویی کوردستان لە باری ئابووری و سیاسی‌یەوە؟ ئایا بڕیاردەرانی ئەم ستراتیژی‌یە چۆن و لە سۆنگەی کامە بیر و باوەڕەوە دەتوانن پاساوی بۆ بهێنەوە و لە گەڵ بەرژەوەندی کورد دا بیگونجێنن؟ چۆن دەتوانرێ گیانی مرۆڤ هێندە هەرزان لە رێگەی ئایدیالە زەینیەکانی لایەنێکی سیاسی دا بەخت بکرێت؟
بەڕێز سکرێتر
کورد بوون ئەو فەرهەنگەیە کە لە توانایدا هەیە بەردەوام خۆی لە هەموو بوارەکانی سیاسەت، ژیانی کۆمەڵایەتی، دیپلۆماسی و هتد بە زمانێکی مەدەنی و دیموکراتیک تەرجەمە بکات و رێگا چارە بۆ کەندوکۆسپەکانی بەردەمی ببینێتەوە. کە وابوو ئەم فەرهەنگە بۆ گوزارشتی خۆی چ پێویستی بە شەڕی چەکداری و تیرۆر و تەقینەوە نیە. ئەم کردەوەگەلە فەقەت دەتوانن زمانحاڵی ئایدۆلۆژی‌یەکی دواکەوتوو، نادیمۆکراتیک و کۆنەپەرەست وەکوو سەلەفیەت بن کە سەرچاوەکانی لە دەرەوەی بازنەی فەرهەنگی سیاسی و مەدەنی کورد دایە.

بەریز حاجی ئه‌حمه‌دی 
گیان و ماڵی مرۆڤ پیرۆزە و کەس مافی ئەوەی نیە لێ‌یان زەوت بکات. ئێوه‌ بڕوانن بۆ ئه‌و هه‌ڵمه‌ته‌ ناڕه‌زایی ده‌ربڕینه‌ له‌ مه‌ڕ کێشه‌ی ئێعدام له‌ ئێران که‌ سه‌رانسه‌ری جیهانی گرتۆته‌وه‌. پرۆتیستۆکان نه‌ک ته‌نیا لایه‌نگرانی مافی مرۆڤ، به‌ڵکوو سیاسی و رۆشنبیر و مه‌ده‌نیشی ناچار به‌ هه‌ڵوێست وه‌رگرتن کردوه‌. ته‌نانه‌ت خه‌ڵکی کوردستانیش به‌و هه‌موو گوشار و مه‌ترسیه‌وه‌ بێ‌ده‌نگ نه‌بووه‌ و به‌ هه‌ر شێوه‌یه‌ک بۆی لوا بێت ده‌نگی ناڕه‌زایه‌تی خۆی هه‌ڵبڕیوه، کە چی حیزبی پژاک لە زۆر جاران‌دا ئیزنی ئەوەی بە خۆی داوە گیانی کەسانێک بە بێ ئەوەی لە دادگایەکی شیاو و بە پێ بنەمایەکی یاسایی بە پێ بەڵگەی باوه‌ڕپێکراو موحاکمە کرا بن، بە تۆمەتگه‌لی جۆربه‌جۆر بستێنێ. ئه‌و کرده‌وه‌ که‌ به‌ پێ هه‌موو په‌یمان‌نامه‌ و گرێبه‌سته‌ نێو ده‌وڵه‌تیه‌کان وبه‌ پێ هه‌موو پره‌نسیپ و پێودانگه‌‌ مرۆڤی‌یه‌کان به‌ تیرۆر پێناسه‌ ده‌کرێت‌. 

بەڕێز سکرێتر
له‌ کۆتاییدا، داواکاری ئێمە لە بەڕێزتان ئەوەیە سەر لە نوێ بارودۆخی ئێستای کوردستان بە وردبینیەوە لێک بدەنەوە. کوردستانی ئەمڕۆ ئاڵ و گۆڕێکی یەکجار زۆری بە نیسبەت دەیەکانی پێشوو بە خۆیەوە بینیوە. ئەمڕۆ ئەو رۆژەیە کە خەڵکانی سەرشەقام خواستەکانی خۆیان بە شێوەیەکی هێمنانە، مەدەنی و ئاشتیخوازانە و بە دوور لە توندوتیژی گەڵاڵە دەکەن، نموونەکەشی مانگرتنەکانی بازار و کۆبوونەوەکانی بەر زیندان و هتد. ئەمڕۆ ئەو رۆژەیە چالاکانی مەدەنی و سیاسی کورد، کەڵک لە هەموو بوار و دەرفەتەکان وەردەگرن بۆ زیندوو کردنەوە و بە دواداچوونی مافەکانی ئەم گەلە. ئه‌و رۆژه‌یه‌‌ کە لە نێو کورد‌ دا به‌ربژێری خه‌ڵاتی نۆبێل هه‌ڵده‌بژێردرێت، به‌ڵام نه‌ک بۆ ئازایه‌تی له‌ شه‌ڕی چه‌کداریدا، به‌ڵکوو به‌ بۆنه‌ی به‌ دواداچوونێکی مه‌ده‌نیانه‌ی مافه‌کانی گه‌ل.

ئەمە وێنەی ئه‌و وڵاته‌یه‌ کە کردەوە سیاسی و مەدەنیەکانی ستایش و رێزی ئێران و تەنانەت جیهانی بۆ لای خۆی راکێشاوە. 
هەر بەم بۆنەوە ئێمە وا دەزانین ئەرکی سەرشانی هەموو لایەنە سیاسی و رۆشنبیری‌یەکانە بەستێن بۆ ئەم فەرهەنگە خۆش بکەن، نەک ئەوەی ببن بە رێگرێک لە بەردەم گەشەسەندنیدا. مەدەنیەت و کۆمەڵگای مەدەنی لە ئاسایش و ئارامشدا نەک تەنیا بەهێزتر دەبێت، بەڵکوو لە رووبەرووبوونەوەی کێشەکانیدا بە ئەزموونتر و لە هەڵگرتنی کۆسپەکانی بەردەمیدا زۆر کارامەتر رەفتار دەکات. 
ئێمە پێمان وایە چارەسەری کێشەی کورد بە روانینێکی عەقڵانی و بە لەبەر چاوگرتنی هەموو ئەو تێچوو و دەسکەوتانە مەیسەر دەبێت کە رووبەڕووی کۆمەڵگای کوردستانی بە گشتی دەبێتەوە، نەک بە تێڕوانینێکی ئایدۆلۆژیک کە ئارمانەکانی خۆی پێشوەخت بە سەر کێشەکەدا سەپاندووە و دواتر بە بەرز و پیرۆزکردنەوەی تێچوویەکان رێ لە هەموو پرسیار و گومانێک بگرێ.

 

موختار زاره‌عی ئه‌ندامی کۆمیته‌ ناوه‌ندی به‌ره‌ی یه‌کگرتووی کورد
ئازاد نمه‌کی ئه‌ندامی کۆمیته‌ ناوه‌ندی به‌ره‌ی یه‌کگرتووی کورد

 

Entry filed under: حاجی‌ ئه‌حمه‌دی‌. Tags: .

هەڵبژاردنى پێشوەخت،وەڵامى داخوازییەکانى خەڵکى ناڕازى کوردستان نییە! یه‌كێتی‌ ده‌ستی‌ كرد به‌ئاماده‌كاریه‌كان بۆ خۆپیشاندانه‌كه‌ی‌ سبه‌ی‌ له‌سلێمانی‌

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,040 hits

%d bloggers like this: