فاروق ره‌فیق رۆشته‌ زیندان‌…ناسك قادر:باده‌سه‌ڵاتی‌ سیاسیش ملكه‌چی‌ دادگابن و تاوانباران بده‌نه‌ دادگا، نه‌وه‌ك داڵده‌یان بده‌ن

2011/05/02 at 5:42 PM لێدوانێک بنووسە

به‌ندكردنی ئه‌و نوسه‌ره‌و روناكبیره‌ له‌کاتێکدایه‌ تا ئێستا ئه‌و که‌سانه‌ ده‌ستگیر نه‌کراون كه‌ ته‌قه‌یان له‌ هاوڵاتیان کردوه‌و پێشێلکارییان ئه‌نجامداوه‌

به‌هۆی داوایه‌کی یاساییه‌وه‌ و له‌سه‌ر بنه‌مای‌ پێشێلكردنی  یاسای خۆپیشاندان، د.فاروق ره‌فیق، نوسه‌ر و توێژه‌ری‌ فه‌لسه‌فه‌  ده‌ستگیر کراو له‌ ئێستادا له‌ زینداندایه‌و بڕیاره‌ بۆ ماوه‌ی‌ مانگێك له‌ به‌ندیخانه‌ی‌ مه‌عه‌سكه‌ر حوكمه‌ی‌ به‌سه‌ر ببات.به‌ندكردنی ئه‌و نوسه‌ره‌و روناكبیره‌ له‌کاتێکدایه‌ تا ئێستا ئه‌و که‌سانه‌ ده‌ستگیر نه‌کراون كه‌ ته‌قه‌یان له‌ هاوڵاتیان کردوه‌و پێشێلکارییان ئه‌نجامداوه‌.
له‌وباره‌یه‌وه‌ ناسك قادر، هاوسه‌ری د. فاروق ره‌فیق به‌ (سبه‌ی‌) راگه‌یاند: رۆژی‌ چوارشه‌ممه‌ی‌ رابوردو،‌ دادوه‌ر پارێزه‌كه‌ی‌ (فاروق)ی‌ ئاگادار كردبۆوه‌،‌ بۆ ئه‌وه‌ی‌ ئاماده‌بێت له‌به‌رده‌م دادگادا، بۆیه‌ ئه‌مڕۆ (دوشه‌ممه‌) چوه‌ دادگاو له‌وێشه‌وه‌ ره‌وانه‌ی‌ بنكه‌ی‌ پۆلیسی‌ سه‌رشه‌قام كراوه‌.
وتیشی‌: فاروق له‌سه‌ر یاسای‌ خۆپیشاندان ده‌ستگیرکراوه‌، ئه‌و یاسایه‌ی‌ كه‌ له‌ ژێر سایه‌یدا خه‌ڵك برینداركراوه‌ و كوژراوه‌، هاونیشتمانیانیش له‌سه‌ر خۆپیشاندان ده‌ستگیر ده‌كرێن، به‌ڵام تاوانباران له‌سه‌ر كوشتنی‌ هاوڵاتیان له‌لایه‌ن ده‌سه‌ڵاته‌وه‌ داڵده‌ ده‌درێن، كه‌چی‌ خه‌ڵكانێكی‌ ئازادیخوازی‌ ئه‌م نیشتیمانه‌ ده‌ستگیر ده‌كه‌ن.
ناوبراو ئه‌وه‌شی‌ خسته‌ڕو: ده‌ستگیركردنی‌ فاروق ره‌فیق لێكدانه‌وه‌كه‌ی‌ زۆر ئاشكرایه‌، ئه‌ویش ئه‌وه‌یه‌ كه‌ له‌م وڵاتانه‌ سته‌مكاری‌ هه‌یه‌، یاسا ته‌نها بۆ ئه‌و كه‌سانه‌ هه‌یه‌ كه‌ به‌حسابی‌ خۆیان لاوازن، له‌ كاتێكدا ئێمه‌ به‌كردار په‌یامێك به‌ده‌سه‌ڵات ده‌گه‌یه‌نین، كه‌ له‌هاونیشتمانیانه‌وه‌ مه‌ده‌نیه‌ت فێر بێت، راگرتنی‌ یاسا فێربێت، که‌ چۆن ئه‌م كه‌سه‌ هاتوه‌ ملكه‌چی‌ فه‌رمانی‌ دادوه‌ر بوه‌، با ئه‌وانه‌ش ملكه‌چی‌ فه‌رمانه‌كانی‌ دادگا بن، كه‌ تاوانیان ئه‌نجامداوه‌ و ئه‌وانه‌شی‌ كه‌ داڵده‌یان داون با ته‌سلیمی‌ دادگای بكه‌ن و یاسای‌ خۆپیشاندانیش ده‌ستبه‌جێ‌ هه‌ڵبوه‌شێته‌وه‌.
له‌ماوه‌ی چه‌ند مانگی‌ رابوردودا به‌هۆی‌ خۆپیشاندانه‌وه،‌ ژماره‌یه‌ک هاوڵاتی به‌ته‌قه‌ی چه‌کداره‌کانی ده‌سه‌ڵات‌ شه‌هیدكران و پێشێلکاری و توندوتیژیش به‌رامبه‌ر هاوڵاتیان کرا، به‌ڵام تا ئێستا هیچ كه‌سێک له‌سه‌ر كوشتن و بریندارکردنی هاوڵاتیان ده‌ستگیر نه‌كراوه‌.

Entry filed under: فاروق ره‌فیق.

کــــــــــەنــــــــــیز لــــــــــە قــــــــــورئــــــــــانــــــــــدا سوید ‌‌رۆژی یه‌کی ئایار کرێکاران بۆیان نه‌بوو خۆپیشاندان له هه‌رێمی کوردستان بکه ن

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بابەتەکان لە بالاترین به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بي بي سي -العربية

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

ژمــــاره‌ی ســــه‌ردان

  • 725,415 hits

%d هاوشێوەی ئەم بلۆگەرانە: