کرێکارانی کوردستان وەرنە مەیدان

2011/05/01 at 12:00 AM Leave a comment

یه‌کی ئایار ڕۆژی هاوپشتی جیهانی چینی کرێکار به‌ڕیوه‌یه‌. له‌م ڕۆژه‌دا کرێکاران له‌سه‌رتاسه‌ری دنیادا بۆ به‌رزکردنه‌وه‌ی خواسته‌کانیان و بۆ نیشاندانی ڕیزی یه‌کگرتووی چینایه‌تیان ده‌ڕژێنه‌شه‌قامه‌کان. چینی کرێکاری کوردستانێش شانبه‌شانی هاوچینه‌کانیان له‌سه‌رتاسه‌ری دنیا له‌مێژه‌ئه‌م ڕۆژه‌یان کردۆته‌ڕۆژی خۆنواندن‌و ڕاگه‌یاندنی خواست‌و ئامانجه‌کانیان.چینی کرێکار له‌کوردستان که‌له‌ساده‌ترین مافه‌کانیان بێبه‌ش کراون، ئه‌مڕۆ وێڕای هه‌موو بێبه‌شانی کۆمه‌ڵگا له‌هه‌ل‌ومه‌رجێکی سه‌ختدا گوزه‌ران ده‌که‌ن. که‌می یان نه‌بوونی ساده‌ترین پێداویستیه‌کان، کرێی که‌م، گرانی بازاڕ، پێشیلکردنی ئازادی ڕێکخراوبوون‌و مانگرتن‌و به‌رپاکردنی ناڕه‌زایه‌تی، نه‌بوونی یاسایه‌کی کاری پێشڕه‌و که‌لانی که‌می مافه‌کانی کرێکارانی تیا زه‌مانه‌ت کرابێت، پاوانکردنی ده‌سه‌ڵات‌و سامانی کۆمه‌ڵگا له‌ده‌ستی که‌مایه‌تیه‌کی که‌م له‌سه‌رمایه‌داران‌‌و به‌رپرسانی حزبه‌ده‌سه‌ڵاتداره‌کان هه‌ل‌ومه‌رجێکی ناله‌باری بۆ گوزه‌رانی کرێکاران‌و سه‌رجه‌م بێبه‌شانی کۆمه‌ڵگا پێکهێناوه‌‌.

ڕۆژی یه‌کی ئایار ڕۆژی به‌رزکردنه‌وه‌ی ئاڵای ئامانجه‌کانی چینی کرێکار له‌ئازادی‌و یه‌کسانی‌و خۆشگوزه‌رانییه‌، هەروەها ڕۆژی پێداگرتن له‌سه‌ر خواسته‌کان‌و وه‌ستانه‌وه‌له‌به‌رانبه‌ر ئه‌م هه‌ل‌ومه‌رجه‌ناله‌باره‌یه‌.

کرێکاران، کارمەندان، لاوان، ژنان، ئازادیخوازان، جه‌ماوه‌ری زه‌حمه‌تکیش‌و بێبه‌شی کوردستان!
یەکی ئایاری ئەم ساڵ لە بارودۆخێکدا بەڕێوە دەچێت کە جەماوەری کوردستان هاتوونەتە دەنگ‌و خوازیاری ئازادی‌و یەکسانی‌و خۆشگوزەرانین. با ڕۆژی یه‌کی ئایار بکه‌ینه‌بۆنەی هێنانه‌مه‌یدانی ڕیزی یه‌کگرتووی چینایه‌تیمان‌و دەرکەوتنی کاریگەر لە مەیدانی خەباتی جەماوەریدا، با‌به‌ڕیپیوانی جه‌ماوه‌ری‌و ڕێکخراوی خۆمان پێداگیریمان له‌سه‌ر خواسته‌کانمان نیشانی هه‌موو لایه‌ک بده‌ین.

با خواسته‌کانمان له‌دیاریکردنی لانی که‌می کرێ‌و وه‌لانانی سه‌رجه‌م به‌ڕێوبه‌رە گەندەڵەکان، هه‌ڵوه‌شاندنه‌وه‌ی سه‌ندیکا ‌حزبیه‌‌کان، بەڕەسمی ناسینی ئازادی بێ قەیدو مەرجی ڕێکخراوبوون‌و مانگرتن، جێگیرکردنی یاسایەکی کاری پێشکەوتوو بۆ کرێکاران‌ و دەستەبەرکردنی کار یان بیمەی بێکاری بۆ هەموو بێکارانی سەروو ١٨ ساڵ بە ژن‌و پیاوەوەو هه‌موو خواسته‌کانی جەماوەر کە لە لایەن ئەنجوومەنی سەرای ئازادیەوە ڕاگەیەندراون به‌گوێی ده‌سه‌ڵاتداراندا بدەینەوە.

 با ڕۆژی یه‌کی ئایاری ئه‌مساڵ ببێته‌ڕۆژی هاتنه‌مه‌یدانی چینی کریکار وه‌ک ڕیزێکی یه‌کپارچە کە زامنی گۆڕینی ڕیشەیی لە کوردستان‌ و به‌دیهێنانی ئاینده‌یه‌کی باشتره‌.

ڕۆژی یەکی ئایار سەعات ١١ی سەرلەبەیانی ڕێپیوانی کریکاران لە پارکی دایکەوە بەرەو سەرای ئازادی دەست پێ دەکات. بانگەوازی سەرجەم کرێکاران و کارمەندان و لاوان‌و ژنان‌و ئازادیخوازان دەکەین بەشداری لەم ڕێپێوانەدا بکەن.

بژی یه‌کی ئایار ڕۆژی هاوپشتی جیهانی چینی کرێکار
کۆمیتەی بەرپاکردنی یه‌کی ئایار له‌کوردستان، شاری سلێمانی
      ‏23‏.04‏.2011

Entry filed under: Uncategorized. Tags: .

سرودی ئه نتر ناسیونال به کوردی سرود یه کی ئه یار

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,040 hits

%d bloggers like this: