بۆ رێگرتن له‌خۆپیشاندان،هێزه‌کانی ئاسایش نزیکه‌ی 40 که‌س ده‌ستگیر کردوه

له مێدیاکانه وه:به‌مه‌به‌ستی رێگه‌گرتن له‌سه‌رهه‌ڵدانه‌وه‌ی خۆپیشاندانه‌کان، راوه‌دونان و ده‌ستگیرکردنی گه‌نجان له‌ شاری سلێمانی له‌لایه‌ن هێزه‌ ئه‌منییه‌کانه‌وه‌ به‌رده‌وامه‌.له‌وباره‌یه‌وه‌ په‌یامنێرمان پێی راگه‌یاندین، له‌گه‌ڵ قه‌ره‌باڵغبونی سه‌رای ئازادی سلێمانی، له‌هه‌مان کاتدا له‌لایه‌ن ئاسایش و هێزه‌ ئه‌منییه‌کانه‌وه‌ راوه‌دونان و ده‌ستگیرکردنی گه‌نجان و چالاکوانان به‌رده‌وامه‌ و تائێستا، نزیکه‌ی 40 که‌س ده‌ستگیر کراون.
سبه ی بڵاوی کرده وه که ئه‌وه‌ له‌کاتێکدایه‌ له‌گه‌ڵ بڵاوبونه‌وه‌ی هه‌واڵی ئه‌وه‌ی که‌ ئه‌مڕۆ (هه‌ینی) خۆپیشاندان ئه‌نجام ده‌درێت له‌گروپه‌کانی تۆڕی کۆمه‌ڵایه‌تی فه‌یسبوک، چه‌ند رۆژێکه‌ هێزێکی زۆر له‌ده‌وروبه‌ری سه‌را بڵاوکراونه‌ته‌وه‌.