چی تر ئەم ژیانە قەبوڵ ناکەین بەیاننامەی کۆمیتەی بەرپاکردنی یەکی ئایار لە کوردستان

2011/04/25 at 11:26 AM Leave a comment

هەموو سامانی کۆمەڵگا بەرهەمی دەست ڕەنجی ئێمە کرێکارانە، بەڵام بەشی ئێمە ژیانی کولەمەرگی‌و نائینسانیترین گوزەرانە. لەم دنیا پێچەوانەیەدا کە کرێکاران‌و بەرهەمهێنەران کۆیلەی دەستی سەرمایەن، گەشەی زانست‌و تەکنۆلۆژیا لە جێگای ئەوەی ببێتە مایەی خۆشبژێوی ئینسانەکان بەگشتی، بۆتە هۆکاری کەڵەکەکردنی سەروەت‌و سامان لای کەمایەتیەک‌و بەشی زۆربەش هەژاری، برسێتی، بێکاریی‌، نەخۆشی‌و بێ خانەولانەییە. بۆ ڕاگرتنی ئەو بارودۆخەش دەوڵەتەکان‌و دەسەڵاتە سیاسیەکان هەر یەک بە جۆرێک سەرکوتی ناڕەزاییەکانی جەماوەری کرێکاران‌و بێبەشان دەکەن.

ڕۆژی یەکی ئایار ڕۆژی ناڕەزایی سەرتاسەریە بەرانبەر ئەو نایەکسانی‌و سەرکوتە. ڕۆژی دەنگ هەڵبڕینی چینی کرێکارو پێ داگرتنەوەیە لەسەر خواستە ڕەواکان‌و ئامانجە ڕزگاریخوازەکانی چینی کرێکار. یەکی ئایاری ئەمساڵ لە بارودۆخێکدا دێتە پێش کە سەرمایەداری گیرۆدەی قەیرانێکی قووڵەو چینی سەرمایەدارو دەسەڵاتەکانیان بۆ دەربازبوون لەو قەیرانەی پەنایان بۆ پەلاماری هەمەلایەنە بۆ سەر ئاستی گوزەرانی چینی کرێکارو تەواوی کۆمەڵگا بردووە. لە بەرانبەر ئەوەشدا کرێکاران‌و سەرجەم بەشمەینەتانی کۆمەڵگا خەریکن هێزی مەزنی خۆیان بۆ بەرەنگاربوونەوەی سیاسەتی برسی کردن‌و بێ مافکردن دێننە مەیدان.

لە چەند مانگی ڕابردوودا ئەم نارەزاییە، گۆشەیەکی خۆی لەو شۆرشە جەماوەریانەدا نیشان دا کە لە زۆرێک لە وڵاتانی ڕۆژهەڵاتی ناوەڕاستدا دەرکەوتوون. لە کوردستانیش وەک بەشێک لە ناوچەی رۆژهەڵاتی ناوەڕاست جوڵانەوەیەکی شۆڕشگێڕانەی جەماوەریی بۆ بەدیهێنانی ئاڵوگۆڕی ڕیشەیی بە قازانجی جەماوەرو بۆ بەدەستهێنانی ئازادیەکی زیاترو ژیانێکی باشتر هاتۆتە مەیدان.

یەکی ئایار لەم بارودۆخەدا بۆنەیەکە بۆ نیشاندانی ڕیزی یەکگرتووی کرێکاران‌و پێ داگیری لەسەر خواستە ئابووری‌و سیاسیەکانی چینی کرێکارو هەموو جەماوەری بەشمەینەت. کرێکارانی کوردستان لە ڕیزی پێشەوەی خەبات بۆ ئایندەیەکی پرشنگدارو بێ ستەم‌و چەوسانەوە ڕاوەستاون. ئەگەر بە دەست کرێکاران بێت لە وڵاتێکدا کە ژێر زەوی‌و سەر زەویەکەی سەرتاپا سامانی سروشتیە، کە هەموو تواناو هەلێک بۆ فەراهەم کردنی ژیانێکی ئینسانی بۆ دانەبەدانەی ئینسانەکان هەیە، هیچ کەس بێبەش‌و نەدار نەدەبوو،  خەڵک لە سەدەی بیست‌و یەکدا خەونیان بە ئاوی پاک‌و کارەبای بەردەوامەوە نەدەدی، منداڵان لەبری خوێندن‌و یاریکردن، ناچار بە کارکردن نەدەبوون، پیرو پەککەوتەکان دوا ساتەکانی ژیانیان لە تەنهایی‌و بێ خزمەتیدا نەدەگوزراند، جیاوزی‌و قەڵەشتی گەورەی چینایەتی مرۆڤەکانی لە یەکتر نەدەکرد بە دوژمن. کۆمەڵگای کوردستان‌و سامانەکەی نەدەبووە نێچیری تاڵانکاری‌و گەندەڵی‌و سەرچاوەی دەوڵەمەند بوونی کەمایەتیەک لە کاربەدەست‌و سەرمایەدارو بازرگان. بەڵکو مرۆڤەکان لە سایەی ئازادی و یەکسانیدا دەژیان و سامانی کۆمەڵگا بۆ بەختەوەری‌و ئاسودەیی مرۆڤەکان بەکار دەبرا.

بۆ بەدیهێنانی ئەو ئامانجانە کرێکاران پێویستیان بە یەکگرتوو بوون و ڕیکخراوبوون هەیە. کرێکارانی کوردستان لە یەکی ئایاری ئەمساڵدا ئەم خواستانە دەکەن بە سەردێڕی داواکاریەکانیان‌و لە دەوری ئەو خواستانە ڕیزی خەباتکارانەیان یەکگرتوو و ڕێکخراو دەکەن:

١.دیاریکردنی لانی که‌می کرێ‌و مووچه‌ی مانگانه‌ی کرێکاران به‌ یەک ملیۆن دینار. بردنەسەری کرێی کرێکاران بە گشتی بەڕادەی ١٠٠%. سنووردارکردنی لانی زۆری موچەی کاربەدەستان بە ٦ ملیۆن دینار بۆ ڕیگاگرتن لە تاڵان‌و بڕۆو بەهەدەردانی سامانی وڵات.

٢.بە مەبەستی بەرگرتن بە گەندەڵی، وه‌لانانی سه‌رجه‌م ئه‌و به‌ڕێوبه‌رانه‌ی که‌ به‌هۆی مه‌حسوبیه‌ت‌و مه‌نسوبیه‌ته‌وه‌ دامه‌زراون، ئەوانەی خواست‌و مافه‌کانی کرێکاران‌و کارمەندانیان ژێر پێ ناوه‌. بەشداری کرێکاران لە دیاریکردنی بەڕێوبەرانی نوێ.

٣.هه‌ڵوه‌شاندنه‌وه‌ی هه‌موو ئه‌و سه‌ندیکایانه‌ی که ‌حزبه‌ ده‌سه‌ڵاتداره‌کان له‌سه‌رو کرێکاران‌و کارمه‌ندانه‌وه‌ دروستیان کردوون‌و دایانسەپاندون‌. بە ڕەسمی ناسینی ئازادی بێ قەیدو مەرجی ڕێکخراوبوون‌و مانگرتن.

٤.سنووردارکردنی ته‌عیناتی کاتی بە شەش مانگ‌و گۆرینی هه‌موو ته‌عینکراوه‌ کاتییه‌کان لەو ماوەیە زیاتر به‌ هه‌میشه‌یی، به‌جۆریک که‌ ته‌واوی ما‌فه‌کان‌و بیمه ‌کۆمه‌ڵایه‌تییه‌کان بیانگرێته‌وه‌. ٥.جێگیرکردنی یاسایەکی کاری پێشکەوتوو بۆ کرێکاران.

٦.نەهێشتنی جیاوازی نێوان کرێ‌و مووچەی کرێکارانی کەرتی تایبەت‌و گشتی.

٧.کار یان بیمەی بێکاری بۆ هەموو بێکارانی سەروو ١٨ ساڵ بە ژن‌و پیاوەوە.

٨.دەسەڵات پێویستە تەواوی ئەو خواستانەی جەماوەر کە لەلایەن ئەنجوومەنی کاتی سەرای ئازادیەوە ڕاگەیەندراون جێبەجێ بکات.

یەکی ئایار لە کوردستان ڕۆژی نا وتنە بەرانبەر بە ستەم‌و چەوسانەوە، ڕۆژی نا وتنە بە هەژاری‌و بێکاریی، بە تاڵانی‌و گەندەڵی‌و بە ژێرپێنانی ئازادی، ڕۆژی نا وتنە بە جیاوازی چینایەتی‌و بە سەرکوت‌و بێمافی. ڕۆژی بە یەک دەنگ ڕاگەیاندنی ئەوەیە کە ئێمە کرێکاران چی تر ئەم ژیانە قەبوڵ ناکەین.

کۆمیتەی بەرپاکردنی یەکی ئایار لە کوردستان

‏2011‏-04‏-23

وەستا مەهدی ٠٧٧٠٢٢٣٧٢٥٠ ، شەماڵ علی ٠٧٧٠٢٤٣٢٢٩٦

Entry filed under: یه کی ئایاری. Tags: .

ئه‌وانه‌ش هه‌ندێك له‌ نازناوی ئه‌فسه‌ر وكادیره‌ پله‌داره‌کانی ناو ئه‌و ده‌سته‌ڵاته‌ی که‌ جمال عبدالله‌ کاوێژی له‌سه‌ر ئه‌کات یه‌کێتی هێزێکی زۆری سه‌ربازی له‌ رانیه‌وه‌ ره‌وانه‌ی شاری قه‌ڵادزێ کردوه‌

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,893 hits

%d bloggers like this: