نەوشیروان مستەفا:بڕوای بە ماركسیزم نەماوە،بەڵام ئێستاش خۆی بە چەپ دادەنێ.

2011/06/14 at 10:28 PM Leave a comment

ئەو پێیوایە زۆربەی حالەتەكانی تەلاقدان لە كوردستان دەگەڕێتەوە بۆ هۆكاری ئابووری،بەڵام لە هەمانكاتدا زۆربەی جیابوونەوەكانیش خەتای ژنە

گۆڤاری چرپە/نەوشیروان مستەفا سەركردەیەكی سادەیە لە ژیانیدا‌و حەزی لە خواردن ‌و پۆشینی بەرگی سادەیە ، لە ژیانیدا وەرزشی نەكردووە‌و لە تەلەڤزیۆنیش تەماشای وەرزش ناكات.لە راپۆرتێكی ژمارە 3ی گۆڤاری (چرپە)دا زۆربەی حەز و هیوا تایبەتییەكانی نەوشیروان مستەفا، سەرۆكی بزووتنەوەی گۆڕان ئاشكرا كراون.
لەو راپۆرتەدا هاتووە، نەوشیروان مستەفا حەزی لە یاریكردن نییە و هیچ كات وەرزش ناكات، تەنانەت لە تەلەڤزیۆنیش سەیری یاری ‌و وەرزش ناكات.
هەروەك لەو راپۆرتەدا هاتووە ، نەوشیروان مستەفا بایەخ بە جلوبەرگ نادات و زۆر سادەیە‌ و گرنگی بە جلوبەرگی تایبەتی نادات ‌و خۆی دەچێتە بازاڕ بۆ كڕینی جلو‌بەرگ ‌و بە ئاسایی مامەڵە لەگەڵ دووكاندار دەكات تەنانەت بۆ كراسێكیش.
هەروەها قسە لەڕووەو بڕوای بە پەیوەندی بەهێز نییە. هەروەها دەڵێ بڕوای بە ماركسیزم نەماوە، بەڵام ئێستاش خۆی بە چەپ دادەنێ.
لە رێگەی هاورێیەكانیەوە ئاشكرا كراوە كە نەوشیروان بۆ خواردن زۆر نەوسن نییە ‌و بەتەنها نیسكێنەی لەپێش دابنێ دەیخوات‌ و هاوینانیش حەزی لە تەماتەو خەیاری قاشكراوە.
نەوشیروان مستەفا لە ساڵی 1944 لە گەرەكی سەرشەقام (بەرخانەقا) لە سلێمانی لە بنەماڵەیەكی ناسراو لەدایكبووە، لە ساڵانی شەستەكانی سەدەی رابردوو دەستی بە كار و چالاكی رێكخراوەیی كردووە لە ریزەكانی یەكێتی قوتابیانی كوردستان دا، ئەو رێكخراوە یەكەم وێستگەی ژیانی سیاسی نەوشیروان مستەفا بووە.
نەوشیروان مستەفا دواتر بووەتە ئەندامی لقی سلێمانی پارتی دیموكراتی كوردستان، دواتریش لەگەڵ مام جەلال دامەزراندنی یەكێتی نیشتیمانی كوردستان‌ بووە هەر لەوێوە خەباتی چەكداری ‌و شاخی دەست پێكردووە.
نەوشیروان مستەفا كۆلێژی زانستە سیاسییەكانی لە1967 لە بەغدا تەواو كردووە، خوێندنی ماستەری لەو بوارەدا لە نەمسا تەواوكردووە، دوای ئەوە ویستویەتی دكتۆرا بەدەستبێنێ، بەڵام بەهۆی دامەزراندنی یەكێتییەوە وازی لێهێناوە‌و هاتووەتەوە بۆ كوردستان.
رەفعەت مەلای هاوڕێی نەوشیروان مستەفا باس لەوە دەكات نەوشیروان زۆر حەزی لە گۆرانی فۆلكلۆری كوردییە بەتایبەت لاوك ‌و حەیران ناوە ناوەش لەبەر خۆیەوە دەیانڵێتەوە.
نەوشیروان مستەفا حەزی لە بەخێوكردنی مریشك‌، كەو و ئاژەڵی كێوییە وەك ئاسك‌ و چەند ئاژەڵێكی دیكە، جگە لەوەش لە ژیانیدا حەزی لە پیاسە و پاركە، چێژێكی زۆریان لێوەردەگرێ.
نەوشیروان مستەفا لەساڵی 1981 لەگەڵ شوعلە ‌خان ژیانی هاوسەری پێكهێناوە‌و سێ منداڵی هەیە دوو كوڕ‌و یەك كچ بەناوەكانی (نما، چیا، چرا) ئەوان ئێستا لە دەرەوەی وڵات سەرقاڵی خوێندنن تەنها كوڕێكی دوای تەواو كردنی خوێندن هاتووەتەوە لای لە بزووتنەوەی گۆڕان لەگەڵ خۆی كار دەكات. ئەو هاوسەرەكەی بە نموونەی كەسی بەوەفا بۆخۆی دادەنێ.
نەوشیروان مستەفا كە دەڵێ هاوسەرگیرییەكەی بەشێوەیەكی رێكەوت بووە، سەبارەت بە ژیانیشیان دەڵێ ” جاروبار دەمەقاڵە لەنێوانمان دەبوو، بەڵام قەت رووینەداوە شەو و رۆژێك پێكەوە قسەمان نەبووبێ، زوو ئاشتبووینەوە”.
ئەو پێیوایە زۆربەی حالەتەكانی تەلاقدان لە كوردستان دەگەڕێتەوە بۆ هۆكاری ئابووری ، بەڵام لە هەمانكاتدا زۆربەی جیابوونەوەكانیش خەتای ژنە ، چونكە مووچەی ئەو گەنجانەی ژنیان هێناوە كەمە، بەپێچەوانەی پێشوو ئێستا مووچەكەی بەشی ناكات، لەكاتێكدا ژنهێنان مەسرەفێكی زۆری دەوێت .
نەوشیروان مستەفا لەبارەی زانینی زمانەوە دەڵێ “تەنها كوردی بەباشی دەزانم لە زمانی عەرەبی‌، فارسی‌، ئینگلیزی‌، ئەڵمانیش تێدەگەم ‌و قسەیان پێدەكەم”.
بەلای نەوشیروان مستەفاوە زمانزانین زۆر پێویستە بۆ مرۆڤ لەمبارەوە، دەڵێ “بڕوانامە بەهیچ نابینم ئەوەی گرنگە بۆ ژیانی مرۆڤ تەنها فێربوونی زمانە بەتایبەت زمانە زیندووەكانی جیهان بۆئەوەی لە رۆشنبیری ‌و شارستانی جیهان تێبگەی”.
هاورێیەكانی نەوشیروان ئاماژە بەوەدەكەن كە “نەوشیروان مستەفا جگەرەكێشێكی بێ وێنەیە‌و جگەرە بە جگەرە دادەگیرسێنێ”.
نەوشیروان مستەفا لەبارەی هەڵسوكەوتی لەگەڵ دەوروبەر گوتی “خۆم بە ئینسانێكی ئاسایی دەزانم ‌و هەروەك هەموو هاووڵاتییەكی دیكەی ئەم كۆمەڵگەیە 13 ساڵ لە شاخ بووم لەگەڵ هەموو كەس ‌و هاورێیەكانم پەیوەندی ئاسایم هەبووە‌و بە خۆبەزلزانانە مامەڵەم نەكردووە لە خۆشی ‌و ناخۆشییەكانیشیان بەشدار بووم”.
هەر لەو راپۆرتەی گۆڤاری (چرپە)دا هاتووە كە نەوشیروان مستەفا گوتوویەتی “من نە جوانم‌، نە دەنگم خۆشە‌ و نە یاریزانێكی باشیشم”.
هەروەها نەوشیروان مستەفا، جگە لە كاری سیاسی، چەند كتێبێكیشی نووسیوە، هەروەها لەساڵی 1969دا گۆڤاری (رزگاری) دەركردووە.

Entry filed under: نه‌وشیروان مسته‌فا. Tags: .

کوردستان وەکو زۆنی زوڵم‌و ستەمکاری قه‌زافی‌ 182 مه‌تر له‌ژیر زه‌ویدایه‌

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


RSS مطالب سایت آزادى بيان

  • An error has occurred; the feed is probably down. Try again later.

RSS هه‌واڵه‌کانی BBCی به فارسی

  • An error has occurred; the feed is probably down. Try again later.

RSS بابەتەکان لە بالاترین به فارسی

  • An error has occurred; the feed is probably down. Try again later.

RSS بي بي سي -العربية

  • An error has occurred; the feed is probably down. Try again later.

ژمــــاره‌ی ســــه‌ردان

  • 721,827 hits

%d bloggers like this: