ده‌ست له سه‌رکوتکردنی جه‌ماوه‌ری ناڕازی هه‌ڵگرن!
2011/07/17 at 9:41 AIM: لێدوانێک بنووسە
دکۆمیته‌ی سلێمانی:وای ئه‌وه‌ی کۆمه‌ڵێک گه‌نج له ژێر ناوی خۆپیشاندانی خۆڕسکدا له ڕێی تۆڕی کۆمه‌ڵایه‌تی فه‌یسبووک و دواتریش هه‌ندێ بڵاوکراوه‌کانه‌وه ڕایانگه‌یاند که 15.7 خۆپیشاندان ئه‌که‌ن له مه‌یدانه‌کانی ئازادی، ئه‌مڕۆ له سه‌رای ئازادی شاری سلێمانی گه‌نجان و هاووڵاتیانێکی زۆر کۆبوونه‌وه به مه‌به‌ستی خۆپیشاندان. به‌ڵام هه‌ر له به‌یانی ئه‌مڕۆوه هێزێکی زۆر له ئاسایش و پۆلیس و هێزی چالاکیه مه‌ده‌نیه‌کان له ناوشاردا بڵاوه‌یان پێکرا به مه‌به‌ستی ترساندن و هێرش کردن و سه‌رکوتکردنی خۆپیشانده‌ران.
دوای ئه‌وه‌ی که هه‌ندێ له خۆپیشانده‌ران که‌وتنه ووتنه‌وه‌ی شیعاری “ئازادی ئازادی” هێزه ئه‌منیه‌کان بێ بەزەیانە که‌وتنه لێدان به شێوه‌یه‌کی زۆر دڕندانه و ته‌نانه‌ت یه‌کێک له دوکانه‌کانی ئه‌و ناوه‌یان به‌کارهێنا بۆ لێدان و سه‌رکوتکردنی ئه‌و گه‌نجانه. ئه‌مه و هه‌واڵه‌کانیش وا ڕائه‌گه‌یه‌نن که چه‌ند که‌سێک دیار نه‌ماون و ڕفێندراون.
ئه‌م هه‌ڵسوکه‌وته‌ی ده‌سه‌ڵاتداران و هێزه ئه‌منیه‌کانیان درێژه‌ی هه‌مان سیاسه‌تی سه‌رکوتگه‌رییه بۆ پاراستنی دەسەڵاتی میلیشاییان که له 19 ی نیسانه‌وه بۆ خه‌فه کردنی ناڕه‌زایه‌تی خه‌ڵک ده‌ستیان پێکرد و به دواشیدا چه‌ندین که‌سیان له هه‌ڵسوڕاوه‌کانی خۆپیشاندانه‌کانی 17 ی شوبات و ڕۆژانی دوایی ڕفاند و ده‌ستگیریان کردن. سیاسه‌تی سه‌رکوت و زیندانیکردن و ئەشکەنجەو ڕفاندن له لایه‌ن ده‌سه‌ڵاتی کوردایه‌تیه‌وه مایه‌ی ریسوایی و نه‌فره‌ت و ناڕه‌زایه‌تی هه‌موو جه‌ماوه‌ری ئازادیخواز و نارازی و ڕاپه‌ڕیوە . ئێمه ته‌واوی هه‌ڵسوکه‌وتی سه‌رکوتگه‌رانه‌ی ئه‌مڕۆی هێزه ئه‌منیه‌کان ریسواو مه‌حکوم ئه‌که‌ین، ئەوە ڕائه‌گه‌یه‌نین که باشتر وایه ده‌سه‌ڵات ده‌ست له‌م سه‌رکوتگه‌رییه هه‌ڵگرێ و دەست بەجێ وەلام بە خواستەکانی خەڵک بداتەوە، بە ئامرازی ترس و سەرکوت نەک ناتوانی دەسەلاتەکەی تاسەر بپارێزێت، بەڵکو کینەو تورەیی و نەفرەتی جەماەری کوردستان لە بەرامبەریدا زیاترو زیاتر دەبێت و ناتوانن له‌و حوکمه‌ی که جه‌ماوه‌ر به‌سه‌ر هه‌ر هێزێکی سه‌رکوتگه‌ردا ئه‌یدات خۆیان ده‌رباز بکه‌ن.
حزبی کۆمۆنیستی کرێکاریی کوردستان
کۆمیته‌ی سلێمانی
15.07.2011
Entry filed under: حزبی کۆمۆنیستی کرێکاری کوردستان.
وێراش نیوز له facebook فــــیــــس بــــوک دا
خۆپیشاندان و ناره زایه تێه کانی خه ڵکی
چاو له ڤیــدیــــۆ کلێـــپ ههمــــهڕهنــــگ ۆیــــراش نــــیــــوز بکه
ئێـــــران لــه هــهرێمی کــوردستانی عێراق خـۆی ئـــــاغـــــایـــــه
بابه ت ئــــیــسلامی و رێکخراوه ئــــیــسلامیه
به ش کۆمه‌ڵایه‌تی له سه ر تووندو تێژی ۆ ڕه شه کوژی ژنان
خۆپیشاندانی جه‌ماوه‌ری له باشوری کردستان و بێ هه ڵوێستی حێزبه کانی روژهه ڵات کوردستان؟
werash.wordpress.com 
Trackback this post | Subscribe to the comments via RSS Feed