دەبێت سەرکووت و تۆقاندنی خەڵکی کوردستان ڕسوابکرێت

2011/04/19 at 8:38 PM لێدوانێک بنووسە

هیدایەت مەلا عەلی:ڕۆژی ١٨/٤/٢٠١١ یەکێکی ترە لە ڕۆژە خوێناویەکانی کوردستان،(یەکێتی و پارتی) هەر ڕۆژێک و سیناریۆیەکی خوێناوی دژی خەڵکی کوردستان نمایش دەکەن، سووتاندنی مەیدانی ئازادی لە سلێمانی، لێدان و ڕفاندن، بریندارکردن و بەکارهێنانی چەک و هەڵمات و دارلاستیک، ڕشتنی گازی گوماناوی و شەلاق کردن، شکاندنی کامێراو ئەنفال کردنی خوێندکاران، هەڕەشەو چاوسورکردنەوە لە خەڵک، داواکردنی پێناس و شوێنکەوتنی هەڵسوڕاوان، جنێو ئیهانە و شکاندنی کەسایەتی، ئەمانە هەموویان پرۆژەی چاکسازی (یەکێتی و پارتیە) بۆ هەلومەرجی سیاسی کوردستان و وەڵامدانەوە بە داخوازیەکانی خەڵکی ڕاپەڕیو.

دەسەڵاتداریەتی (یەکێتی و پارتی) بۆسەرکوت و تۆقاندنی خەڵکی کوردستان دەستیانداوەتە شەرمهێنەرانەترین شێواز و هەڵسوکەوت، ئەم دەسەڵاتە لەرزۆکە دوور لە جەماوەرە، بەردەوام داهێنان دەکات لە تۆقاندن بۆ پاراستنی کورسیەکانی دەسەڵاتە دژی ئینسانیەکەی، ئەوەی لە هەگبەی سەرکوتگەرترین دەسەڵاتدارانی ناوچەکەدا هەیە (یەکێتی و پارتی) لە ئاستی (لاوان، ڕۆشنبیران، نوسەران ، هەڵسوڕاوانی سیاسی، مناڵان، ژنان، پارێزەران، پەیامنێران و دەزگا ڕاگەیاندنە ئازادەکان، پەرلەمانتار) بەکاریانهێناوە و تاقیدەکەنەوە.

ڕفاندنی نوسەر و ڕوناکبیر(رێبین ئەحمەد هەردی) سوکایەتی کردن بە پەرلەمانتار (محەمەد کیانی) ئەشکەنجەی بەعس ئاسای ڕۆژنامەنوس (شوان سدیق) ئازاردانی جەستەی و دەروونی (باوکی شەهید سورکێو) ڕوویەک و دیوێکی بچووکی کاری (قەزافیەکانی) کوردستانە، دەست بەسەراگرتنی خوێندکاران و جیاکردنەوەی کوڕان و کچان هەمان یادەوەری ئەنفالی گەرمیان و قەرەداغ بە بیری خەڵکی کوردستاندا دەهێنێتەوە، بەکارهێنانی گازێکی گوماناوی بەناوی گازی فرمێسک ڕێژەوە برینەکنی خەڵکی هەڵەبجە و سێوسێنان دەکولێنێتەوە کە چۆن دەسەڵاتی ڕەشی (بەعس) بەکۆمەڵ کوشتاری کردن.

(یەکێتی و پارتی) زۆریان هاوارکرد کە ئەوان لە دەسەڵاتە سەرکووتگەرەکانی ناوچەکە ناچن و جیاوازن، (یەکێتی و پارتی) زۆر فریوکاریان پەخشان کرد لە دەزگا ڕاگەیاندنەکانیانەوە کە ئەوان بە دەنگی خەڵک هاتوونەتە سەر کورسی دەسەڵات و ئەوان کودەتاچی نین، بەڵام ئەوەی ڕووداوەکان و سیناریۆ ڕەشەکانی ئەم چەند ڕۆژەی (یەکێتی و پارتی) ببینێت هیچ گومانێکی لەوەدا نامێنیت کە ئەم دوو حیزبە نموونەی دواکەوتووترین و سەرکووتگەرترین دەسەڵاتی ناوچەکەن، جا ئەوەی ئەم دەسەڵاتە چۆن هاتوون و چۆن لەسەر کورسی دەسەڵات دانیشتوون بۆ خەڵکی کوردستان بەئاستی نووکە دەرزیەک نرخی نیە، ئەوەی ئێستا بۆ خەڵکی کوردستان گرنگە ئەوەیە کە ئەم دەسەڵاتە کەی دەڕوات؟؟؟

(یەکێتی و پارتی) دەسەڵات و ئۆرگانەکانی دەسەڵاتداریەتیان قابیلی چاکسازی نیە، لەهەر جێگایەکی دنیادا دەسەڵاتێک ئەگەر بیەوێت چاکسازی بکات، ڕۆژانە هاوڵاتیان هەست بە چوونە پێشەوەی ئاستی ژیان و ئازادییەکانیان دەکەن، بەڵام (یەکێتی و پارتی) لە کاتێکدا ڕۆژانە هاواری چاکسازی دەکەن بەڵام هەر ڕۆژێک و هەر هەنگاوێکیان بریتیە لە سەرکوتکردنی ئازادییەکان و قوڵترکردنەوەی ناعەدالەتی کۆمەڵایەتی.

لەبەرانبەر ئەم دەسەڵاتە ئینسان کوژ و سەرکوتگەرەدا خەڵکی کوردستان پێویستیان بە یەکڕیزی و هاودەنگی و ڕێکخراوبوونێکی جەماوەری و فراوان هەیە، ناڕەزایەتیەکانی خەڵکی کوردستان دەبێت سەراسەری بکرێتەوە، ئەو کەلێنەی کە ڕۆژی ١٨/٤/٢٠١١ کەوتە قەڵا سەربازیەکەی پارتی لە شاری هەولێری هۆلاکۆ بەزێندا دەبێت گەورەتر بکرێت، سەرەڕای ئەوەی کە دەسەڵاتداران دەیانەوێت خەڵکی ناڕازی و ڕاپەڕیو پەلکێشی توندوتیژی بکەن، بەڵام خەڵک دەبێت هوشیار بێت و نەکەویتە ئەم کەمینەی (یەکێتی و پارتی).

هیدایەت مەلا عەلی

 

hidayat_malaali@hotmail.com

Entry filed under: هیدایه‌ت مه‌لا عه‌لی.

ســــه ردێــــری هـه واڵــی خـــوپێـــشانـــدران ئــــه مــــرۆی کوردستـان سیاسەتی شەڕخوازانەی یەکیتی نیشتمانی لەدژی خەلکی ناڕازی کوردستان مەحکوم بەشکستە!

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بابەتەکان لە بالاترین به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بي بي سي -العربية

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

ژمــــاره‌ی ســــه‌ردان

  • 725,141 hits

%d هاوشێوەی ئەم بلۆگەرانە: