دوای سەرا

2011/04/01 at 6:45 PM Leave a comment

عەبدوڵا مەحمود:ئەمرۆ نزیک بە مانگ و نیوێکە، سەرای ئازادی بۆتە ڕەمزو ناوکۆکەی ناڕەزایەتی شەقام، بۆتە سەکۆ و بڵندگۆی ناوتن بەدەسەڵاتی ستەمکارو میلیشیایی و گەندەڵی یەکێتی و پارتی، بۆتە سەکۆی زۆرێک و لەدەنگ و ڕەنگی جیاوازو هەمەچەشن،بۆتە مەیدانێک بۆ خۆنواندنی بزوتنەوە سیاسی و کۆمەڵایەتیەکان و حزبەکانیان.
داخوازیەکانی خەڵکی کوردستان بەتایبەتیش سەرا وەکو ڕۆژ ڕۆشنن، کەچی دەسەڵاتی ٢٠ ساڵەی یەکێتی و پارتی، خۆیان لێیکردۆتە کەڕەی شەربەت، ئەوەی کە نایانەوێت بەکردەوە جێبەجێی بکەن، داخوازیەکانی سەرایە. هەزاران وادەو بەڵێن لەژێر گوشاری ناڕەزایەتی شەقامدا، دەدەن، بەڵام داخوازی زۆر سادەی گرتن و زیندانیکردن و دادگاییکردنی بکوژانی ئاشکرای خۆپیشاندەران، بردنە دەرەوەی بارەگاو میلیشیای چەکداری حزبەکان بۆ دەرەوەی شارو شارۆچکەکان… لە ناو تۆڕێک وادەو بەڵێنی درۆزنانەدا، دەشارنەوەو ئامادەنیین بە کردەوە ملیان پێبدن.
ملنەدانی ئەم دەسەڵاتە بۆ ئەم داخوازییە زۆر سادەوە سەرەتاییانە، نەک هەر نیشانەی ئەوەیە کە ئەم دەسەلاتە ڕاستگۆ نییە لە تۆمارێک بەڵێن کە ڕۆژانە پەخشی دەکەنەوە، بەڵکە نیشانەی ئەوەیە ئەم دەسەڵاتە نایەوێت و توانای وەڵامدانەوەی خواستەکانی خەڵکی کوردستان و شەقامی نییە.
سەرای ئازادی و خواستێک کە کەلەوێوە خراونەتە روو، خواستی تەنها جەماوەری مۆڵبووی ڕۆژانەی سەرا نییە، بەڵکە تەعبیرە لە خواستی زوربەی زۆری کۆمەڵگا.
 داسەپاندنی خواستەکانی کۆبونەوەی جەماوەری سەرا کەخواستی زوربەی خەڵکی  کوردستانن، پێویستی بە نمایش وهێزی زیاتر و سیناریۆی زیاترو فراوانترە. پشتیوانیکردنی کارگەکان، ناوەندە خزمەتگوزارییەکان، زانکۆ و پەیمانگاو ئامادەییەکان، گەرەکەکان… لەرێگای سازدانی کۆبونەوە گشتیەکانیان، کار ڕاگرتنییان وەکو پشتیوانیەک بۆ بزوتنەوەی جەماوەری سەرا و هاوکات بەدیهێنانی داخوازی ئەو شوێنانە خۆیان، ئەو هەنگاوەیە کە دەتوانێ سیناریۆی تازەبێت کە سەرا تێدەپەڕێنیت و دیمەن دوای سەرامان نیشاندەدات، کە دیمەنی ئاستێکی باڵاتری بزوتنەوەی ناڕەزایەتی جەماوەرییەو هەرئەمەش دەتوانێ دەسەڵات لە خەوی قوڵ بێداربکاتەوە ناچاری بکات، مل بدات و کۆتایی بە کەڵەگایی و سەرکێشی بهێنێت.
ڕابەرانی بزوتنەوە نارەزایەتیە جەماوەری و کۆمەڵایەتیەکانی وەکو کرێکاران و لاوان و خوێندکاران و ژنان و …تاد، تادەگات بە ڕابەرانی بزوتنەوەی کۆبونەوە جەماوەرییەکانی سەرا، پێویستە لە ئێستاوە نەخشەو هەنگاوی بەکردەوەی دوای سەرا، یانی سازدانی ئەم کۆبونەوانەو مانگرتن لە شوێنی ژیان و کاردا، بخەنە دەستورەوە. مانەوەی سەرا بە تەنها، بەزیانی بزوتنەوەی نارەزایەتی جەماوەری کوردستان لەراستای داخوازییەکانیاندا، تەواودەبێت. دەبێ هەموو ڕۆژێک پشتیوانی بەکردەوە، کۆبونەوە و مانگرتن، لە شوێنی ترەوە وزە بدات بە سەراو هێز داخوازیەکانیان گەورەتر بکات.    
abdulla.mahmud@gmail.com
1-4-2011

Entry filed under: عبداللە مەحمود. Tags: .

سه‌رۆکی هه‌رێم وه‌ڵامی که‌مپینی(تۆم به‌سه‌رۆک قبوڵ نییه‌)ی دایه‌وه‌! فاروق رەفیق و ئەخلاقی ئیسلامی؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS مطالب سایت آزادى بيان

  • An error has occurred; the feed is probably down. Try again later.

RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,827 hits

%d bloggers like this: