“لایەنە ئۆپۆزسیۆنەکان رۆڵیان هەیە کە شۆرش بەلارێدا بروات و لە سەر حسابی ئامانجەکانی ئەم بزوتنەوەیە بسازێن لە گەڵ دەسەلاتدا”

2011/03/20 at 6:25 AM Leave a comment

گفتوگۆ لە گەل عوسمانی حاجی مارف سکرتێری کۆمیتەی ناوەندی حزبی کۆمۆنستی کرێکاری کوردستان.
ئۆکتۆبەر: هاوڕێ عوسمان هەروەک ئاگادارن کەئەمڕۆ زیاتر لە3 هەفتە تێپەڕدەبێت بەسەر یەکەمین هاتنە مەیدانى خەلکى ناڕازى شارەکانى کوردستاندا. ئەم خرۆشان وهەستانە شۆڕشگێڕانەیەى جەماوەر زۆرتر لەشارى سلیمانى وناوبەناوەش لەقەزاو ناحیەکان سەردەردێنێ.. بەڕاى ئێوە ئامانجى بنەڕەتى ئەم جولانەوەیە ڕووى لەچییە و تواناى ئەوەى هەیە کەبەسەرکەوتن بگاو لەلایەن دەسەلاتدارانەوە سەرکوت نەکرآ؟
عوسمان حاجی مارف: ئامانجى ئەم بزوتنەوەیە کەلەشارەکانی کوردستان بەرێکەوتووە، پەیوەستە بە شەپۆلی ئەو ڕەوتە شۆڕشگێڕانەیەی  کەلەناوچەکەدا سەرى هەڵداوە، بریتییە لە کۆتایى هێنان بە دەسەلاتدارێتى حزبە میلیشیایى وقەومیەکان کە چارەنوس و ژیانى کۆمەڵگایان بەپێى چینى سەرمایەدارو دەوڵەمەندان وخاوەن کۆمپانیاو بازرگانەکان ڕێکخستووە. یانى رەوت و ئامانجى ئەم بزوتنەوە شۆڕشگێڕیە جەماوەرییە هەڵوەشانەوەى سیستەمى حکومڕانى وپەرلمان ویاسا و دامو دەزگاى سەرکوت ،و سەروو خەڵکیەکانى حزبە دەسەلاتدارەکانە، پێکهێنانى ئاڵوگۆڕى ڕیشەییە لەسیستەمى دەسەلاتدارێتى ئێستا و جێگرتنەوەى بەدەسەلاتێک کەنوێنەرانى هەڵبژێردراوى جەماوەرى ڕۆڵیان لەبەڕێوەبردنى کۆمەڵگادا هەیەو تەواوى مافو ئازادیەکانى هاولاتیان وئاستێکى باش لەخزمەتگوزارى و باش بژێوى بۆ خەڵکى کرێکارو زەحمەتکێش دەستەبەر دەکات.
بەلام ئایا ئەم بزوتنەوەیە تواناى سەرکەوتنى هەیە؟، بەبڕواى من قەڵشتى چینایەتى و توڕەیى فراوانى خەڵک ودامێنێ ناڕەزایەتیەکان وبەشدارى چین وتوێژە کۆمەلایەتیەکان لەم بزوتنەوەیەدا، ئەو توانایەى بەخشیوە بەم بزوتنەوەیە کەئامانجەکانى خۆى بەدى بهێنێ و بە دەستکەوت و بەسەرکەوتن بگات، بەتایبەتى گەر لەلایەن حزبێکى شۆڕشگێڕەوە ڕێبەرى بکرێ و هەنگاو بەهەنگاو بەربەستەکانى سەر ڕێگاى سەرکەوتن وەلابنێ و جەماوەر یەکگرتوو هوشیارانە لەسەر خواستەکانى خۆى لەم خەباتەدا ئاڕاستە بکات. بەلام هەر شۆڕش و جولانەوەیەک ئەگەری شکست و سەرنەکەوتنى لەبەردەمدایە، بەتایبەتى کە دەسەلات هیچ کاتێک بەسادەیى مل بەخواستى جەماوەر نادات و ئەویش لەڕێگاى سەرکوت و چاوەشەکاریەوە لەهەوڵى سەرکوت و بلاوەپێکردن وساردکردنەوەى هەلومەرجەکاندایە. لەلایەکى تریشەوە لایەنە ئۆپۆزسیۆنەکان ڕۆڵیان هەیە کەشۆڕش بەلاڕێدا بڕوات و لەسەر حسابى ئامانجەکانى بزوتنەوەکە بسازێن لەگەڵ دەسەلاتدا. بەتایبەتى کەڕەوت ولایەنێک کەبەرژەوەندى خۆیان لەئاڵوگۆڕى ڕیشەیدا نابینن و هەوڵدەدەن بەگۆڕانکارى ڕواڵەتى خەڵکى فریوبدەن وهەمان سیستەم ودەسەلات بەشێوەیەک لەشێوەکان کەخویان شوێنێکى باشتریان تێدا بەدەست هێنابێت، سازبدەنەوە. 
ئۆکتۆبەر: بەلام هاوڕێ عوسمان ئەم جولانەوەیە وخۆپیشاندانەکانى گەرچى خواستى دیاریکراویان ئاڕاستەى دەسەلاتکردووە، بەلام تائێستا وەلامێکیان وەرنەگرتۆتەوە، هۆکارى ئەمە چییە و بەڕاى ئێوە خاڵى پێشڕەوى و لاوازى ئەم بزوتنەوەیە لەکوێدایە؟ ئایا تواناى ئەوەى هەیە کەسەراسەرى کوردستان بگرێتەوە و ڕوولەشارەکانى هەولێرودهۆک بکات؟بۆئەمە بەربەستەکان چین؟
عوسمان حاجی مارف: بە بڕواى من ئەوەى کە خواستەکانى خەڵک هیشتا وەلامى وەرنەگرتۆتەوە، بۆدوو هۆکار دەگەڕێتەوە، یەکەمیان سروشتى دەسەلاتێکى سەرکوتگەرو دژى خەڵکیە کەئامادە نییە بچوکترین وکەمترین ئاستى خواستى جەماوەر بسەلمێنێ. دووەمیشیان تەوازنێک کەئێستا لەنێوان جەماوەرو دەسەلاتدا پێکهاتووە، بەوئاستە نەگەیشتووە کەدەسەلات ناچاربکات خواستەکانى خەڵکى ناڕازى بسەلمێنێت. بەتایبەتى کە بزوتنەوە جەماوەرییەکە هێشتا لەقوناغى سەرەتایى خۆیدایە. بەلام سەبارەت بەخاڵى بەهێزو لاوازى ئەم بزوتنەوەیە، دەبێ لەسەرەتاوە ئەوەبڵێم کەخۆپیشاندان و ناڕەزایەتیەکان یەکەمین سەرەتاکانى دەورانى شۆڕشگێڕانەیان پێکهێناوە، لەم دەورانەشدا ئەوە دەسەلاتە بەهەموو پێکهاتنەکانیەوە ئیعتبارى چۆتە ژێر پرسیارەوە، پاشان کۆبوونەوەى گەورەى سەراى ئازادى و ئەنجومەنێکى کاتى کەپێکهاتووە دوو دەستکەوتى گەورەن لەڕابەرى کردن و خستەنە ڕووى خواستەکانى جەماوەردا، ئەم سەکۆیەى کەدروست بووە بۆتە بنکەى تەنینەوە و هاتنە مەیدانى زۆربەى خۆپیشاندان وکۆبوونەوە جەماوەریەکان لەشوێنەکانى تر. بەلام خاڵە لاوازەکانى ئەم بزوتنەوەیە، لەبارى سیاسیەوە زاڵبونى ئاسۆى ناسیونالیزم ومانەوەى مەزاجى جەماوەر بەگشتى بۆ تۆڵەسەندنەوە لەدەسەلات بەبێ کۆبوونەوە لەدەورى پلاتفۆرم و خواست وشیعارى ڕۆشن، سەرەنجام ڕانەوەستانى بزوتنەوەى جەماوەرى لەدەورى بەرنامەى حزبێک کەخەباتى ئەوان نوێنەرایەتى دەکات سەرەکى ترین لاوازیە سیاسیەکانى ئەم جولانەوەیەیە. لەبارى عەمەلیشەوە قەتیس مانەوەى ناڕەزایەتیەکان لەسەراى شارو مانەوە لەئاست کۆبوونەوەى جەماوەریدا، نیشانەى ڕۆنەچوونى ناڕەزایەتیەکانە بۆ نێوکارگەو ناوەندەکانى کارو گەڕەک وزانکۆکان و پێکهێنانى ڕێکخراوى جەماوەرى و دیاریکردنى نوێنەرانى ناڕەزایەتیەکان، هاوکات لێک گرێ نەدانەوە وسەراسەرى نەبوونەوەى ناڕەزایەتیەکان لەئاست شارەکانى کوردستاندا.. ئەکرێ بەکۆمەڵەى خاڵە لاوازەکانى ئەم جۆلانەوەیە لەئێستادا دیارى بکرێ، کەپێویستە بەخەباتى لێبڕاوانەى هەڵسوڕاوان لەپێشیانەوە هەڵسوڕاوانى کۆمۆنیست وچەپى کۆمەڵگاوە پڕبکرێتەوە. 
ئۆکتۆبەر: ڕۆڵى لایەنە ئۆپۆزسیۆنەکان لەبەرامبەر ئەم خرۆشانەى جەماوەردا چییەو چ ڕەخنەیەکتان لەهەڵسوکەوتو ڕیچگاچارەى ئەم لایەنانە هەیە؟
ناڕەزایەتی و خرۆشانێکی جەماوەری کەلە ئارادایە وەک پیشتر ئاماژەم پێکرد بۆ داخوازیەکانی خەڵکە و بێزاری جەماوەرە لە بەرامبەر دەسەلاتی میلشیایی یەکیتی و پارتیدا، بەلام لایەنە ئپۆزسێونەکان مەسەلەو بەرژەوەندی و کێشەی سیاسی خۆیان لە ناو دەسەلاتی سیاسیدا هەیە و مەسەلەکەیان خواستی بەشی زیاتر و بەدەستهێنانی مەوقعیەتی زیاترە لە ناو دەسەلاتی سیاسیدا، هەر لەو چوارچێوەیەوە داوای گۆڕانی شکڵی بۆ چاکسازی لە ناو دەسەلاتدا دەکەن، لە ئێستاشدا هەوڵئەدەن ناڕەزایەتیەکانی خەڵک بخەنە ناو ئامانج و سیاسەتەکانی خۆیانەوە، بە دروشمی هەڵبژاردنی پێش وەخت، چاکسازی، ئاشتی،  دەسەلاتی تەکنۆکرات بۆیاخی بزوتنەوەکەى پێدەکەن، بەلام ناڕەزایەتی و خرۆشانی جەماوەری خەڵک ڕەوتی ئاڵوگۆڕێکی ڕیشەیی لەناوەڕکی بزوتنەوەکەیدا بەرجەستە دەکاتەوە و بەڕآ خستووە، کە هەڵوشانەوەی هێزی میلشیایە، بەرزکردنەوەی ئاستی گوزەران و کار یان بیمەی بێکاری، حکومەتی نوینەرانی خەڵک، دروشمی نان، کار، ئازادی و یەکسانی.. بە خۆوە گرێداوە.
ئۆکتۆبەر: سیاسەتى گشتى حزب بەرامبەر بەم بزوتنەوەیە چییەو چ سیاسەتێکى لەئێستادا بەدەستەوەگرتووە؟ 
عوسمان حاجی مارف: پێش هەموو شتێک ئێمە بەشێکین لە جەماوەری ناڕازی و هەڵسوڕانی سیاسیمان لە ئێستادا وەک هەر هێزێکی سیاسی جەماوەری لە هەوڵی بەهێز کردن و یەکگرتنی ڕێزی ئەو ناڕەزایەتیانەو خواستەکانیانین، گرنگترین مەسەلەیک فراوانکردنەوەی بزوتنەوەکەیە لەئاستی تەواوی شارەکانی کوردستان و گەڕەکی شارەکاندا، ڕێکخستنی جەماوەری خەڵکە لە ڕێکخراوەی جەماوەری کە وێنای دەسەلانی خەڵک بەرجەستە کاتەوە، هاتنە مەیدانی ڕیزی بەرینی کرێکارانە بە خواست و دروشمی خۆیانەوە، هاتنە مەیدانی ڕیزی بەرینی ژنانە بە پێکهاتنی ڕێکخراوی ڕادیکاڵ و بەرگری لە یەکسانی هەمەلایەنی ژنان و پیاوان، ڕێکخستنی لاوانە لەڕێکخراوی لاوانی ڕادیکاڵ و ئازادی خوازیدا…هەوڵدان بۆ کاڵکردنەوەی بالا دەستی و ئاسۆی ناسیۆنالیستی بەسەر بزووتنەوکەدا، ئامادەکردنی بەرەیەکی جەماوەری بەئامادە بۆ بەدەست هێنانی ئاڵوگۆڕی ڕیشەیی لە دەسەلات و کۆمەڵگەدا، شان بەشانی ڕەوتی ڕوداوەکان و گەشەی بزوتنەوەکە، هەوڵدانمانە بۆ بەرجەستەکردنەوە و بە عەمەلی کردنی  دروشمی ئازادی، یەکسانی، حکومەتی شورایی، هاوئاهەنگی و پشتیوانی لە هەموو ئەو هیز و لایەنانە دەکەین کە ئامانجیان ئازادی سیاسی و بەدی هێنانی داخوازیەکانی خەڵک و دەوری ئیرادەی خەڵکە لە دەسەلاتی سیاسی و دابینکردنی مافەکاندا. سەرەنجام ئێمە تێدەکۆشین بۆ زاڵکردنى ئاسۆى شۆڕشگێڕانە و ڕادیکاڵ و قوتبى کردنەوەى کۆمەڵگا بەدەورى پلاتفۆرم وڕێگا چارەى کۆمۆنیستەکان وکێشانى سنورى ڕۆشنى سیاسى لەنێوان هێزى شۆڕشگێڕانەى جەماوەر و هەموو ئەو لایەنە ناسیونالیستى و ئیسلامیانەى کەهەوڵیان بۆسازش پێکردن و لەنێوەڕێدا ڕاگرتنى فەزاى شۆڕشگێڕانەى ئێستادا. ئێمە تێدەکۆشین کەبزوتنەوەیەکى سیاسى سەربەخۆى چینایەتى لەدڵى ئەم هەلومەرجەدا بەڕێ بخەین کە نوێنەرایەتى بەرژەوەندیەکانى خەڵکى کرێکار وزەحمەتکێش ولاوان وژنان وئازادیخوازان بکات و ڕابەرى جۆلانەوەکە تاسەرکەوتنى کۆتایى لەدەستبگرێ.

Entry filed under: عوسمان حاجی مارف. Tags: .

عه‌سکه‌رتاریه‌تی سه‌ر هه‌ولێر هه‌ڵگرن,با ‌ڕاستی ده‌رکه‌وێت! سلێمانی‌؛ 9 حیزب و بزوتنه‌وه‌ی‌ سیاسی ئیمزایان له‌سه‌ر 7 خاڵ كرد بۆ پاراستنی ئاشتی‌ و گه‌ڕانه‌وه‌ی‌ ئارامی هه‌رێمی كوردستان

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,040 hits

%d bloggers like this: