ڕێکه‌وتننامه‌ی نێوان فه‌تح وحه‌ماس،گرنگترین ڕووداوی ناوچه‌که‌

2011/05/20 at 5:30 PM Leave a comment

گفتوگۆ له‌گه‌ڵ فاتحی شێخ، سه‌رۆکی مه‌کته‌بی سیاسی حزبی حیکمه‌تیست
ڕۆژی 4ی ئه‌م مانگه‌ ڕێکه‌وتن نامه‌یه‌ک له‌نێوان ڕابه‌رانی هه‌ردوو ڕێکخراوی فه‌له‌ستینی، فه‌تح وحه‌ماسی ئیسلامی، له‌شاری قاهیره‌ی میسر، له‌مه‌راسیمێکدا، به‌ناوی “ڕێکه‌وتننامه‌ی نیشتمانی” ئیمزاکرا. له‌مه‌راسیمه‌که‌شدا هه‌ردوو وه‌زیری ده‌ره‌وه‌ وموخابه‌راتی میسری ونوێنه‌رانێک له‌ڕێکخراوه‌ فه‌له‌ستینیه‌کان وسه‌رۆکی جامیعه‌ی عه‌ره‌بی ونوێنه‌ری بانکی مۆن، سکرتێری نه‌ته‌وه‌ یه‌کگرتووه‌کان وهه‌ندێک له‌سه‌فیری وڵاتانی عه‌ره‌بی ووه‌زیری ده‌ره‌وه‌ی تورکیا وچه‌ند که‌سایه‌تیه‌کی فه‌له‌ستینی له‌ناوخۆ وله‌ئسرائیل، ئاماده‌ی بوون. به‌مه‌به‌ستی تیشک هاویشتن له‌سه‌ر ئه‌م ڕێکه‌وتننامه‌یه‌ ولایه‌نه‌کانی، بڵاوکراوه‌ی کۆمۆنیست، ئۆرگانی حزبی کۆمۆنیستی کرێکاری ئێران- حیکمه‌تیست، ئه‌م گفتوگۆیه‌ی له‌گه‌ڵ فاتیحی شێخ سازداوه‌. ئێمه‌ش له‌به‌ر گرنگی به‌به‌ته‌که‌ وئاشناکردنی خوێنه‌ران به‌م مه‌سه‌له‌یه‌، به‌پێویستمان زانی له‌فارسییه‌وه‌ وه‌ریبگێڕین وله‌م ژماره‌یه‌دا بڵاوی بکه‌ینه‌وه‌.
سه‌رنوسه‌ری بڵاوکراوه‌ی ئۆکتۆبه‌ر
بلاوکراوه‌ی کۆمۆنیست: به‌دوای ساڵنێکی زۆر له‌دژایه‌تی وشه‌ڕی نێوان فه‌تح وحه‌ماس، سه‌ره‌نجام به‌نێوبژیوانی ده‌وڵه‌تی میسر، هه‌ردولا ڕێکه‌وتننامه‌ی ئاشتی نیشتمانیان واژۆکرد. به‌ڕای ئێوه‌ هۆکاره‌کانی کۆتایی هێنان به‌م دژایه‌تیه‌ وگه‌یشتنی ئه‌م دوو ڕێکخراوه‌ به‌م ڕێکه‌وتننامه‌یه‌، چییه‌؟
فاتحی شێخ: ئه‌م ڕێکه‌وتنه‌ گرنگترین ڕووداوه‌کانی ئه‌م ڕۆژانه‌ی ناوچه‌که‌و بگره‌ جیهانه‌. 4ی مانگ له‌مه‌راسیمێکدا، به‌ئاماده‌بوونی چندین لایه‌نی نێوده‌وڵه‌تی، ڕبه‌رانی فه‌تح وحه‌ماس ڕێکه‌وتننامه‌ی نیشتمانیان ئیمزاکرد، شوێن وپێکهاتی که‌سایه‌تییه‌کان له‌مه‌راسیمه‌که‌دا، خۆی نیشانه‌ی گرنگی ناوچه‌یی و جیهانی ڕێکه‌وتنه‌که‌ ته‌ئکید لێده‌کات. ڕوخساری جیهانی وناوچه‌یی ڕێکه‌وتنه‌که‌، سه‌ره‌ڕای مه‌شغوڵ بوونی میدیای جیهانی به‌هه‌والی کوژرانی بنلادنه‌وه‌، نه‌یتوانی خودی ڕێکه‌وتننامه‌که‌ وه‌ک ڕووداوێکی گه‌وره بشارێته‌وه‌‌، ڕووداوێک که‌به‌دوای خۆیدا خۆپیشاندانێکی جه‌ماوه‌ری پڕله‌شادی و ئۆمێدیکی هه‌مهگیری له‌ناوچه‌کانی ژێر ده‌سه‌لاتی فه‌تح وله‌غه‌زه‌دا هێنایه‌کایه‌وه‌ وجاریکی تریش خواستی پێکهێنانی ده‌وڵه‌تی سه‌ربه‌خۆی فه‌له‌ستین وڕزگاربوون له‌داگیرکاری وپه‌لاماره‌کانی ده‌وڵه‌تی ئیسرائیل، به‌رجه‌سته ‌کرده‌وه‌.
ئه‌م ڕێکه‌وتنه‌ کۆتایی به‌دابه‌شبوونی 4ساڵه‌ی ده‌سه‌ڵاتی فه‌له‌ستیینه‌یه‌کان له‌نیوان ناوچه‌کانی ژێرده‌ستی فه‌تح وحه‌ماسدا دێنێ. خاڵی سه‌ره‌کی ڕێکه‌وتنه‌که‌ش بریتییه‌له‌ پێکهێنانی کابیینه‌یه‌کی حکومه‌تی له‌چه‌ند که‌سایه‌تیه‌کی سه‌ربه‌خۆ، بۆ به‌ده‌سه‌ته‌وه ‌گرتنی کاروباری ووڵات و به‌رپاکردنی هه‌ڵبژاردنێک، که‌تێیدا سه‌رۆک وپه‌رلمان وئه‌نجومه‌نی ڕابه‌ری ڕێکخراوی ئازادی به‌خشی فه‌له‌ستین له‌ماوه‌ی یه‌ک ساڵدا هه‌ڵببژێرێته‌وه‌. ووته‌کانی مه‌حمود عه‌باس وخالید مه‌شعه‌ل ده‌ریانخست که‌هه‌ر له‌ماوه‌ی ئه‌م یه‌کساڵه‌دا، پڕۆسه‌ی دانوسانه‌کان بۆپێکهێنانی ده‌وڵه‌تی سه‌ربه‌خۆ له‌دوو که‌ناڵه‌وه‌ ده‌چێته ‌پێشه‌وه‌، ئه‌وانیش که‌ناڵی نه‌ته‌وه‌ یه‌کگرتووه‌کان وده‌وڵه‌تی ئیسرائیله‌. هه‌ڵبژاردنه‌کانیش له‌م ڕێکه‌وتنه‌دا پڕۆسه‌یه‌کی لاوه‌کیه‌ وکارکرده‌کانی هاوئاهه‌نگه‌ له‌گه‌ڵ سیسته‌می سیاسی وئیداری ده‌سه‌لاتدارێتی ئێستا، له‌لایه‌ک وپرۆسه‌ی گوێزانه‌وه‌ به‌ره‌و ثێکهێنانی ده‌وڵه‌تی سه‌ربه‌خۆی فه‌له‌ستیین، له‌لایه‌کی تره‌وه‌، که‌ئاسۆیه‌کی نزیکی بۆکراوه‌ته‌وه‌. پێشینه‌ی ئه‌م ڕێکه‌وتنه‌ وقۆناغه‌کانی کۆتایی، بۆسه‌رده‌می حوسنی موباره‌ک ده‌گه‌ڕیته‌وه‌، که‌هه‌رجاره‌ به‌به‌هانه‌یه‌کی حه‌ماس په‌کی ده‌که‌وت، تادواجار به‌هۆی سه‌رهه‌ڵدانی شۆڕشی میسره‌وه‌، به‌یه‌کجاری ئیمزای ڕیکه‌وتننامه‌که دوا که‌وت. به‌ڵام به‌ڕوخانی حوسنی موباره‌ک وپێکهاتنی کابینه‌ی حکومه‌ته‌که‌ی عیسام شه‌ره‌ف جارێکیتر که‌وته‌وه‌ جوڵه‌. هۆکاره‌کانی به‌سه‌ره‌نجام گه‌یشتنی ئه‌م ڕێکه‌وتنه،‌ ئه‌توانرێ له‌جه‌رگه‌ی ئاڵوگۆڕه‌کانی ناوچه‌که‌، به‌تایبه‌تی له‌دوتوێی سه‌رکه‌وتنه‌کانی شۆڕشی میسرو سه‌رهه‌ڵدانی هێز هاوسه‌نگی نوێی ناوچه‌که‌دا لێکبدرێته‌وه‌. هێز هاوسه‌نگییه‌ک که‌چاره‌سه‌رکردنی کێشه‌ی فه‌له‌ستینی، له‌ده‌ره‌وه‌ی ئیراده‌ی ئه‌مریکاو ئیسرائیل، به‌کرده‌وه‌ نزیک کردۆته‌وه‌. له‌هه‌لومه‌رجێکی ئاوادا که‌نه‌وه‌ی لاوان وجه‌ماوه‌ر ڕژاونه‌ته‌ سه‌ر ‌شه‌قامه‌کان وفشار بۆهه‌ردوولای ده‌سه‌ڵاتی دووپارچه‌ی فه‌له‌ستین دێنن وداوای کۆتایی هێنان به‌دابه‌شبوونی 4ساڵه ‌ده‌که‌ن، بێگومان فاکتۆرێکی ناوخۆی کاریگه‌ری هێناوه‌ته‌ ‌ئاراوه‌. 15ی ئازاری ئه‌مساڵ لاوانی فه‌له‌ستینی وجه‌ماوه‌رێکی زۆری خه‌ڵک، له‌هه‌ردوو ناوچه‌ی که‌ناره‌کانی ڕۆژئاوای ژێر ده‌سه‌لاتی فه‌تح وغه‌ززه خۆپیشاندانیان سازدا که‌هاوکاتبوو له‌گه‌ڵ خۆپیشاندانه‌کانی ‌مه‌یدانی ئازادی قاهیره‌ که‌خواستی ڕووخانی ڕژێمیان هه‌ڵبڕیبوو. ‌فه‌تح ئه‌م خۆپیشاندانه‌ی هاندا وپشتیوانی لێکرد وحه‌ماسیش به‌هه‌ر تانه‌و ته‌شه‌رێکه‌وه خواستی خۆپیشاندانه‌که‌ی قه‌بوڵکرد. له‌لایه‌کی تریشه‌وه‌ سیاسه‌تی حکومه‌تی تازه‌ی میسر به‌رامبه‌ر به‌حه‌ماس وکردنه‌وه‌ی ده‌روازه‌ی ڕه‌فح، بۆشکاندنی ئه‌و گه‌مارۆ ئابوورییه‌ی ئیسرائیل، که‌له‌سه‌ر خه‌ڵکی غه‌ززه‌، داینابوو، هاوکات چوونه‌ پێشه‌وه‌ی خیرای پڕۆسه‌ی به‌ڕه‌سمییه‌ت ناسینی ده‌وڵه‌تی سه‌ربه‌خۆی فه‌له‌ستین له‌لایه‌ن ده‌وڵه‌تانی دونیاوه‌، که‌جڵه‌وه‌که‌ی زۆرتر له‌ده‌ستی فه‌تحدایه‌، حه‌ماسی وادارکرد به‌ڕازیبوون به‌نێو بژیوانی میسرییه‌کان وئیمزاکردنی ڕێکه‌وتننامه‌که‌.
له‌م هه‌لومه‌رجه‌ له‌باره‌دا هه‌رسێلا پێویستاین به‌م ڕێکه‌وتنه‌یه‌. حکومه‌تی تازه‌ی میسر وه‌ک حکومه‌تی بۆرژوازی سه‌رده‌مانی شۆڕش، ته‌واوی هه‌وڵ وغه‌می خۆی له‌ناوخۆ وده‌ره‌وه‌دا بۆئه‌وه‌یه‌که‌”مه‌شروعییه‌تی شۆڕشگێڕانه‌”به‌ده‌ست بهێنێ، تا جڵه‌وی خه‌باتی ڕێکخراوی کرێکاران وپێشڕه‌وییه‌کانی، وه‌ک هێزیکی سه‌ره‌کی بۆ درێژه‌دان به‌شۆڕش، بگرێ وسیاسه‌تی ناوچه‌یی خۆی به‌بوژانه‌وه‌ی ناسیونالیزمی عه‌ره‌بی، که‌وه‌ک نه‌ریتێکی بۆر‌ژوازی میسرو جه‌مال عه‌بدولناسر ئاڵاهه‌ڵگری بوون، چالاکبکاته‌وه‌. پشتیوانی له‌ده‌وڵه‌تی سه‌ربه‌خۆی فه‌له‌ستین وخۆنواندن وه‌ک گاردێکی یه‌کخستنی هێزه‌ دابه‌شبوه‌کانی “نه‌ته‌وه‌ی فه‌له‌ستین”، هه‌موویان ئاڕاسته‌ن بۆئه‌و ئامانجه، تا ئه‌م سه‌رده‌مه‌ شۆڕشگێڕییه‌ به‌نیوه‌ کلاجکردنێک تێپه‌ڕێ‌. حه‌ماسیش که‌له‌ژێر فشاری ڕۆژانه‌ی ناڕه‌زایه‌تی خه‌ڵکێکدایه‌ وناتوانی وه‌ڵام به‌نه‌دارئ ئابوورییان بداته‌وه‌، پێویستی به‌وه‌یه‌ که‌مل به‌سازان له‌گه‌ڵ فه‌تح بدات. به‌تایبه‌تیش که‌که‌شوهه‌وا به‌قازانجی فه‌تح ده‌سوڕێ. ڕێکخراوی فه‌تحیش به‌مه‌به‌ستی بردنه‌ پێشه‌وه‌ی پڕۆسه‌ی به‌ڕه‌سمییه‌ت ناسینی ده‌وڵه‌تی سه‌ربه‌خۆی فه‌له‌ستین له‌کۆبوونه‌وه‌ی گشتی ڕێکخراوی نه‌ته‌وه‌ یه‌کگرتووه‌کاندا، له‌مانگی سێبته‌مبه‌ری داهاتوودا، پێویستی به‌وه‌یه‌ که‌وه‌ک نوێنه‌ری ناوچه‌ی غه‌ززه‌ش ده‌رکه‌وێ، ئه‌مه‌شیان به‌بێ ڕیکه‌وتن له‌گه‌ڵ حه‌ماس مومکین نییه‌. مه‌حمود عه‌باس پێویستی به‌م ڕێکه‌وتنه‌ هه‌یه‌، تا ئیسرائیل وئه‌وانه‌ی تر نه‌توانن بڵێن که‌نوێنه‌ری گشت ده‌سه‌ڵاتدارێتی فه‌له‌ستینه‌کان نییه‌ وغه‌ززه‌و ده‌سه‌ڵاته‌که‌ی حه‌ماسی له‌پشت نییه‌. له‌یه‌ک ووته‌دا ئه‌م ڕێکه‌وتن نامه‌یه‌ به‌رهه‌می سه‌رهه‌ڵدانی هاوکێشه‌ی‌ نوێ وهیزی تازیه، به‌رهه‌می فشاره‌کانی نه‌وه‌ی نوێی فه‌له‌ستین و پێداویستییه‌کانی هه‌ر سێ لایه‌نی ده‌رگیری کێشه‌که‌یه‌. که‌له‌کورتماوه‌دا پێکه‌وه‌ گرێده‌خۆن وئه‌کرێ به‌کارامه‌ییه‌کانی ئه‌م ڕێکه‌وتنه‌ گه‌شبیین بن.
بڵاوکراوه‌ی کۆمۆنیست: به‌بڕوای ئێوه‌ گۆڕانکارییه‌کانی ئه‌م دواییانه ‌له‌وڵاتانی عه‌ره‌بی به‌تایبه‌تی میسر، تاچڕاده‌یه‌ک وله‌چگۆشه‌یه‌که‌وه‌ کاریگه‌ری له‌سه‌ر گه‌یشتنی ئه‌م دوو هێزه‌ی فه‌له‌ستینی به‌ڕێککه‌وتن گه‌یاندووه‌؟
فاتیحی شێخ: به‌ئه‌کیدی گۆڕانکارییه‌کانی ئه‌م دوایانه‌ وبه‌تایبه‌تی شۆڕشی میسر کاریگه‌ری هه‌یه‌ له‌سه‌ر به‌ئه‌نجام گه‌یشتنی ئه‌م ڕێکه‌وتنه‌دا، له‌م باره‌وه‌ ئه‌کری له‌چه‌ند گۆشه‌وه‌ سه‌رنجی ئه‌م ڕووداوه‌ بده‌م: یه‌کێک له‌گۆشه‌کان ڕۆڵی نه‌وه‌ی لاوه‌. دوای جه‌نگی شه‌ش ڕۆژه‌ی ساڵی 67 بزوتنه‌وه‌ی ڕزگاری خوازی فه‌له‌ستین به‌رگری کردنێکی تاڕاده‌یه‌ک فراوانی چه‌کدارانه‌ی سازدا، جه‌نگی ئۆکتۆ‌به‌ری ساڵی 73 شکستێکی سه‌ختی به‌سه‌ر ئیسرائیلدا داسه‌پاند، به‌ڵام به‌چه‌ند هۆی جیاواز چاره‌سه‌ری کێشه‌ی فه‌له‌ستین به‌ره‌و پێشه‌وه‌ نه‌ڕۆیشت. “ئینتفازه‌” ‌نه‌وه‌ی لاوی فه‌له‌ستین ‌ساڵی 87، که‌دوای ساڵی67 وله‌هه‌لومه‌رجی داگیرکاری ئیسرائیلدا گه‌وره‌بوبوو، مۆمێنتۆمێکی تازه‌ی به‌چاره‌سه‌رکردنی کێشه‌ی فه‌له‌ستین به‌خشی، که‌‌په‌یماننامه‌ی ئۆسلۆ وده‌سه‌ڵاتدارێتی ده‌وڵه‌تی فه‌له‌ستین، به‌ڕابه‌ری یاسر عه‌ره‌فاتی لێکه‌وته‌وه‌، ئه‌م پڕۆسه‌یه‌ دواتر که‌وته‌ به‌رده‌م تیربارانی باڵی ڕاستی ده‌وڵه‌تی ئیسرائیل ولایه‌نگرانیه‌وه‌ وسه‌ره‌نجام په‌کی که‌وت. ئه‌مڕۆ دووباره‌ نه‌وه‌یه‌کی نوێ هاتۆته‌وه‌ مه‌یدان، که نه‌ملده‌دات به‌داگیرکاری ئیسرائیل و نه‌به‌ده‌سه‌ڵاتی گه‌نده‌ڵ وسه‌رکوتگه‌ری فه‌تح وحه‌ماس، نه‌وه‌یه‌ک که‌به‌دوای په‌یماننامه‌ی ئۆسلۆ له‌دایک بووه‌ وگه‌وره‌بووه‌ وکه‌وتۆته‌ ژێر کاریگه‌ریی ئاڵوگۆڕه‌ شۆڕشگێڕییه‌کانی تونس ومیسره‌وه‌ ئومێدو بآوه‌ڕ به‌خۆی وخاوه‌نی هه‌ستیکی شۆڕشگێڕانه‌یه‌ وبه‌هه‌ناسه‌یه‌کی تا‌زاوه،‌ فشارێکی تازه‌ی له‌سه‌ر فه‌تح وحه‌ماس داناوه‌، که‌ناتوانن به‌ری پێبگرن. گۆشه‌یه‌کی تر نزیکبوونه‌وه‌ی به‌دیهاتنی ده‌وڵه‌تی فه‌له‌ستیینه‌ له‌که‌ناڵی کۆبوونه‌وه‌کانی ڕێکخراوی نه‌ته‌وه‌ یه‌کگرتووه‌کانه‌وه‌، که‌تائێستا له‌192 ده‌وڵه‌تی ئه‌ندام له‌نه‌ته‌وه‌ یه‌کگرتووه‌کاندا 180 یان ڕای موافقیان هه‌یه‌ و6 ده‌وڵه‌تیش مومته‌نعن وته‌نها 6 ده‌وڵه‌ت موخالفن. ده‌وڵه‌تی فه‌ڕه‌نسا ڕۆژی سێشه‌ممه‌ به‌شێوه‌یه‌کی زمنی ئاشکرای کرد که‌به‌نیازه‌ ده‌وڵه‌تی سه‌ربه‌خۆی فه‌له‌ستین به‌ره‌سمی بناسێنێ. ئه‌مه‌ ئاڵوگۆڕێکی گرنگه‌. هه‌فته‌یه‌ک له‌مه‌وبه‌ر مه‌حمود عه‌باس له‌دیدارێکدا له‌گه‌ڵ سارکۆزی ئه‌مه‌ی لێداوا کردبوو. له‌ولاشه‌وه‌ ناتانیاهۆ به‌نیازه‌ سه‌فه‌ری فه‌ڕه‌نساو به‌ریتانیاو چه‌ند ووڵاتی تر بکات تا خۆیان له‌به‌ڕه‌سمیه‌ت ناسینی ده‌وڵه‌تی فه‌له‌ستین ببوێرن، له‌کاتێکدا ئه‌م هه‌وڵه‌ زۆر دووره‌ که‌سه‌ر بگرێ. له‌هه‌لومه‌رجێکی ئاواشدا ئه‌گه‌ر حه‌ماس نه‌یه‌ته‌ پاڵ فه‌تح له‌به‌رامبه‌ر گرنگترین کێشه‌ی سیاسی کۆمه‌ڵگای فه‌له‌ستیندا ته‌ریک ده‌که‌وێته‌وه‌، ئه‌مه‌ش له‌کاتێکدایه‌که‌ ناتوانێ به‌رامبه‌ر به‌کێشه‌ ئابووریه‌کانی غه‌ززه‌ وبژێوی فه‌لاکه‌تباری خه‌ڵک وه‌ڵامێکی کاریگه‌ر بداته‌وه‌.

بڵاوکراوه‌ی کۆمۆنیست: کاریگه‌ری ئه‌م ڕیکه‌وتنه‌ له‌سه‌ر جێگه‌و ڕێگه‌ی ئه‌مریکا وئیسرائیل وئێران له‌ناوچه‌که‌دا جۆن ده‌بینیت؟
فاتحی شێخ: ئه‌م ڕێکه‌وتننامه‌یه‌ حکومه‌تی ده‌سته‌ڕاستی ئیسرائیلی شڵه‌ژاندووه‌، هه‌ڕه‌شه‌کانی ناتانیاهۆ که‌ده‌ڵێت: مه‌حمود عه‌باس یان ده‌بێ ئاشتی له‌گه‌ل حه‌ماس بکات یان ئیسرائیل وله‌م دوانه‌ یه‌کێکاین هه‌لبژێڕێ. ئه‌مه‌ قسه‌یه‌کی بێناوه‌ڕۆکه‌، به‌تایبه‌تی که‌4 مانگی تر ڕوبه‌ڕووی ده‌وڵه‌تی سه‌ربه‌خۆی فه‌له‌ستیین، ئه‌ندام له‌کۆمه‌ڵه‌ی نه‌ته‌وه‌ یه‌کگرتووه‌کان، ده‌بێته‌وه وهه‌ر ئه‌مه‌ش ده‌بیته‌ مایه‌ی به‌ستنی ده‌ستی شه‌ڕه‌نگێزی ئیسرائیل. کۆمه‌ڵگای ئیسرائیل، به‌پێچه‌وانه‌ی باڵی ڕاستی ده‌سه‌ڵاتداره‌وه‌، پێویستی به‌کۆتایی هاتنی مێژووی ڕه‌شی داگیرکاری ئیسرائیله‌ له‌دژی خه‌ڵکی فه‌له‌ستین. حوکمی میژوو وایه‌ که‌بوونی ئیسرائیل وه‌ک ده‌وڵه‌تیکی ئارام، له‌گره‌وی پێکهاتنی ده‌وڵه‌تی فه‌له‌ستیندایه‌. یانی ئه‌و مه‌سه‌له‌یه‌ی که‌ڕێگای نه‌جاتی کۆمه‌ڵگه‌ی ئیسرائیله‌ و ‌تائێستاش له‌لایه‌ن ‌حکومه‌ته‌ یه‌ک له‌دوای یه‌که‌کانی ئیسرائیل نه‌سه‌لمێنراوه‌‌. ئه‌و ڕاستییه‌ی که‌ ناتانیاهۆ ناتوانێ تێیبگات، به‌لام خه‌ڵکی ئاشتی خوازی ئیسرائیل به‌ساده‌یی تێیده‌گات.  ئه‌مریکاش له‌هه‌لومه‌رجێکی دژواردایه‌، به‌ڵام به‌مامه‌ڵه‌یه‌کی خۆپارێزانه‌وه‌، که‌تائێستا بوویه‌تی، به‌حوکمی ڕوداوه‌ تا‌زه‌کانی ئێستا سه‌ره‌نجام له‌که‌نار ئه‌م رێکه‌وتنه‌دا ڕاده‌وه‌ستێ، چونکه‌ پێکهاتنی ده‌وڵه‌تی فه‌له‌ستین ڕێگای له‌به‌ردامدا کراوه‌ته‌وه‌. ئۆباما دووساڵ پێشتر مه‌سه‌له‌ی پێکهاتنی ده‌وڵه‌تی فه‌له‌ستینی له‌به‌رنامه‌ی خۆیدا له‌ساڵی 2011دا دیاریکردووه‌. هه‌رله‌م ماوه‌یه‌شدا نێردراوه‌کانی بۆلای حکومه‌ته‌ ده‌سته‌راسته‌که‌ی ئیسرائیل، له‌م به‌ڵێنه‌ په‌شیمان نه‌بوونه‌ته‌وه‌. ئۆباما فرسه‌تێکی گرنگی له‌ده‌ستدا، کاتێک بڕیارنامه‌ی ئه‌نجومه‌نی ئاسایش له‌لایه‌ن 14 ئه‌ندامه‌وه‌ ده‌نگیاندا به‌مه‌حکومکردنی دروستکردنی کانتۆنه‌کان له‌لایه‌ن ئیسرائیله‌وه‌ له‌سه‌ر خاکی فه‌له‌ستینه‌یه‌کان و ئه‌مریکاش ده‌نگی پێنه‌دا. ئه‌م هه‌ڵوێسته‌ په‌ڵه‌یه‌کی ڕه‌شه‌ به‌کارنامه‌ی سیاسی ئۆباماوه‌ که‌ده‌بێ وه‌ک تاوانێک قه‌ره‌بۆی بکاته‌وه‌. ئایا له‌مانگه‌کانی داهاتوودا لایه‌نگری یه‌ک لایه‌نه‌ی ئه‌مریکا بۆ ئیسرائیل، به‌قازانجی خۆگونجاندن له‌گه‌ڵ واقعیه‌ته‌ تازه‌کانی جیان له‌باره‌ی مه‌سه‌له‌ی فه‌له‌ستینه‌وه وێک دێته‌وه‌؟ ئایه‌ ئاڵوگۆڕه‌ شۆڕشگێڕیه‌کانی ناوچه‌که‌و جێگاوڕێگای ناموناسبی ئه‌مریکا له‌جیهان وناوچه‌که‌دا، گۆڕانێک له‌هه‌ڵوێسته‌کانی ئه‌مریکادا، سه‌باره‌ت به‌مه‌سه‌له‌ی پێکهێنانی ده‌وڵه‌تی فه‌له‌ستین، ناهێنێته‌ئاراوه‌؟ .. ئه‌مانه‌ پرسیارن وده‌بێ بۆوه‌لامکانی چاوه‌ڕی بین. کۆماری ئیسلامی ئێرانیش له‌م ڕێکه‌وتنه‌دا زیانی خۆی ده‌بینێ، چونکه‌ ژێر پێی سودوه‌رگرتنی له‌مه‌سه‌له‌ی فه‌له‌ستین خاڵی ده‌بیته‌وه‌. ئه‌م ڕێکه‌وتنه‌، له‌که‌نار گۆڕانکارییه‌ شۆڕشگێڕییه‌کانی ناوچه‌که‌دا، له‌وانه‌ ‌شۆڕش له‌‌سوریا وگوێزانه‌وه‌ی بۆ دانه‌دانه‌ی ده‌وڵه‌تانی که‌نداو، هاوکات هاتنه‌پێشه‌وه‌ی ڕۆڵی ده‌وڵه‌تی تورکیا له‌سیاستی ڕۆژهه‌ڵاتی ناوه‌راستدا.. ئه‌مانه‌ هه‌مویان مه‌وقعیه‌تی کۆماری ئیسلامی ئێران له‌ناوچه‌که‌دا ده‌خاته‌ ژیڕ فشاره‌وه‌. درێژه‌کێشانی ئه‌م هه‌لومه‌رجانه‌ ته‌نانه‌ت زه‌ربه‌یه‌کی گه‌وره‌ له‌جێگاوڕێگای ئێران له‌عێراقدا ده‌دات، ئه‌مه‌ش به‌مانای لاوازبوونیه‌تی له‌گشت ناوچه‌که‌دا.

پاککردنه‌وه‌ی دونیا له‌تێرۆریزم و تیرۆریستان کاری بزوتنه‌وه‌ی ئازادیخوازی و کرێکارییه‌‌!

سه‌ره‌نجام هه‌واڵی کوژرانی بن لادن سه‌رۆکی ڕیکخراوی تیرۆریستی قاعیده، له ‌کرده‌وه‌یه‌کی کۆماندۆیی له‌حه‌شارگه‌ی خۆی له‌نزیک پایته‌ختی پاکستانه‌وه‌، له‌لایه‌ن ئۆباما و ده‌زگاکانی ڕاگه‌یاندنی پەنتاگۆنه‌وه‌‌، ڕاگه‌یه‌ندرا. به‌ڵام بن لادن کێ بوو؟. ئوسامه‌ بن لادن و ڕێکخراوه‌ تیرۆریستییه‌که‌ی، یه‌کێک له‌سومبول و ڕه‌وته‌کانی ئیسلامی سیاسییه‌، که‌ده‌ستیان سوره‌ به‌خوێنی ده‌یان هەزار ئینسان و ئه‌نجامده‌ری سه‌دان کرده‌وه‌ی کاولکاری و ته‌قینه‌وه‌ و سه‌ربڕین و ئینسان دزیو تیرۆریزمێکی کوێرانه‌یه‌‌. ‌بێگومان نه‌مانی ئه‌م سومبوله‌، به‌مانای ڕزگاربوونی جیهان و کۆمه‌ڵگای ئینسانی ئه‌مڕۆیه‌، له‌ده‌ستی ‌یه‌کێک له‌بکوژان و تیرۆریستانی، به‌لام ئه‌م ڕزگار بونه‌ هیچ حه‌قیقه‌تێک نادات به‌ئۆباماو ده‌سه‌ڵاته‌که‌ی، سه‌باره‌ت به‌وه‌رگرتنی “مه‌جرای عه‌داله‌تی جیهانی له‌دژی تیرۆر”، چونکه‌ ئه‌وه‌ خودی ئوباما و سه‌رانی ده‌ست و پێوه‌نده‌کانییه‌تی ‌له‌ده‌وڵاتانی ‌ڕۆژئاوا، که‌گه‌وره‌ترین ئامێری تیرۆریزمی ده‌وله‌تییان له‌دژی کۆمه‌ڵگای جیهانی به‌ڕێخستوه‌. ‌داسپاندنی گه‌مارۆی ئابووری و برسیکردنی کومه‌ڵگاو ملهوڕی و داگیرکاری، جه‌نگ و کاولکاری له‌عێراق ئه‌فغانستان و میلیتاریزه‌ ‌کردنی جیهان، تا داسه‌پاندن و لایه‌نگری له‌ده‌سه‌ڵاته‌ دیکتاتۆرو کۆنه‌په‌رسته‌کان، گۆشه‌ سه‌ره‌کیایه‌کانی ئه‌م تیرۆریزمه‌ ده‌وله‌تییه‌ی ئەمریکاو ڕۆژئاوایه‌. ته‌نانه‌ت خودی ئیسلامی سیاسی و تیرۆریزم و بنلادنه‌که‌ی به‌رهه‌می سیاسه‌تی جه‌نگی ساردی ئه‌مریکاو دەوڵه‌تانی ڕۆژئاوایه‌ که‌وه‌ک ئامرازێک بۆ سه‌رکوتی بزوتنه‌وه‌ی ئازادیخوازی و چه‌پ مه‌ده‌نیه‌تی کۆمه‌ڵگا به‌ده‌سته‌وه‌یان گرت و کردیانه‌ ‌له‌مپه‌رێکی مه‌ترسیداری خوێناوی له‌سه‌ر ڕێگای هه‌ستان و په‌ره‌گرتنی جوڵانه‌وه‌ی شۆڕشگێڕانه‌ی کرێکاران و ژنان و زه‌حمه‌تکێشان‌ له‌ڕۆژهه‌لاتی ناوه‌ڕاستدا.

عه‌داله‌ت و ئارامی کومه‌ڵایه‌تی له‌سه‌رده‌مێکدا به‌ده‌ست نایه‌ت که ‌جه‌نگی دوو قوتبی تیرۆریستی بۆرژوازی، یانی ئه‌مریکاو ده‌وڵه‌تانی ڕۆژئاواو ده‌سه‌ڵاته بۆرژوازیه‌کان له ‌ڕۆژهه‌لات، له‌لایه‌ک و ئیسلامی سیاسی و تیرۆریزمه‌که‌ی له‌لایه‌کی تروه‌، ساڵانێکه‌ بۆ کۆنترۆڵی جیهان و به‌ده‌ستهێنای باڵاده‌ستی زیاتر و بازاڕی سه‌رمایه‌ و هیزی کاری هه‌رزان، له‌شه‌ڕیکی خوێناوی و نه‌بڕاوه‌دان، ، مه‌گه‌ر ئه‌وه‌ی که‌دونیا له‌م ده‌سه‌ڵاتانه‌ و تیرۆریزمه‌که‌ی له‌ڕیشه‌وه‌ پاک بکرێته‌وه‌. به‌پێچه‌وانه‌ی قسه‌کانی ئۆباما و ڕاگه‌یاندنه‌کانی پەنتاگۆن و ژوڕنالیزمی نۆکه‌ری ئه‌وروپاییه‌وه‌،‌ ‌کوشتنی بنلادن، ‌کرده‌یه‌ک نییه‌ له‌سه‌ر ڕێگای گێڕانه‌وه‌ی ئارامی و دادپه‌روه‌ری جیهانی، به‌ڵکو هه‌نگاوێکه‌ بۆ نیشاندانی ملهوڕی سه‌ربازی ئه‌مریکا و درێژه‌دانه‌ به‌ڕۆڵی له‌شکرکێشی و جه‌نگخوازی به‌سه‌ر جیهاندا، له‌ده‌وره‌یه‌کدا که‌ئه‌م ڕۆڵه‌ رووی له‌نشێوییه‌.

کوشتنی بنلادن یه‌کجاریتر ئه‌وڕاستییه‌ی هێناوه‌ته‌ پێشه‌وه‌ که‌ پاککردنه‌وه‌ی دونیا له‌تێرۆریزم و تیرۆریستان کاری بزوتنه‌وه‌ی ئازادیخواز و ئینسانی و کرێکاریه‌، کارێکه‌ که‌ده‌بێ ‌چینی کرێکار و بزوتنه‌وه‌ی شۆڕشگێڕانه‌ له‌هه‌ر ووڵاته‌دا، سه‌رمایه‌داری و ده‌سه‌ڵات و تیرۆریزمه‌که‌ی بخاته‌ به‌رده‌م هه‌ستان و شۆڕشێکه‌وه‌ که‌کۆمه‌ڵگا و دونیایه‌‌کی به‌دور له‌جه‌نگ و میلیتاریزم و ئینسان کوژی داده‌مه‌زرێنی. حزبی کۆمۆنیستی کرێکاریی کوردستان له‌م پێناوه‌دا تێده‌کۆشێ.

حزبی کۆمۆنیستی کرێکاریی کوردستان

4/5/2011

Entry filed under: فاتیح شێخ. Tags: .

ئاخ دڵم تەقى حکومەت كۆمەڵ و یەكگرتووی ئیسلامی دژی بەیاسایی كردنی سرودی(ئەی رەقیب)ن ‌

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,797 hits

%d bloggers like this: