فاروق رەفیق و ئەخلاقی ئیسلامی؟

2011/04/01 at 6:50 PM Leave a comment

عوسمان مەلا:پروفیسور، مامومستای زانکۆ،دوکتور و ئەندازیار دەکرێ بۆ وەدەست هێنانی قازانج و معاش و پلەی دەسەڵاتی گەندەڵ، کارامە بێ و پەسەند. بەڵام ئینسانی هوشیار و ئازادیخواز و شەرافەتمەند کە بیهەوێ لە زانستەکەی بۆ رێنوێنی کۆمەڵگا و جەماوەری چەوساوە بەرەو پێشکەوتن و عەدالەت و ئینسانیەت بە کار بهێنی، دەبێ جێگا و رەوشت و هەڵوێستێکی شیاوی هەبێت. گرنگترین و شیاوتریینی ئەم هەڵوێستانە راستگویی بەرانبەر بە دیاردەکان و جەماوەر، دڵسۆزی، سەربەخۆ بون، سەر بە ئایدولوژیای سیستەمی ستەمگەر و چەوسێنەر نەبون، ناساندنی زیانەکانی دین و ئایینە کە بەشەری توشی داڕمان و کارەسات کردوە. زۆر فەیلەسوف بون و هەن مەداح و پاساوگەری خورافات و دیکتاتوریەت و دواکەوتویی بون. هەروەها فەیلەسوفیشمان هەێە کە ئێواران کاتێک هەوا تاریک دادێ، لە پشیلەی رەش دەترسن و ئاێەتەلکورسی بەدەور خۆێاندا دەخوێنن. ئەمانە هەمێشە ئامرازی دەسەلاتەکان بون بۆ چەواشە کردنی خەلک و هێشتنەوەی خورافاتی دینی لەبەر بەرژەوەندی تاکە کەسیی خۆیان.
بۆچی نە؟ دەکرێ روناکبیر بیت و سەر بە ناوەندەکانی جەهالەت و دەسەڵاتە گەندەڵکان لە پێناو بەرژەوەندی شەخسیدا. ژمارەی ئەم هەلپەرەستانە کەم نین کە دەوری مەڵای خەتی و جارچیانی بازاری لێبرالیزم دەگێرن، لێبرالیزمیک کە جیهانی ئەمرۆی بەرەو شەر و کوشتار و برسیەتی و دارمان بردوە. ئەم روناکبیرانە هەم خوێندەوارن و هەم سیاسی و هەم شارەزای فەلسەفە و مەکاتبی سیاسیشن. بەڵام تەنیا شتیک کە لە وجودی ئەم توێژە کۆمەڵاتیەدا نیە، ویژدان و ئەخلاقی ئینسانیە. هەمیشە بە نرخی رۆژ نان دەخۆن و لە هەرکوێوە بای بیت شەنی خۆێان دەکەن. ئەساسیترین ئامانجی ئەمانە ئەوێە کە “پارەی کفن دەر بێت و مردو گۆڕ بە گٶر دەچو”. لە باری ناوەرۆکی سیاسیەوە ئەمانە ناسراون بە “روناکبیری وردەبورژوا”. بە کردەوە ئەم تویژە روناکبیرە هەمیشە ساختەچی و شەرلاتانی سیاسی و هەلپەرەست بون. لە کاتێکدا کە وڵاتیک توشی ئەزمە و قەیران دەبێ و شورشی جەماوەری لە دژی ستەمکاری و گەندەڵی و نا عەدەالەتی دەست پێدەکا، روناکبیری وردەبورژوا، هەلپەرەستانە لە پێشەوەی هەمو جەماوەرەوە ئاڵای ئازادی بەدەستەوەێە و دروشمی حەماسی دەدا، لافی قارەمانی لێدەدا و فروفیشاڵی ئازایتی سیاسی و نەترسی نمایش دەکا. بەڵام کاتیک کە بە حاستەم هەست بەوە بکا کە شورش درێژە خاێەنە و خەریکە پاشەکشەی پێ دەکرێ، روناکبیری وردبورژوای شورشگیر یەکەم کەسە کە رێزی جەماوەر بەجێ دێڵێ و بە کلکە لەقێ و بە گۆرینی رەنگ و دەنگ، بەرەو لای دەسەڵات دەچیتەوە. لە کوردستان نمونەمان زۆرن لەم کەسانە کە تەنانەت دەکرێ  ناویشیان بە نمونە بهینین. ئەمانە چەندین جار ئەمبەر و ئەو بەریان کردوە، تەسلیمی دەسەڵات بون، خەێانەتیان کردوە و پاشان کە حەسابێکی واێان بۆ نەکردون، بە برێک شەرمەوە هاتونەوە  و چەندین جار ئەمەێان دوپات کردوەتەوە. لەم بەشی دەسەڵات بۆ ئەو بەشی دەسەڵات هاتوچویان کردوە، وتەکانیان و هەڵوێست و دروشم و شێعر و نوسینەکانیشیان بە پێی زروف و هەلومەرجی زاڵ گۆریوە.
گەورەترین کۆسپ و لەمپەری رێگای هوشیار بونەوەی جەماوەری چەوساوە بە مافە ئینسانی و چیناێەتیەکانیان، هەر ئەم بەناو فەیلەسوف و روناکبیرانە بون و هەن. هەمومان ئەگەر خۆمان نەدەین لە گێلی و بە ویژدانێکی بێداری ئینسانیەوە هەڵویست بگرین و قەزاوەت بکەین، ئەوا ناتوانین حاشا لەم راستیە بکەین کە راپەرینەکانی سەرەتاکانی ساڵی ٢٠١١ لە جیهان بە گشتی و بەتایبەتی ئەفریقا و رۆژهەڵاتی ناوەراست، تەقینەوەی رقی پەنگ خواردوی دەێان ساڵ بەش مەینەتی، هەژاری، بێکاری، بێ حورمەتی، تەعەدا، بێ مافی، برسیەتی، بێ دەرمانی و ئاوارەیی بە میلیارد ئینسان بو لە دژی ناوەرۆکی سیستەمی دژی ئینسانیی سەرماێەداری و دەوڵەتە دینی و قەومیەکانی بەرێوەبەری ئەم سیستەمە. خواستەکانی ئەم راپەرینە خوێناویە بریتین لە کار، نان، مەسکەن، خزمەتگوزاری و عەدالەتی کۆمەڵایەتی.
دەوڵەتانی دینی و نادینیی سەرماێەداری کە هۆکاری پێک هێنەری ئەم بەدەبەختی و مەینەتخانەێەن بە پانتایی گۆی زەوی، بۆ پێش گرتن بەم راپەرینە و بەلارێدا بردنی، کەوتونەتە هەوڵدان و فروفێل لە جەماوەری راپەریو. لە لاێەک زلهێزەکان کە پێکهێنەر و داڵدە دەر و پشتیوانی سەران و دەوڵەتانی دیکتاتور و ئەحزابی تیروریستی ئیسلامی و بون، وەک هەمیشە بەرگی دێموکراسی و مافی مرۆڤیان لەبەر کردوەتەوە و بە بیانوی پشتگری لە جەماوەر خەریکی داگیرکاری و لەبار بردنەوەی راپەرینەکانن. بۆ ئەم مەبەستە تەواوی توانا مادی و مەعنەویەکانی خۆیان بەکار هیناوە. لە لاێەکیتر کەسانی قەڵەم فرۆش، خۆ فرۆش، سەفسەتەچیانی بە ناو فەیلەسوف و روناکبیر کە پێشینەیان بوە، بونەتە داردەستی زلهێزەکان و دەولەتانی کۆنەپەرەست و ئوپوزسیونەکانی بورژوا ناسیونالیست بۆ رێگرتن لە هەڵوشانی بنەماکانی دین و دەسەلاتی گەندەڵ. ئەم فەیلەسوف و روناکبیرانەیان ناردوەتە ناو جەماوەری تورە و ئازادیخواز تا شورشەکەیان لە ناوەرۆکی خۆی و ئاراستەکانی کە عەدالەتی کۆمەڵایەتی، جیا بونی دین لە دەولەت و لە بناغەوە گۆرینی سیستەمی رێکخستن و بەرێوەبردنی کۆمەلگاێە، بەتاڵ بکەن و بە برێک ریفورمی رواڵەتی و بەڵینیدانی درۆینە پێش بە گٶرانکاریە بنەرەتیەکان بگرن و خەڵک بنێرنەوەماڵ.
نمونەی بەرچاوی ئەم روناکبیرانە، ئەوانەی سەرای سلێمانین وەک فاروق رەفیق و هاوبیرەکانی کە لە راستیدا تا ئاستیک توانیان بە تاشینی خەباتی مەدەنی و شارستانی دێموکراسی، خەیانتێکی گەورەیان لە جەماوەر کرد. بە هێنانە کاێەی نوێژ و تێکەڵ کردنەوەی دین بە سیاسەت، دیسانەکە زەبری کوشەندەی خۆێان لە جەماوەر وەشاند. ئەمانە بونەتە داردەستی دەوڵەتانی ئیسلامیی ناوچکە و راست هەمان سیاسەت پێرەو دەکەن کە خومەینی و مەلاکان لە ئێران، بە پاڵپشتی ئەم جۆرە روناکبیرانە سەپاندیان بەسەر ئیراندا کە ٣٠ ساڵە پێوەی دەناڵێنن. خومەینی نوێژی جومعەی لە مزگەوتەکانەوە گواستەوە بۆ مەیدانی ئازادی تاران و بۆ زانکۆی تاران، وە ناویان نا ” نوێژی سیاسی عێبادی”. هەر ئێستا فاروق رەفیق دەوری سادقی قوتبزادە و بەنی سەدر و ملی مەزهەبیەکانی ئیران دەگێرێن لە سەرای سلێمانی بۆ هێشتەوەی یاسا نا ئینسانیەکانی ئیسلام کە بڕستی لە بەشەریەت بریوە. دەبێ گەنجان، ژنان و کچان، روناکبیرانی شرافەتمەند و ئازادیخواز و جەماوەری چەساوەی کوردستان کە ١٤٠٠ ساڵە گیرودەی تاعونی دینی ئیسلام و ٢٠ ساڵە پروکاوی دەستی دەسەڵاتی گەندەڵ و بورژوا-ناسیونالیستی کوردن، رێگا نەدەن ئەمانە خواستەکانیان و ئیرادەیان بکەنە گیرفانی چەند مەلاێەک و دەوڵەتانی ناوچەکە. فاروق رەفیق کە باسی بونی دێموکراسی لە ئیسلام و ئەخلاقی ئیسلامی دەکا، دەبێ بە بەڵگە و نمونە هێنان لە ئاێەت و حەدیسەکان بۆمانی بسەلمێنی. ئەوکات بۆمان دەردەکەوی کە یان فاروق درۆ دەکا، یان قەسابخانەکەی قورئان و حەدیسە نا ئەخلاقیەکان.
فاروق رەفیق، وەک مەلاکان و خەتیبەکانی ئیسلامی سیاسی، بە بێ شەرم لە پلە زانستیەکەی و تەنانەت بە پێچەوانەی ئاێەتەکانی قورئان کە هیچ بیر و باوەریکی دیکە تەحەمول ناکات بێجگە لە ئیسلام، وە سزای هەمو بەشەرەیەت کوشتن و سرینەوێانە لەسەر زەوی ئەگەر ئیسلام قەبوڵ نەکەن، کەوتوەتە رەنگ کردنی ئیسلام و دەڵێ کە ئیسلام دینی ئەخلاق و دێموکراسی و عەدالەتە. وابزانم پێشتر زۆر کەس قسەکانی فاروقیان لەبیرە کە دینی ئیسلام بە کارەسات لە دژی بەشەریەت دەزانی. ئەم دوروییەی فاروق راست ناوەرۆکی هەڵپەرەستانەی خۆی و رێکخراوەکەی بەێان دەکا کە ٢٠ ساڵی تەواوە لە جیناێەتەکانی دەسەلاتی کوردیدا دژ بە خەڵکی کوردستان شەریک بون و هەن. ماوەێەک لەوەپێش نەوشیروان موستەفا و رێکخراوی گۆران بە ئیلهام وەرگرتن لە حوسەینیەی تاران، لە وتارێکدا راست راێانگەێاند کە نوێژ دەبێ لە ماڵەکان و مزگەوتەکان بچێتە دەرەوە بۆ ناوشارەکان و گۆرپانەکان و هەمو ناوەندەکانی پەروەردە و فێر کردن. ئەمرۆ فاروق رەفیق ئەم سیاسەتەی گۆڕان تەتبیق دەکا و بوەتە هاوسەنگەری مەلا کۆنەپەرەست و مشەخۆرەکان.
ئەمە لە حاڵێکداێە کە ئەمرۆ هەمو ئەو وڵاتانەی کە ئیسلام داگیری کردوە و یاسای ئیسلامییان تێیدا بەرێوە دەچی، بونەتە جەهەنەمێک بۆ جەماوەرەکانیان، بە تایبەت ژنان و کچان. کوشتاری ژنان، خەتەنە، ژن بە ژنە، فرە ژنی، دزی، تاوان، بێ ئەخلاقی، دواکەوتویی، تروریزم، درۆ، قەتڵ و کۆشتار ئاکامی دەسەلات دینی ئیسلام و تێکەلاو بونی سیاسەت بە دینە کە فاروق رەفیق ئەیەوی چاومان ببەستی و نەیبینین، یان لەبەر بەرژەوەندی ئەو و حیزبەکەی نابی باس بکرێ، ئەگەریش باس کراو، دەبێ ئەم دیاردە و تاوانانە بخرێتە ئەستۆی کولتور و میلەتی کورد خۆی. کەسێک کە میلەتی خۆی تاوانبار بکا بە بێ ئەخلاق و دین و کولتوری وەحشیانەی بێگانەی داگیرکەری ئیسلامی بە ئینسانی و ئەخلاقی بزانێ، ئیتر پێویست ناکا بە تێرامان و دیارە لە کوێوە و بۆچی ئەم قسانە دەکا. فاروق لە کاتێکدا ئەم قسانە دەکا و دەیهەوێ سیماێەکی دەستکرد و درۆیینە بۆ ئیسلام بتاشێ، کە نەک هەر لە وڵاتانی ئیسلام لێدراو، بەڵکو جیهانیش ئەمرۆ گرفتاری ئاکامە دژی ئینسانی و تیروریستیەکانی ئایین و ئاێەت و حەدیس و حیزب و دەوڵەتە ئیسلامیەکانە.
لە راستیدا یەکێک لە دەلیلە سەرەکیەکانی مانەوەی جەهالەت و دەسەلاتی دین بەسەر کومەڵگای بەشەریدا، بە پلەی یەکەم ئەم بە ناو روناکبیرە فەیلەسوف و خوێندەوارانەن. ئەم کەسانە بەو پەری ریاکاری و دوروییەوە، لە لاێەک دەم لە ئازادیخوازی و دێموکرات بونیان دەدەن و باسی پێکەوە گونجانی مەڕ و گورگ دەکەن، لە لاێەکیترەوە بە کردەوە راست لە خزمەت ئەو یاسا دینی و سیاسەتە دژی ئینسانی و رسواێانەدان کە کوردستانیان توشی ئەم ماڵویرانی و بێ ئاسویی و دواکەوتوییە کردوە. ئەم روناکبیرە دێموکراتانە تەنانەت رێگا نادەن کەسانی نەیاری فکریی خۆێان قسەش بکەن. بۆ سەلماندنی خزمەتکار بونیان بە ئیرهابی ئیسلامی و دەوڵەتانی ئیسلامیی ناوچەکە، فاروق، سوسیالیزم بە دیکتاتوری ناو دەبا و کومونیستەکانیش بە بێگانە پەرەست و کونەپەرەست. مەبەستی ئەوەێە کە زانستی عەدالەتی کۆمەڵاێەتی و یەکسانی کۆنە و بەسەر چوە، بەڵام ئیسلامی ١٤٠٠ لەوە پێش تازەێە و دەبێ بۆ ئیدارە کردنی کۆمەڵگا بەکاەر بهێنرێ. نازانم فاروق لە چی بەشیکی فەلسەفەی تەتەور و گەشە کردنی کومەڵگا و مێژودا خوێندەواری هەیە، ئەگینا قسەکانی فاروق هەر ئەوەندەی قسەکانی خودای ئیسلام راستە کە دەڵێ زەوی تەختە، رۆژ ئێواران دەچێتە ناو گۆماوێکەوە و ئێوارە دادێ، مانگ لەبەر دیاریکردنی زیارەتی حەج کەم و زیاد دەکا، ئەستێرەکان پشتێک پولەکن بۆ جوانی پژاندونمان بە ئاسماندا. هەروەها وتوکانی فاروق لە بابەت ئەخلاقی ئیسلامیدا، خودی ئاێەتی ٥٠ لە سورەتیەحزاب بە درۆی دەخاتەوە، ئەم ئاێەتە بۆ کەسێک کە خۆی پێ ماموستا و فەیلەسوف بێت و باسی ئەخلاق بکا، جێگای شەرمە. چونکە خودای ئیسلام کاری تەنیا پاساو کردنی هەواو هەوەسی پێغەمبەر و پیاوانی جیهادکەری موسولمانە. جا ئەگەر کاک فاروق ئەمەی پێ ئەخلاقە، دەبێ بڵیین هەزار سەڵوات لە کەڵەشێر. ئەمەش ئەو ئاێەتە کە بەراستی جێگای شەرمە:

يا اَيُّهَاالنَّبِیُّ اِنّا اَحلَلنالَکَ اَزواجَکَ اللاتی آتَيتَ اُجُورَهُنَّ وَ ما مَلَکَت يَمينُکَ مِمّا اَفاء اللهُ عَلَيکَ وَ بَناتِ عَمَّکَ »

وَ بَناتِ عَّماتِکَ وَبَناتِ خالکَ وَ بَناتِ خالاتِکَ الاّ تی هاجَرنَ مَعَکَ وَ امرَاُة مُؤمِنَةً اِن وَهَيَت نَفسَها لِلنَّبِیَّ اِن

اَرادَ النَّبِیُّ اَن يَستَنُکِحَها خالِصَةً کَکَ مِن دوُنِ المُؤمِنينَ قَد عَلِمنا ما فَرَضنا عَلَيهِم فی اَزواجِهِم وَ ما مَلَکَت

.« اَيمانُهُم لِلَيلا يَکُونَ عَلَيکَ حَرَجُ وَ کانَ اللهُ غَفُوراً رَحيماً

ئێستا ئێمە باوەر بە ئاێەتە ئەخلاقی و خوێناویەکانی قورئان بکەین یان بە سوێندەکانی مەلا فاروق کە دەڵی ئیسلام دینی ئاشتی و براێەتی و دێموکراسیە؟ باوەر بە حەدیسەکانی موحەمەد بکەین کە ژن بە شەیتان و قحبە و ئەسیری پیاوان دادەنی و خۆی ٢-٣ دەرزەن ژنی هەبوە، یان بە سوێندە کانی مەلا فاروق کە دەڵی ئیسلام پرە لە ئەخلاق؟ باوەر بە سورەتی ئەنفال و جیهاد و مانگا بکەین کە خودای ئیسلام فەرمانی کوشتاری هەمو بەشەریەت دەدا، بە جۆرێک کە خوێن تا ئەژنۆی ئەسپی فرسانەکانی الله بێتە سەر، یان سوێندەکانی ئایەتوللا فاروق کە دینی ئیسلام بە دادپەرەوەری و عەدالەت ناو دەبا؟
ئەخلاق و دین دژ و دوژمنی رێشەیی یەکترن! هەر کردوەیەکی ئەخلاقی کە لە خزمەتی ئینساندا بیت، ئەم ئینسانە چی دیندار بێ یان بێدین، هیچ مەرج و شەرتێکی نیە و تەنیا ئینسان پێوەری نرخاندیەتی نەک بیر و باوەر. بەڵام بۆ دینی ئیسلام، ئەخلاق بە بێ دین بێ نرخە و بە تاوان دادەنری. یانی کردەوەێەکی ئەخلاقی کە لە خزمەت ئینسان و ئینسانیەتدا بێت بەڵام دینی نەبێت، لای ئیسلام بەتاڵە. ئەمە لە حاڵیکداێە کە نرخی کردەوەی ئەخلاقی لە لاێان هەر کەسێکەوە، هەر چین و توێژێکەوە، هەر میلەتێک و هەر بیر و باوەرێکەوە بێت بە نرخ و شایستەیە. بەڵام دین ئەخلاقی داگیر کردوە و پێوەری تایبەت بە خۆی بۆ داناوە کە ئەویش بە پێی جۆری دینەکانە.
فاروق رەفیق دەبێ واز لەو شیوازە رسوا بوە بێنی و لەگەل میلەتی چەوساوەی دەستی دسەلاتی دین و سەرمایە درۆ نەکا بۆ مەبەستی کۆ کردنەوەی هێزی زۆر و بۆر. باشترین پلە بۆ فاروق، وتنی راستیە زیانبارەکانی ئاکامی دین و دەسەلاتی سەرماێەیە، نەک پاساو کردنی دین و خورافاتی دینی لەبەر بەرژەوەندی شەخسی و حیزبی. ئەم بەدبەختیە کە ئەمرۆ کورد توشی هاتوە، ئاکامی ئەم رەوشت و سیاستە ریاکاری و نا ئینسانیانەێە کە کاک فاروق ئەمرۆ ناوی ناوەتە ئەخلاقی ئیسلامی و دێموکراسی. لە ئیسلامدا تەنیا ئەخلاق نیە. خودی پێغەمبەری ئیسلام حەرەمسەرای هەبوە و بە دەێان ژنی داگیر کردوە کە زۆربرێان منداڵ بون. ئەم وتانە بۆ فاروق و شەئنی فاروق ناشایستە و دواتر دوکەڵەکەی دچێتەوە چاوی خۆی. کوشتاری کافران و داگیر کردنی کوردستانیش مانای ئەوەیە کە دینی ئیسلام نەک ئازادی تێدا نیە و لە دێموکراسی تیناگا، خۆی بەڵگەی دیکتاوریەتی موتلەقە.
٣١/٣/٢٠١١

 

Entry filed under: عو‌سمان- م. Tags: .

دوای سەرا پشتیوانی له‌ پلاتفۆرمی چه‌پ،هه‌نگاوێک بۆ پێشه‌وه‌

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,028 hits

%d bloggers like this: