چاودێران:ده‌سه‌ڵات ناتوانێت وه‌ك پێش 17ی شوبات هه‌ڵسوكه‌وت بكات

2011/05/18 at 5:09 PM Leave a comment

له‌گه‌ڵ سه‌رهه‌ڵدانی ناڕه‌زاییه‌كانی شاری سلێمانی و ناوچه‌كانی دیكه‌ی هه‌رێمی كوردستان، كه‌ ماوه‌ی 62 رۆژ به‌رده‌وام بوو رووی راسته‌قینه‌ی حكومه‌ته‌ حزبیه‌كه‌ی یه‌كێتی و پارتی ده‌ركه‌وت، هاوشێوه‌ی ده‌سه‌ڵاته‌ دیكتاتۆریه‌كانی وڵاتانی عه‌ره‌بی و ناوچه‌كه‌ رووبه‌ڕووی خۆپیشاندانه‌كان بوویه‌وه‌ و چه‌ندین سیناریۆش بۆ كپكردنی ده‌نگی ناڕه‌زایی هاوڵاتیان به‌كارهێنرا.لێپرسراوه‌ باڵاكانی یه‌كێتی و پارتی هه‌رده‌م دووپاتی ده‌كه‌نه‌وه‌، كه‌ ئه‌وان به‌ هه‌ڵبژاردن حكومه‌تیان پێكهێناوه‌ و بۆ جوانكردن و پیشاندانی رویه‌كی ناڕاستی رووداوه‌كانی ناوخۆی هه‌رێمی كوردستان، چه‌ندین جار رایانگه‌یاندوه‌، كه‌ پێچه‌وانه‌ی ئه‌و وڵاته‌ دیكتاتۆریانه‌ی له‌ هه‌ڵبژاردنه‌كاندا له‌ %99.9 ی ده‌نگه‌كان به‌ ده‌ست ده‌هێنن، به‌ڵام یه‌كێتی و پارتی له‌ هه‌رێمی كوردستاندا، ته‌نها له‌ %59ی ده‌نگه‌كانیان به‌ ده‌ست هێناوه‌، ئه‌وه‌ش بۆ سه‌لماندنی دیموكراتی بوونی ده‌سه‌ڵات به‌یان ده‌كه‌ن.
چاودێرانیش جه‌خت ده‌كه‌نه‌وه‌ حكومه‌ته‌ حزبیه‌كه‌ی یه‌كێتی و پارتی راسته‌ تۆزقاڵێك زیاتر له‌ نیوه‌ی ده‌نگه‌كانیان به‌ ده‌ست هێناوه‌، له‌گه‌ڵ ئه‌و هه‌موو تێبینیانه‌ی له‌سه‌ر چۆنێتی به‌ڕێوه‌ چوونی هه‌ڵبژاردنه‌كان هه‌یه‌، له‌ نانبڕینی خه‌ڵكی و ساخته‌كاریی و به‌كارهێنانی داهاتی گشتی له‌ پڕوپاگه‌نده‌ی هه‌ڵبژاردنه‌كه‌دا، به‌ڵام هاوشێوه‌ی ئه‌و ده‌سه‌ڵاته‌ دیكتاتۆریانه‌ هه‌ڵسوكه‌وتیان كردووه‌، كه‌ له‌ هه‌ڵبژاردنه‌كاندا له‌ %99.9ی ده‌نگه‌كانیان به‌ ده‌ست هێناوه‌ و هاوشێوه‌ی ئه‌وان هێزیان بۆ سه‌ركوتكردنی ناره‌زاییه‌كان به‌كارهێنا، هاوشێوه‌ی ئه‌وان ده‌ستیان به‌ سه‌ر بودجه‌دا گرتوه‌ و ده‌یانه‌وێت دوای ئه‌وه‌ی كه‌ ماوه‌ی 6 مانگه‌ دواكه‌وتووه‌، له‌ چه‌ند رۆژێكی كه‌مدا تێیپه‌ڕێنن و جارێكی دیكه‌ هاوڵاتیان نه‌ك هه‌ر سوود له‌و بودجه‌یه‌ نه‌بینن، به‌ڵكو ببێته‌ جێگای زیان و ده‌وڵه‌مه‌نده‌كان ده‌وڵه‌مه‌ندتر بكات، له‌ به‌رامبه‌ردا هه‌ژاره‌كان هه‌ژارتر بكات.
حكومه‌ته‌ حزبیه‌كه‌ی یه‌كێتی و پارتی كه‌ به‌ زه‌بری هێز سه‌رجه‌م سه‌را ئازاده‌كانیان به‌ هاوڵاتیان چۆڵكردوو، هێزێكی چه‌كداری زۆریان له‌شار و ناوچه‌ جیاجیاكان بڵاوكرده‌وه‌و خۆیان وه‌ك براوه‌ی شه‌ڕ پیشانده‌ده‌ن، له‌ به‌رامبه‌ریشدا هاوڵاتیان و لایه‌نه‌كانی ئۆپۆزسیۆن، كه‌ توانیان بۆ ماوه‌ی 62 رۆژ به‌رده‌وامی به‌ خۆپیشاندانه‌كان بده‌ن و داواكاریه‌كانیان بۆ گۆڕانكاری ریشه‌یی له‌ سیستمی حكومڕانی چڕبكه‌نه‌وه‌.
چاودێرانیش پێیان وایه‌ مه‌حاڵه‌ جارێكی تڕ ده‌سه‌ڵات بتوانێت هاوشێوه‌ی پێش 17ی شوبات حكومڕانی بكات و درێژه‌ به‌ قۆرغكردنی سه‌رجه‌م كایه‌كانی ژیان له‌ هه‌رێمی كوردستاندا بدات.

له ک ن ن وه رگێراوه

Entry filed under: مــێدیــاکــان. Tags: .

هونه‌ری/ئه‌ساڵه‌ نه‌سری:له‌گه‌ڵ شۆرِشێگرِانی سوریام دوو برا له چه ن چڕکه دا له ‌سێداره‌دران

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,040 hits

%d bloggers like this: