یەکێتی دوای ٣٦ ساڵ

2011/06/01 at 3:38 PM Leave a comment

یەکێتی نیشتمانی کوردستان، وەکوباڵێکی بزوتنەوەی ناسیونالیستی کورد، ٣٦ ساڵی تێپەڕاند.

عەبدوڵا مەحمود:لە مێژووی دامەزراندنییەوە تا بە ئێستادەگات، دروشمی دیموکراتی، مافی مرۆڤ, بانگەشەی شۆڕشخوازی و پێشکەوتنخوازی، فرەیی  و “چەپکە گوڵ”، حزبی سۆسیال دیمکرات و حزبیسەروەری و شەهیدان و قوربانیدان,… مانشێت و تایتڵی، درێژەدان بەتەمەنی بووەو  یادەکانی داپۆشیووە.یەکێتی لە دنیای واقعیدا، لەمامەڵەیلەگەڵ ڕوداو پێشهاتەکاندا، لە ڕوبەڕووبوونەوەو کێشمەکێشی سیاسیدا، لە پەیوەندیلەگەڵ ئازادی و ئەحزاب و وڵاتاندا، لەگەڵ مافی تاک و عەلمانیەتدا، لەگەڵ
داخوازیەکانی کۆمەڵگاو چین و توێژە کۆمەڵایەتیەکانیدا، پێچەوانەی ئەم بانگەشانەی
سەرەوەی لەخۆیدا نمایش کردوە.

یەکێتی چ لە ژیان و تەلاری ڕێکخراوەیی
خۆیدا، چ لە دەرەوەی بازنەی تەلاری ڕێکخراوەیدا، حزبێکی بۆرژوازی کۆنەپەرست و دژی
ئازادی، نوێنەری کەڵچەری بزوتنەوەی چینە داراو کۆنەپەرستەکانی کۆمەڵگا بووە.

لە ژیانی رێکخراوەیی خۆیدا، ئەوەی
نارەزایەتی و رەخنەیەکی توندی لە یەکێتی گرتبێ، توشی زیندان و لێدان و تڕۆکردن و
تەسفیەی جەسەدی بۆتەوە و بوونی ئازادی بیروڕا، بۆچونی جیاواز… لەناو یەکێتیدا لە
درۆیەک زیاتر شتێکی تر نەبووە، وە یەکێتی بە پێچەوانەی بانگەشەی خۆیان و بەشێک لە
ئیلێتی” بژاردە” نوسەرەوە هیچ وەختێک باڵی میانەڕەو نەرم و توندڕەوی تیا
نەبووە، یەک یەکیتی هەبووە کە هەموویان “مامیان بە براگەورە”! و سیاسەتی
یەکێتیان بێ ئەمماو ئەگەر رەسم کردووە و لە جێبەجێکردنیدا بەشدار بوون. کێشە لەسەر
سەڵاحیەتی سەرۆک، دارایی و دزی و سەلاحیەتەکان، وەک ڕاستیەک بووەو ڕاگەیەنراوە.
بەڵام نەبیستراوە لەسەر پرسی چارەسەری کێشەی خەڵکی کوردستان، پرسی ئازادی، ژن،
مافی تاک، داخوازیەکانی خەڵکی کوردستان، عەلمانیەت، مامەڵە لەگەڵ ئەحزاب و کۆمەڵگا،
و دیاردەکان و نەخشەو هەڵوێست و پرسی سیاسیدا، لەناو یەکێتیدا، ناکۆکییەک هەبووبیت
یان بەڕۆشنی ڕاگەیەنرابێت. 

لەمامەڵەی لەگەڵ ئەحزابی سیاسی سەر
بەهەمان خانەوادەی خۆیشیدا، ئەوەی سەرکوتکەری ئەو و سیاسەت و هەڵوێست و مەیدانداری
ئەوی خستبێتە ژێر پرسیارو هەڕەشەی ئاراستە کردبێت، “تۆڵە بەزەبرەو ئەمما
بەسەبرە” یەکێتی تەقڵە بەفیل لێئەدات” دروشمی تیكشکاندن و سرینەوەیان
بووە. فرەیی یان “چەپکە گوڵەکە” درۆیەکە خۆی دەدوێت. لە بەرامبەر حزب و
لایەن و کەسایەتیە کۆمۆنیست و چەپ و لایەنی دەرەوەی بازنەی خۆشیاندا، هەرچی بۆیان
کرابێت کردویانە و دەستیان نەپاراستووە. ١٤/٧/٢٠٠٠ نمونەیەکی بەرجەستەیەتی.

لەگەڵ وڵاتانی ناوچەکەدا، سەرانی
خوێنەخۆری داواو داخوازیەکانی ئازادیخوازی ئەم وڵاتانە و خەڵکی کوردستانی، ستایش
کردووە هەموو هەوڵکیان داوە بە دۆستی خەڵکی 
کوردستان و رزگاری گەلان و کاریزمای ئازادی بیاناسێنێ. وە لەخۆشخزمەتی و
پێشلەشکری بۆیاندا، ملی لەتاڵەموویەک بۆیان باریکتر بووە. لەسەرکوتی ئۆپۆزیسیۆنی
ئەم وڵاتانەدا، ڕوبارێک خوێنیان کردۆتە دیاری جەلادەکانی ئازادی.

لەگەڵ وڵاتان و زلهێزەکانی دنیادا،
هەمیشە سەرانی هەڵکوڕماو بوون لەبەردەم کارمەندە وردو درشتەکانیاندا، لەخۆبەستنەوە
بەسیاسەت و ستراتیج و بەرژەوەندییە چاوچنۆکەکانیاندا، بێ ئەمماو ئەگەر ملیان داوە.

لە کوردستاندا، حزبی دەوڵەمەندان و
سەروەتمەندان و پشت و پەنای کۆنەپەرستی بووە، لەبەرامبەر بە چینی کرێکارو توێژە
بێبەشەکان و خواست و داوا ڕەواکانیان و پێشکەوتنخوازیدا. هیچ خۆپیشاندان و ناڕەزایەتیەک
لەژێر سایەیدا لە شاخ بوبیت یان شار، بەبێ ناو ناتۆرە لێدان، بەبێ تۆمەتبارکردن
بەدەستی دەرەکی، تابوری پێنجەم، بەعسی، تا دەگات، بەهەڕەشە، چاوسورکرنەوە، زیندانی
و زۆری هێزو چەک وەڵام نەدابێتەوە. لە بەرامبەر هەر ئازادیخوازیەکدا، هەمیشە لە
پشتی کۆنەپەرستی بووە دەوری مەلا و کۆنەپەرستی ئیسلامی گێڕاوە. کەم ئینسانی
ئازادیخواز و نوسەر کۆمۆنیست و چەپیش لەو کەشو هەوایەدا، تیرۆر نەکراون و فتواکانیش
تۆمارێکی درێژن. لە زاڵکردنی دۆخی کۆنەپەرستیش بە سەر کۆمەڵگادا، یەکێتی هونەری!
کەمی بەسەرف نەداوە.

لە پەیوەند بە ئازادییەوە، ئەمما
ئەگەرەکان و بەڵامەکان، کە کراونەتە پاشگری ئازادی زۆر لە چەمکی ئازادی زیاترن،
هێڵەسورەکان زۆر زیاتر بوون لەو ئازادیانەی بە ئەمما و ئەگەرەوە ڕایگەیاندون،
موقەدەساتە دینی و نەتەوەیی و تایفی و مێژوویی و کەلتوریەکان، رەمزە
داسەپێنراوەکان… ئازادییان وا دیل کردووە، مەگەر موچەخۆرە کرێگرتەکانیان،
پانتایەکەی بزانن.

     
یەکیتی بێشەرمانە، خوینی دەیان هەزار ئینسانی خوازیاری ئازادی و کەس و کارە
دڵسوتاو جەرگبراوەکانی کردۆتە دەستمایەو گەمەی سیاسی و پاراستنی پایە وەلەرزە
کەوتوەکانی، بە دەیان هەزار ئینسانی توڕە لە بەعس و دڕندەیەکەی بەهیواو ئارەزوی
بەرزەوە بۆ ئازادی و کۆتاییهێنان بەستەم وزوڵمی قەومی و لە ڕیزەکانی یەکێتی
نیشتماندا گیانیان لەدەستداوە، یان لە ململانێی حزبە ناسیونالیستەکان و بەعسدا،
گوللە باران، کیمیای باران، ئەنفال، وە قەسابی کراون. کەچی ئەم حزبانە و یەکیتی بە
تایبەتی لیستی درێژی ئەم هەموو ئینسانانەی بەدەستەوە گرتووە بۆ مامەڵەیەکی سیاسی.
تا بەعس مابوو، هەمیشە لیستی ئەم قوربانیانە لە ژێر باڵیان بوو بۆ سازان و بەش
وەرگرتن لەبەعس، لە دوای کەوتنی بەعسیشەوە، بۆ کپ کردنەوەی دەنگی ئازادیخوازی و
نارەزایەتی شەقام ورەسمیەت دان بەدەسەڵاتدارێتیان، دیسان فایلی ئەم لەشکرە لەو
ئینسانەی بە هیوای رزگاریەوە گیانیان بەختکرد یان بوونە قوربانی، بەدەستەوە دەگرێت
و مامەڵەی پێوە دەکەن، دەڵێن ئێمە روبارێک خوینمان داوە، ئێمە حزبی سەروەری و
شەهیدانیین، تا بڵێن کەس مافی دەنگ بەرزکردنەوەی نییە، کەس مافی نارەزایەتی
دەربڕینی نییە، کەس مافی داواو داخوازی و رەخنەگرتنی نییە، وە ئەمە ڕێگەی
سەرکوتکردنی پێداوین، رەسمیەتی دەسەڵاتمانە، بۆیەش نایشارنەوە دەڵین بە خوێن ئەم
ئەزمونەمان! بنیات ناوە، تا ئەوەی رەخنە ریشەیی ئاراستە بکات و هەوڵی گۆرینی بدات،
خەڵتانی خوێن بکەن.

لۆجیکی دەست نەپاراستن لە خۆپیشاندرانی
بێچەکی ئەم دوایەی کوردستان، ڕفاندنی چالاکوانانی، بەسیجکردنی بەلتەجیەکان و
بەردانی دەمامکدارو بێدەمامکەکان لە خەڵکی ئازدیخواز و ناڕازی و هەڵسوڕاونی سیاسی،
ریشەی لەهەمان حەقیقەت دایە، کەدەیانەوی بە ناوی بەرگری لە خوێنی شەهیدانەوە، خوێن
رێژی بکەن و رەسمیەت بەسەرکوت و پشتکردنە داخوازیە رەواکانی خەڵکی کوردستان، درێژە
پیبدەن. بە جیا لەوەش یەکیتی کە هیچی پێ نییە بۆ ئیستاو ئاینندە بۆیە هەمیشە
دەیەوێت ئامبازی ڕابردوی بێت، وە دەخوازێت کۆمەڵگاو داخوازییەکانی وە دیدو فکرو
ئازادی لە رابردودا لە قاڵب بدات، لە کاتێکدا نەسڵی نوێ و داخوازی ئەم سەردەمە،
هیچ پەیوەندیەکی بە رابردووەوە نییە. هەر وەکو چۆن کیشەکانی ئێستای خەڵکی
کوردستانیش، کەمترین پەیوەندیان بە رابردووەوە هەیە.      

یەکێتی نیشتمانی، بە رابردو ئیستایەوە،
بەسەردەمی شاخ و شاریەوە، بە ئۆپۆزیسیۆن بوون و دەسەڵاتییەوە، لە حاڵەتی جەنگ و
ئاشتیدا لەگەڵ پارتی هاو مێژووی لە کوردستاندا، خاوەنی هیچ سەروەری و شانازیەک
نییە. وە چاکسازی هەڵناگریت، ئاخر حزب و هێزێک بەم هەموو بانگەشانەیەوە بۆ ئازادی
و دیموکراسی و مافی مرۆڤ و سوسیال دیموکراتی، بەڵام بە مێژووی بەکردەوەو
پەیامەکانییەوە، بە کارنامە و مامەڵەی لەگەڵ بزوتنەوەی نارەزایەتی ئەم دوایەی
کوردستان و ئیستایدا… نیشانیدا ئەو ‌حزبە، حزبێکی کۆنەپەرست و دژی ئازادی و دژی
ئاڵوگۆرو دژی سەرەتاییترین خواستەکانی خەڵکەو ئامادەیە مناڵ و پیر و لاو لەسەر
خۆپیشاندان و داوای زۆر سادە بداتە بەر دەستڕیژی گوللەو شارەکان میلیتاریزە بکات، ئامادەیە
سوپای کوردایەتی بەر بداتە گیانی ناڕازیانی شەقام، حزبێکی ئاوا نە جێگای شانازی
نییە، بەڵکە دەبێ بڕوات و بۆتە زیادە بەسەر کۆمەڵگاوەو زائیدەی میژووی هاوچەرخە.

                                                           
عەبدوڵا مەحمود

abdulla.mahmud@gmail.com

 کۆتایی
ئایاری ٢٠١١

Entry filed under: عبداللە مەحمود. Tags: .

خامنه‌یی‌ هۆشداری‌ دایه‌ ئه‌حمه‌دی‌ نه‌ژاد.. گۆڕان‌و كۆمه‌ڵ به‌شداری یادی یه‌كێتی ناكه‌ن

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 722,030 hits

%d bloggers like this: