کەس لە خوێنی کەس خۆش نابێت

2011/05/02 at 10:53 PM لێدوانێک بنووسە

هیوا موحەمەد:لە یاسای سەربازیدا وایە کە فەرماندەر هەرچیەک بڵێت دەبێت ئەوانی بن دەستی ئەو جێ بەجێی بکەن ، لە کاتی جی بەجێ کردنی فەرمانی سەرەوەش جێبەجێکەر لە دوو حاڵەتدا خۆی دەبینێتەوە ، یەکەمیان ئەوەیە ئایا بە رۆتینی فەرمانەکە جێ بەچی دەکات و وەک ئەوەی لە کۆڵ خۆی بکاتەوە ؟ دوەمیان ئەوەیە کە خۆی تا چەندە لەگەڵ جێبەجی کردنی فەرمانەکەیە واتا هاو ڕایەو بە ویستی خۆی دەزانێ ؟ هێنانی ئەو هێزە سەربازییە بۆ سەرکوت کردنی خۆپیشاندەران لە پارێزگای سلێمانی هاوتایە لەگەڵ دوا بەیانی هەردوو مەکتەبی سیاسی ینک و پدک کە لەسەر داوای سەرۆکی هەرێم بڕیاریان دا دیالۆگی بێ مەرج لەگەڵ ئۆپۆزسیوندا بکەن و لە وەلامی ئەمانیش ئۆپۆزسیون سورە لەسەر ئەوەی بەو مەرجانەی کە پێشتر خستونیەتە روو درێژە بە دیالۆگ دەدات ، ئەوان بەردەوامن  لە پەیوەندی کردن لەگەڵ یەک واتا ئۆپۆزسیون و دەستەلات ، بەلام لەبەر ئەوەی دەستەلات  پێی سەر شۆڕکردنە ئەگەر بێت و بە داواکانی ئۆپۆزسیون رازی بێت ئەوا لەم لاوە دەیانەوێت پشتی ئۆپۆزسیون بە تایبەت گۆڕان بشکێنن بەوەی ئەو وەرەقەیەی سەر شەقامیان لێ بستێننەوە و بە گووتەی خۆیان گۆڕانە لە پشت خۆپیشاندان و بە پشتی ئەو خۆپیشان دانانەشە پێ دادەگرن . پێ دەچێت کۆکردنەوەی ئەو هێزانە و پەلاماردانی خەڵک دوا ئومێد و دوا وەسیلەی دەستەلات بێت بۆ راگرتنی تەرازووی گفت و گۆکانی لەگەڵ ئۆپۆزسیون و بریاری ئەوە بێت ئەگەر بتوانێ سەرکوتیان بکات و دابمرکێتەوە ئەوا بەرەندە دەبێت و پشت دەکاتە مەرجەکانی ئۆپۆزسیون و ئەگەرنا ئەوا ئەو کات رازی دەبێت ، لێرەدا پرسیار ئەوەیە ، ئایا سەرکردایەتی سیاسی هەرێم لە بیری ئەوەدا بێت هەرچی رۆژێک زووتر داخوازییەکانی خەڵک جێ بەجێ بکات باشترە یان لە بیری کوشتنی کات و خەڵک دا بێت ؟ باشتر نیە وابیر بکاتەوە کە توندو تیژی ، توندو تیژی بەرامبەر دەخولقێنێت ؟ و بەمەش کێشەکە کۆڵەوارتر دەبێت و رێگە چارەی قورس تر دەبێت  ، چونکە ئەوەی جاودێرانی سیاسی لێی دڵنیان ئەوەیە کە ئەگەر دەستەلات بتوانێ بۆ کاتییش ئەم خۆپیشاندانانە دابمرکێنێتەوە ماوەیەکی تر دیسان حەڤدەی مانگێکی تر دروست دەبێتەوە ، دەستەلات ناتوانێ خەڵک بنێرێتە مالەوە بێ جێ بەجێ کردنی داخوازییەکانیان خۆ ئەگەر لە رێگەی زەبریشەوە ئەوەی کرد لە کاتێکدا کە خۆی باش دەزانێت ئەو داخوازییانە هەقن و رەواو راستن ئەوە لە هەموو پرنسیپە دیموکراتیەکان لادەدات و نزیکمان دەکاتەوە لەو راستییەی کە دەمانەوێت لە خانەی دیکتاتۆرەکان دا بیان ناسین .

پێویستە دەستەلات ئەوە بزانێ کە ئەو چەکدارانە هەموویان ئەو تەقەکەرانە نین کە ئەو بە نیازی سەرکوت کردنی خەڵک پشتی پێ بەستوون و ئەمانە جیاوازن لەگەڵ چەکدارەکانی ئەمنە سوورەکە ئەویش بەوەی یەکەم ئەمانە کوردن و دوەم هەموویان خەڵکی شارەکانی کوردستانن و هەر کەسوکاری خۆشیانە لە ناو ریزەکانی ئۆپۆزسیون و خۆپیشاندەراندان ، دەبێت سەرانی یەکێتی و پارتی دەرک بەوە بکەن کە تا ئێستاش لەسەر ئاستی کادیرەبەرزەکانی خۆیان هەستی تۆڵە سەندنەوە لەیەکتر ماوە بۆ خوێنی براو کەس و کاری یەکتر کە لە شەڕەکانی براکوژیدا دروست بوون . جا دەبێت ئەوان کار لەسەر لە بیر بردنەوەی بکەن نەک تۆمار کردنەوەی چەند خوێنێک و تۆڵەسەندنەوەیەکی تر  . ئەو خۆپیشاندەرانە خەڵکن  ( گروپێکی تروریستی نین ) خەڵکیش بە پێی هەموو فەرهەنگە سیاسیەکان هەمیشە لەسەر هەق بوە بەرامبەر دەستەلات ، بۆیە دەبێت سەرانی ئەو دوو حزبە بە هەڵگرتی لێپرسراوێتی مێژوەوە برواننە بارو دۆخەکەو دڵنیا بن لەوەی خەڵک لەمەرام و پلانەکانیان تێ دەگات کە هەمووی بۆ بەکوشت دانی هێزی چەکدارو دروست کردنی ئاژاوە وەو خوێن نانەوەیە لە نێوان تاکەکانی و تیرەکانیدا . ئەمرۆ سەردەمی پێشکەوتنی تەکنولۆژیایەو وێنەکان شاهید دەبن بۆ بەردەم دادگا و پیشانمان دەدەن کە کێن ئەوانەی تەقە دەکەن و خەڵک دەکوژن کەسیش لە خوێنی خۆی خۆش نابێت .

میدیا کانی دەستەلات لە هەوالەکانیاندا خۆپیشاندەرانی یەمەن و بەحرینمان پیشان دەدەن و باس لە درندەیی رژێمەکانیان دەکەن کەچی لێرە خۆیان بە هەق و خۆپیشاندەران بە تێکدەر لەقەڵەم دەدن و بەمەش خۆڵ لە چاوی خۆیان دەکەن و وادەکەن وەک حاڵەتی دەروونی کێشەکە لە بیر خۆیان ببەنەوە نازانن ئەمە نەخۆشی دەروونی نیە بەڵکو شیرپەنجەی سییەکانی دەستەلاتە و هەرچەند لە بیر خۆیانی بەرنەوە بەلام هەر دەتەنێتەوە تا ئەو ساتەی چارەسەری زەحمەت دەبێت یاخود هەر نابێت .

Entry filed under: هیوا موحه‌مه‌د.

بارودۆخی‌ ئه‌مڕۆی‌ به‌رده‌م سه‌رای‌ ئازادی‌ له‌ شاری‌ سلێمانی‌ به‌وێنه‌ ببینه‌ ده‌سه‌ڵات به‌و مه‌رجه‌ هێز.ه‌كانی‌ ده‌كشێنێته‌وه‌ كه‌ خۆپێشاندان له‌سه‌رای‌ ئازادیدا نه‌كرێته‌وه‌

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بابەتەکان لە بالاترین به فارسی

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

RSS بي بي سي -العربية

  • هه‌ڵه‌یه‌ک ڕوویدا؛ له‌وانه‌یه‌ ئه‌م feed کار نه‌کات. دواتر هه‌وڵبده‌وه‌.

ژمــــاره‌ی ســــه‌ردان

  • 741,904 hits

%d هاوشێوەی ئەم بلۆگەرانە: