كۆبونەوەی پێنج قۆڵی بۆ گفتوگۆ لەسەر خواستەكانی جەماوەر نی یە…!

2011/06/04 at 12:01 AM Leave a comment

دەربارەی كۆبونەوەو گفتوگۆی پێنج قۆڵی دەسەڵات و ئۆپۆزیسێۆن

موزەفەر عەبدوڵا:رۆژی حەڤدەی ئەم مانگە مەسعود بارزانی بە بڵاو كردنەوەی پەیامێك بانگێشتی ھەر سێ لایەنی ئۆپۆزیسیۆنی بۆرژوا قەومی و ئیسلامی، گۆران ، یەكگرتوو و كۆمەڵی ئیسلام كرد، بۆ كۆبونەوەو گفتوگۆ لەبارەی كۆتایی ھێنان بە گرفتەكانی نێوانیان.ھەر لێرەدا پێویستە ئەوەش بوترێت كە بارزانی ئەم بانگێشتەی دوای بانگیشتی یەكەم و ئەو زنجیرە كۆبونەوەو چاوپێكەوتنانە دێت كە لەم چەند مانگە لەگەڵ مەلاكان و سەرۆك عەشیرەتەكان و چەند كەسێكی زۆر كەم لە ئەندامانی ئەنجومەنی كاتی سەرای ئازادی سازی داوە  بۆ كۆتایی ھێنان، بە ووتەی خۆی، بەو قەیرانە سیاسی و بارە نەویستراوەی كە كوردستان پیایدا تێپەر دەبێت.
ھەر رۆژێك بە دوای بڵاو كردنەوەی پەیامەكەی بارزانیدا ھەر سێ لایەنی ئۆپۆزیسێۆنیش بە پەلە كۆبونەوەو لە راگەیاندنێكدا ئامادەیی خۆیان بە بێ ھیچ مەرجێك بۆ كۆبونەوەو چارەسەری كێشەو گرفتەكانی نێوان خۆیان نیشاندا.یانی بە پێچەوانەی پێشوو كە ئۆپۆزیسێۆن بە مەرجی ھەلوەشانەوەی حكومەت و ھەلبژاردنی پێش وەخت و::ھتد ئامادەی ھەر كۆبونەوەو گفتوگۆیەك بوو.
جا بەو پی یەی لایەنە ئۆپۆزیسێۆنەكان، بمانەوێ و نەمانەوێ، سەنگی سیاسی یان ھەیە لە كێشمەكێشەكانی ئەمرۆی كوردستاندا ،بۆیە لە ئێستاوە خەڵكیكی زۆر لە چاوەروانی ئەم كۆبونەوەو گفتوگۆ پێنج قۆڵی یەدان كە بریارەو وا چاوەری دەكرێت لە ھەفتەی ئاییندەدا ساز بكرێت.بێگومان ئەم چاوەروانی یەش زیاتر بەلای كەسانێكەوەیە كە  لە ریزەكانی ئەو پێنچ لایەنەدان. بە تایبەتی كەسانێك كە ھێشتا خۆشخەیاڵی یان ھەیە بەرامبەر ئۆپوزیسێون ،بە تایبەتی بزوتنەوەی گۆران كە لە ھەمو لایەنەكان زیاتر پروپاگەندەی لایەنداری لە خواستەكانی خەڵك دەكات.وە ھەر بۆیەش توانیویتی نارەزایەتی یەكانی خەڵك بۆ بەرژەوەندی یە سیاسی یەكانی خۆی كۆنترۆڵ بكات.ھاوكات سازدان و نەدانی ئەم كۆبونەوەو گفتوگۆیانەو ئاكامەكانی دووبارە ،بمانەوێ و نەمانەوی ،كاریگەری دادەنێت لەسەر بارودۆخی سیاسی كوردستان بۆ ماوەیەكی كاتی.بۆیە روون كردنەوە،و بگرە ریسوا كردنی، ئەم جۆرە گفتوگۆو دانیشتنانە،و دەرخستنی ناوەرۆكەكەی ھەر لە ئێستاوە لە لایەن ھەر كەس و لایەنێكی سیاسی چەپ و كۆمۆنیست و ئازادیخوازو یەكسانیخواز پێویستە.وە كاریگەری  پۆزەتیڤی دەبێت لەسەر كات و سات و شێوازو ناوەرۆكی ھەر نارەزایەتی یەك كە لە ئاییندەدا سەر ھەڵدەداتەوە.
لە رووی یەكی تریشەوە ،بێگومان ئەوە ئێستا بۆ دەسەڵاتیش وەك رۆژ رۆشنە كە جەماوەری كوردستان  دوای دوو دەیە لە دەسەڵاتی ئەم دەستەو تاقمە میلیشییایە قەومی – خێڵەكی، و ئیسلامیانە، نارەزایەتیان بەھۆی ستەمو سەركوت و بێمافیان گەیشتە ئەوپەی خۆی .بۆیە دوای دەیان نارەزایەتی پەرش وبلاو لە چەند ساڵی رابوردودا، ئەخیرەن لە 17 شوباتدا تەقی یەوە.وە دەیان و بگرە سەدان ھەزار كەس بۆ ماوەی زیاتر لە دوو مانگ دەستیان دایە نارەزایەتی و خۆپیشاندان.دیارە ئەم نارەزا یەتیانە جگە لە فاكتەرە ناوخۆیی یەكانی، فاكتەری دەرەكیش كاریگەری لەسەری ھەبوو، كە ئەویش راپەرینەكانی تونس و میسرو ووڵاتانی تری ناوچەكە بوو.
لەم خۆپیشاندانانە دا دەیان كەس لە لایەن دەسەڵاتەوە كوژران و بریندار بوون و دەسگیر كران و ئازار  دران. دەسەڵات دەیان ئەوەندەی تر فەزای میلیشایی سەپاند بەسەر شارەكاندا. تەنانەت نەك ھەر لە سلێمانی كە بوو بوو بە كوانووی خۆپیشاندان و جۆرێك لە راپەرین، تەنانەت شارەكانی تری ھەولێرو دھۆكیش بێ بەش نەبوون لەم فەزا میلیشیایی و سەركوتگەری یە .
بێگومان لە میانەی ئەم خۆپیشاندانانە جگە لەوەی خەڵك ئێرادەو وشیاری شۆرشگێرانەو شێوازی سەرەتایی و خۆبەخۆی رێكخراوەیی چوە سەرەوە، ھاوكات چەند راستی یەكی تریش پتر دەركەوتن .ئەویش ئەوەبوو كە  جەماوەر زۆر بە روونی ،وێرای ئەوەی خواستە رەواكانی دا بە رووی دەسەڵاتدا لە ھەموو روویەكی ئابوری و كۆمەڵایەتی و سیاسی یەوە، ھاوكات ناكۆكی و جیاوازی و سنوری  نێوان خۆیان ودەسەڵاتیان نیشانداو كێشا. بەمەش ئەو پروپاگەندە پوچەی دەسەڵاتیان زیاتر بە درۆ خستەوە  كە دەڵێن  دەسەڵاتەكەیان ئاكامی ھەڵبژاردن و دەنگدانی خەڵك خۆیانە.
راستی یەكی تر ئەوەبوو كە دەسەڵاتیش دانی نا بە خواستە رەواكانی جەماوەرداو تەنانەت بریاری وەلامدانەوەی فەوری و چاكسازی یان لە ماوەی 3 مانگدا راگەیاند ھەروەك بارزانی لە ووتەیەكدا بەلێنیدا.دیارە ئەگەر چی ئەم داننانەیان زیاتر بۆ بەلارێدا بردن و وەھم دروست كردن بوو لەناو خەڵكداو ھەروەھا بۆ پێچۆڵ كردنی شەقامەكان بوو لە خۆپیشاندەران ،بەڵام لەگەڵ ھەموو ئەمانەشدا ئەم داننانە بە داواكانی خەڵك و داوای گفتوگۆ كردن لەگەڵ نوێنەرانی خەڵكدا دەرخەری پاشەكشەی دەسەڵات و پێشرەوی جەماوەری نارازی و ھەقانیەتی رەخنەو نارەزایەتی یەكانی خەڵك.
دیارە وەك ئاماژەمان پێدا ھەر لە سەرەتاوە جەماوەری خۆپیشاندەر خواست و داواكانی خۆی بە بەڵگەی نوسراو گەیاندە دەسەڵات و تەنانەت دەسەڵات ناچار كرا لەسەر ئەم خواستانە پەرلەمانەكیان كۆبێتەوە.
بەڵام دەسەڵاتدارانی كوردستانیش كە 2 دەیەیە دەمیان دڕاوەو گوێی خەڵكیان كەڕ كردوە بە ھەراو ھوریای دیموكراسی و مافی مرۆڤ، ھەروەك دەسەڵاتە سەركوتگەرەكانی تر ،لە چەشنی موبارەك و بن علی و قەزافی ئەسەدو….ھتد، دوای دەست بردن بۆ چەك و سەركوت لە یەكەمین رۆژەكانەوە لە ھەمان كاتیشدا ھەمیشە بە دوای بەدەست ھێنانی فرسەتی زۆر لەبار بوون تا لە خاڵێكی لاوازی دا سەركوتی خۆپیشاندانەكان بە یەكجاری بكات، وە ھەرواشی كرد و لە ئاكامدا ،رۆژی 19 نیسان دەستی دایە ئەو سەركوتەو پاشەكشەیەكی كاتی بەسەر جوڵانەوەی نارەزای یەتی  جەماوەردا ھێنا، بێ ئەوەی جەماوەر بە ھیچ یەكێك لەو خواستانە بگەن كە ڕایان گەیاندبوو.
جا ئێستا دوای ھێنانە بەرچاوی ھەموو ئەم راستی یە بابەتیانە ھەقمانە ھەمو لایەكمان  كە ھەر لە ئێستاوە داوەری لەسەر ئەوە بكەین و بڵێین كە كۆبونەوە پێنج قۆڵی یەكەی نێوان دەسەڵات و ھەر سێ لایەنی ئۆپۆزیسونی بۆرژوازی بە ھیچ جۆرێك بۆ گفتو گۆ كردن نی یە لەسەر خواست و داواكاری یەكانی جەماوەری نارازی كوردستان. بەڵكو تەنھاو تەنھا بۆ بەدەستھێنانی چەند دەستكەوتێكی سیاسی و ئابووری خۆیانەو بەس .وە دوای ھەموو ئەم راستی یانەش كە باسمان كرد بۆ زیاتر نیشاندانی ھەقانیەتی داوەری یەكەمان لەسەر كۆبونەوەكەو گفتوگۆكەیان دەكرێت ئاماژە بە چەند راستی یەكی سیاسی تریش بدرێت لەوانە:-
یەكەم: لە میژووی ھەمو نارەزایەتی یە جەماوەری یەكاندا ھەر وابووە ،ئەگەر سەركوتیان نەكردبیت ،یان بەلاریاندا نەبردبێت، نوێنەرانی خەلكی خۆپیشاندەرو راپەریو دەبێت كۆبونەوەو گفتوگۆ بكات لەگەل ئەو لایەنە یان دەسەلاتە كە جەماوەر خواستەكانیان لە بەرامبەردا بەرز كردۆتەوە.وە دەسەڵات بۆ ئەوەی ئەو خواستانە چارەسەر بكات پێویستە تەنھا نوینەرانی جەماوەر بە رسمی بناسێ و كۆبێتەوە لەگەڵیان .بەڵام نە ئەم دەسەڵاتە سەركوتگەرانەو نە ئۆپۆزیسیونەكانیشیان ھیچ كات نەیان ویستوەو نایانەوێت  لەگەڵ نوێنەرانی راستەوخۆی جەماوەر دانیشن و شەرعیەرتی پێ بدەن .چونكە ئەمە مانای قوڵە سیاسی یەكەی یانی زیاتر ھاتنە مەیدانی جەماوەرە.دیارە ئەم شەرعیەت دانە تەنھا لە لایەن كۆمۆنیستەكانەوەو حزب و رێكخراوە جەماوەری یەكانی چینی كرێكارو خەلكی زەحمەكیشەوە بووە چونكە ئەوان خەباتگیرو شۆرشگێری تاسەری ئەوانن.
دووەم: جەماوەری خۆپشاندەری كوردستان كاتێك لە خاڵی بەھێزی دابوون و دەستەیەك ھەبوو بۆ سەرپەرشتی و رابەری ئەو نارەزای یەتی یە و بە جۆرێك لە جۆرەكان رۆڵی نوێنەرایەتیان دەگێراو، دەسەڵات بە روالەتیش بوبێت داوای گفتوگۆی لەگەڵ نوێنەرانی خۆپیشاندەران دەكرد، پرسیار ئەوەیە ھۆی چی بوو كەڵكیان لەو فرسەتە و خاڵە لاوازەكانی دەسەڵات وەرنەگرت و نەكەوتنە گفتوگۆ لەگەڵ دەسەڵاتداو تا زیاتر بەرەو رووی ئەمری واقعیان كەنەوە. تا تەنانەت ئەگەر یەك خواستیش بێت بیسەپێنن بەسەر دەسەڵاتدا؟؟!! چونكە ئەگەر  دەسەڵات تاقە یەك خواستیشی جێبەجی بكردایە ھەر دەسكەوتێكی گەورە بوو بۆ جەماوەر.
سی یەم:راستی یەكی زۆر ئاشكرا تر ئەوەیە كە ئەم لایەنە ئۆپۆزیسۆنە بۆرژوای یانە نەك ھەر لە یەكەمین رۆژەكانەوە لەگەڵ ئەم نارەزایەتی و خۆپیشاندانانە نەبوون بەڵكو تا یەك دوو ھەفتە ھەر تۆماتباریان دەكرد بە ئاژاوەگیرو تێكدەر.وە بەڵینیان بە دەسەڵاتداران دەدا كە ئامادەیی ھەر ھاوكاری كردنێكن لەبەرامبەر ھەر زیانێك كە لە دامەزراوەیەكی فەرمی و ئاسایش و ئەمانە بكەوێت .ھاوكات تا كۆتایی خۆپیشاندانەكان و سەركوت كردنیان ئەگەر ئۆپۆزیسیۆن لایەنگری یەكیشی لە خۆپیشاندەران نیشان دابێت ئەوە زۆر شەرمنۆكانەو ترسنۆكانەو ھەلپەرستانە بووە.بۆیە ئەۆ تێزە گەورەیەی لینین كە دەلێت نابێت یاری بە راپەرین بكرێت، بە تەواوی بەسەر ئەم ئۆپۆزیسیۆنەدا دەسەپێت و دەركەوت كە ئەوان یاری بەم نارەزای یەتیانە دەكەن بۆ مەرامە سیاسی یەكانی خۆیان.
چوارەم:بە ئاشكرا سەپاندنی كۆمەڵی خواست و داواكاری كە ھەم لە ئاستی تواناكانی ئەم قۆناغەی نارەزایەتی یەكان نەبووەو، ھەم لە رووی سیاسی یەوە ئەم داخوازی یە بە زۆر سەپاوانە پەیوەستێكی سیاسی و ئۆرگانیكی وایان لەگەڵ داواكانی جەماوەردا نەبوو.لە كاتێكدا دەنگێكی تر ھەبوو ھەم لەناو جەماوەرداو ھەم لەناو ئەنجومەنی كاتی سەرای ئازادیدا ،كە چەپ و كۆمۆنیستەكان بە گشتی حزبی كۆمۆنیستی كرێكاری، بە تایبەتی بوو، كە سەرەرای دروشم و ستراتیژی سیاسی خۆیان و سەرەرای ھەڵویستی جدی و جەریئو شۆرشگێرانەیان لە بەرامبەر سەرجەم دەسەڵاتی سیاسی ھەردو حزبی دەسەڵاتدارو گشت سیستەمە سیاسی یەكە، بەڵام لەگەڵ ئەوەشدا مامەڵەو تاكتیكی سیاسی و واقعیان گرتەبەر لە خۆپیشاندانەكاندا.ئەمە جگە لەوەی ھەر چەپ و كۆمۆنیستەكان بوون لەم چەند ساڵە ھەمیشە لە ریزی پیشەوەو ھەڵگرسێنەرو گەشێنەری پشكۆی نارەزایەتی یەتی یەكانی خەڵكدا بوو ن قوربانیشیان بۆی داوە.
پێنجەم: راست یەكی تر ئەوەیە كە ئەم ئۆپۆزیسیۆنە كاریكاتۆر بونەكەی ھاوتایە بە كاریكاتۆر بونەكەی دەسەڵاتە میلیشیایی و خێڵەكی یەكەی پارتی و یەكێتی .چونكە ئەمانە لەم بیست ساڵەدا ھاوبەش بوونە لە ھەمو ئەو تاوانانەی كە دەسەڵات ئەنجامی داوە .وە ئەگەر شەرو ململانی یەكیش تا ئەمرۆ ھەبوبێت لە نێوانیان ئەوە لە پێناوی خواستە رەواكانی خەڵكدا نەبووەو تەنھا لە پێناوی بەشی زیاتر لەو گەندەلی و مشەخۆری دا بووە كە بینەقاقای ئەم سیستەمەی گرتوە.
شەشەم:كیشەو ناكۆكی نێوان ئەم دەسەلاتەو ئۆپۆزیسیۆنە كە بە ئاشكرا ھەردو لا دەیان جار ئاماژەیان پێداوە ئەوەیە كە دەبێت لە ھەر سێ دەسەلاتەكەدا جێگاو رێگای یەكسانیان ھەبێت لەگەل پارتی و یەكێتی بۆ ئەمەش دەبێت دەسەلاتەكان ھەلوەشێتەوەو بە حیسابی خۆیان دادپەروەران لە نێوان خۆیان دابەش بكەنەوە لە رێگای ھەلبژاردنێكی گالتەجارەنەی تردا.جا ئەگەر لە بەرزكردنەوەی ئەم دروشم و خواستانەی خۆیاندا خواستێكی سیاسی و ئابوری و كۆمەلایەتی خەلكیش بلكێنن بەمانەی خۆیانەوە ئەوە تەنھا بۆ ئەوەیانە پشتیوانی خەلكێ بە دەست بێنن .دیارە ئەمەش تایبەتمەندی ھەموو دەسەلات و موئارەزەكانی دونیایە.
حەوتەم:…………
دیارە دەكرێت ھەر لەم بارەیەوە ئاماژە بە چەندین بەڵگەی سیاسی تر بدرێت بۆ زیاتر نیشاندانی ئەم راستی یە كە ئەم ئۆپۆزیسیۆنە نە لە رووی مێژووی سەرھەڵدانی یەوەو نە لە رووی بەرنامەی سیاسی و ستراتیژو تاكتیك یەوە ھیچ لە قازانجی خەڵكی نی یە. وە بۆیە كۆبونەوەكانیشیان نە لە نیوان خۆیان و نە لەگەڵ دەسەڵات بۆ گفتوگۆ و جێ بەجێ كردنی خواست و داواكاری یەكانی جەماوەری نارازی كوردستان نی یە.وە نابێت جەماوەری ئازادیخواز ھیچ خۆشخەیاڵی یەكیان پێیان بمێنێ، و پێویستە كرێكاران و زەحمەتكێشان و لاوانو قوتابیان و ژنانی ئازادیخوازو یەكسانیخواز ریزی خۆیان جیاكەنەوە لەمانەو لە رێگای خۆ رێكخراوكرنیان بە ئاسۆو بەدیلی  سۆسیالیستی یەوە كە ھەر ئێستا ئەم ئاسۆو بەدیلە  بوونی ھەیە، كە ئەویش حزبی كۆمۆنیستی كرێكاری یە.

mozafar_as@yahoo.com

27ئایاری 2011

Entry filed under: موزه‌فه‌ر عه‌بدولاَ. Tags: .

سوریا هاوڵاتیان له‌دژى ده‌سه‌ڵاته‌كه‌ى ئه‌سه‌د رِژانه‌ سه‌ر شه‌قامه‌كان پـــــەیـــــامی گـــــروپـــــی خـــــۆپیـــــشاندەرانی خـــــۆرسک

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,996 hits

%d bloggers like this: